Lətifə Əliyeva (tarixçi)
Lətifə Əliyeva (1947, Bakı) — Tarix elmləri doktor. 4 kitabın tərtibatçısı, 4 monoqrafiyanın, 1 dərs vəsaitinin, 2 proqramın, 40-dan çox elmi məqalənin müəllifidir.[1]
| Lətifə Əliyeva | |
|---|---|
| Lətifə Ağaqasım qızı Əliyeva | |
| Doğum tarixi | |
| Doğum yeri | Bakı |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | tarix |
| Elmi dərəcəsi | tarix elmlər doktoru |
| İş yeri | Azərbaycan Respublikası Prezidentinin İşlər İdarəsinin Siyasi Sənədlər Arxivində elmi işlər üzrə direktor müavini (2007 - 2016) |
| Təhsili | Bakı Dövlət Universiteti |
| Mükafatları |
   |
Həyatı və fəaliyyəti
[redaktə | mənbəni redaktə et]1947-ci ildə Bakıda hərbçi ailəsində anadan olub. 1954–1965-ci illərdə Sabirabad şəhər rus orta məktəbində oxuyub. 1965–1969-cu illərdə Bakı Dövlət Universitetinin tarix fakültəsində oxuyub. 1969–1989-cu illərdə Azərbaycan KP MK-nın elmi şöbəsi olan Partiya Tarixi İnstitutunda elmi işçi vəzifəsində çalışıb.[2] 1989–1998-ci illərdə Bakı Dövlət Universitetinin Siyasi tarix kafedrasında kabinet müdiri və müəllim vəzifəsində işləyib. 1998-ci ildən BDU-nun tarix fakültəsinin Azərbaycan tarixi kafedrasında (humanitar fakültələr üzrə) baş müəllim, dosent vəzifəsində çalışır.2000–2010-cu illərdə həmçinin Azərbaycan Respublikası Prezidenti yanında Dövlət İdarəçilik Akademiyasında baş müəllim işləyib.[3] L. A. Əliyeva 2007–2016-cı illərdə Azərbaycan Respublikası Prezidentinin İşlər İdarəsinin Siyasi Sənədlər Arxivində elmi işlər üzrə direktor müavini vəzifəsində çalışıb.[4]
elmi fəaliyyəti
[redaktə | mənbəni redaktə et]1997-ci ildə "70-ci illərdə Azərbaycan sənayesində ixtiraçılar və səmərələşdirçilər hərəkatı (1969–1982-ci illər)" mövzusunda namizədlik dissertasiyası müdafiə edib.[5] 2017-ci ildə "Şimali Azərbaycanda qadınların vəziyyəti (1900–1922-ci illər)" mövzusunda doktorluq dissertasiyası müdafiə edib. L. A. Əliyeva 4 kitabın tərtibatçısı, 4 monoqrafiyanın, 1 dərs vəsaitinin, 2 proqramın, 40-dan çox elmi məqalənin müəllifidir.[6] Məqalələrin 7-si xarici dölətlərdə: ABŞ, Türkiyə, İspaniya, Rusiya, Ukrayna, Moldova və Gürcüstanda elmi jurnallarda dərc edilmişdir. L. A. Əliyeva Almaniyada, Polşada, Rusiyada və Azərbaycanda keçirilən beynəlxalq elmi konfrans və simpoziumlarda elmi məruzələrlə çıxış etmişdir.[7] L. Əliyeva 2019-cu ildə Fransanın Milli Asambleyasında geniş elmi məruzə ilə çıxış etmişdir.[8]
Mükafatları
[redaktə | mənbəni redaktə et]- 1982-ci ildə Azərbaycan SSR Ali Soveti Rəyasət Heyətinin Fəxri Fərmanı;
- 2014-cü ildə Azərbaycan Respublikası Prezidentinin Sərəncamı ilə "Tərəqqi" medalı;
- 2018-ci ildə "Azərbaycan Xalq Cümhuriyyətinin 100 illiyi" Azərbaycan Respublikasının yubiley medalı;
- 2019-cu ildə "Bakı Dövlət Universitetinin 100 illiyi yubiley medalı.
İstinadlar
[redaktə | mənbəni redaktə et]- ↑ "Kamilləşən, müdrikləşən ömrün nuru - LƏTİFƏ ƏLİYEVA". ZiM.Az | "ZİYA" İnformasiya Mərkəzi (rus). 2024-03-29 tarixində arxivləşdirilib. İstifadə tarixi: 2024-03-29.
- ↑ "İsmayıllı: BDU-nun tarix elmləri doktoru kitablarını mərkəzə hədiyyə edib » Shimal News". Shimal News (az.). 1 avqust 2023.
- ↑ "Azərbaycan Sahibkarlar Konfederasiyası üzvləri "Gənc Qızların Təhsilinə Dəstək" kampaniyasına qoşulublar – ASK" (az.). 12 oktyabr 2021. 2024-03-29 tarixində arxivləşdirilib. İstifadə tarixi: 2024-03-29.
- ↑ "Sabirabad 80 illik yubileyini bayram etdi". sabirabad-ih.gov.az (az.). 2023-01-27 tarixində arxivləşdirilib. İstifadə tarixi: 2024-03-29.
- ↑ "Azərbaycanda Qızlar Məktəbinin yaranmasının 120 illik yubileyi münasibətilə tədbir keçirilib". Azərbaycan Respublikası Elm və Təhsil Nazirliyi (az.).
- ↑ "Ailə, Qadın və Uşaq Problemləri üzrə Dövlət Komitəsi yanında İctimai Şura". ictimaishura.az (az.). 2024-03-29 tarixində arxivləşdirilib. İstifadə tarixi: 2024-03-29.
- ↑ "Gəncədə Azərbaycan Xalq Cümhuriyyətinin 100 illik yubileyinə həsr edilmiş beynəlxalq konfrans keçirilib". ganja-ih.gov.az (az.).
- ↑ "Bakı Dövlət Universiteti". bsu.edu.az. 2024-03-29 tarixində arxivləşdirilib. İstifadə tarixi: 2024-03-29.