Maqomed Daudov

Bu, tənha məqalədir, çünki hansısa məqalədən bu məqaləyə verilmiş keçid yoxdur. Lütfən, əlaqəli məqalələrdən bu səhifəyə keçid verməyə çalışın. (fevral 2023)

Maqomed Xojaxmedoviç Daudov (rus. Магомед Хожахмедович Даудов, çeç. Дауди Хожахьмадан Мохьмад; 26 fevral 1980, Mixaylovsk, Stavropol diyarı), həmçinin Lord təxəllüsü ilə də tanınır — çeçen əsilli^[2] Rusiya dövlət xadimi və siyasətçisi, 2007-ci ildə "Rusiya Federasiyasının Qəhrəmanı" fəxri adına layiq görülmüşdür. Çeçenistan Respublikası Parlament sədrinin güc sektoru üzrə birinci müavini (2010–2012), Çeçenistan Respublikasının Başçısı və Hökuməti Administrasiyasının rəhbəri (2011–2015). Çeçenistan Respublikası III çağırış (2015–2016) və IV çağırış (2016-cı ilin oktyabrından) Parlamentinin sədri.

Maqomed Daudov
rus. Магомед Хожахмедович Даудов çeç. Дауди Хожахьмадан Мохьмад
Çeçenistan Respublikası Parlamentinin sədri
Vəzifədədir
3 iyul 2015-ci ildən
Prezident	Vladimir Putin
Qubernator	Ramzan Kadırov
Əvvəlki	Dukuvaxa Əbdurəhmanov
Çeçenistan Respublikası Başçısı və Hökuməti Administrasiyasının rəhbəri
21 may 2012 – 3 iyun 2015
Əvvəlki	Maqomed Səlimxanov
Sonrakı	İslam Kadırov
Çeçenistan Respublikası Parlament sədrinin birinci müavini
10 mart 2010 – 21 may 2012
Prezident	Dmitri Medvedyev Vladimir Putin
Əvvəlki	Xalid Vayxanov
Sonrakı	İsa Tumhacıyevc
Şali rayonunun Daxili İşlər Şöbəsinin rəhbəri
aprel 2007-ci il – 10 mart 2010
Prezident	Dmitri Medvedyev Vladimir Putin
Qubernator	Ramzan Kadırov
Əvvəlki	Xalid Vayxanov
Sonrakı	Ruslan İreziyev[1]
Şəxsi məlumatlar
Doğum tarixi	26 fevral 1980(1980-02-26) (44 yaş)
Doğum yeri	Mixaylovsk, Şpakov rayonu, Stavropol diyarı, RSFSR, SSRİ
Partiya	Vahid Rusiya
Təhsili	Mahaçqala Maliyyə və Hüquq İnstitutu Rusiya DİN İdarəetmə Akademiyası
İxtisası	hüquqşünas, siyasətçi
Fəaliyyəti	hüquqşünas, siyasətçi
Atası	Xojaxmed Abdulvahaboviç Daudov
Anası	Makka Uvaysovna Daudova
Həyat yoldaşı	Aset Movlayevna Daudova
Uşağı	12 uşağı var
Dini	İslam (süni məzhəbi)
Hərbi xidmət
Xidmət illəri	2000—2010
Mənsubiyyəti	Rusiya
Qoşun növü	Rusiya Federasiyası DİN
Rəhbərlik edib	vzvod, batalyon, bölük
Rütbəsi	Polis polkovnik
Təltifləri
parlamentchr.ru
Vikianbarda əlaqəli mediafayllar

Çeçenistan Respublikasının İqtisadi və İctimai Təhlükəsizlik Şurasının daimi üzvü (2015-ci ildən).^[3] Rusiya Federasiyası Federal Məclisi yanında Rusiya Federasiyası Qanunvericilər Şurasının üzvü (2016-cı ildən), "Vahid Rusiya" ümumrusiya siyasi partiyasının üzvü, partiyanın baş şurasının Rəyasət Heyətinə seçilib (2018), partiyanın regional şöbəsinin katibi seçilib (2019), Rusiya Federasiyası Prezidenti yanında Yerli Özünüidarəetmənin İnkişafı Şurasına daxil edilib (2019). Rəsmi KİV-də onun Rusiya dövlətçiliyinin gücləndirilməsinə yönəlmiş fəaliyyətləri və əldə etdiyi nailiyyətlər arasında terrorizmlə mübarizəyə əhəmiyyətli töhfələri vurğulanır. O bir sıra vəzifələrdə çalışmışdır:

Əhməd Kadırovın Təhlükəsizlik Xidmətində işçi (2002–2004), keçmiş bölük komandiri, sonra Çeçenistan Respublikası üzrə Daxili İşlər Nazirliyinin Şali rayonunun Daxili İşlər Şöbəsi üzrə xüsusi polis batalyonu komandiri (2004–2005), respublika OMONunun qərargah rəisi (2006–2007), Şali rayonunun Daxili İşlər Şöbəsi (2007–2010). Polis polkovniki, bir çox mükafata malikdir, o cümlədən iki "Cəsarət" ordeni (2005, 2006), Çeçenistan Respublikasının ən yüksək mükafatı "Kadırov" ordeni (2006), "Çeçenistan Respublikasının fəxri vətəndaşı" (2007), vəzifə borcunu yerinə yetirərkən göstərdiyi cəsarət və qəhrəmanlığa görə "Rusiya Federasiyasının Qəhrəmanı" fəxri adına layiq görülmüşdür (2007). IV dərəcəli "Vətənə xidmətə görə" (2019) ordeni ilə mükafatlandırılmışdır.^[4]

İlk illəri[redaktə | mənbəni redaktə et]

26 fevral 1980-ci ildə Stavropol diyarının Şpakovskoye kəndində (indiki Mixaylovsk şəhəri) yalxoy teypindən olan çeçen ailəsində anadan olmuşdur. Atasının adı Xojaxmed Abdulvahaboviç Daudov (1957–2013) idi, anası Makka Uvaysovna Daudova (1959–2009) idi. Xojaxmedin doğma kəndi Geldaqana (Kurçaloyevski rayonu, ÇR) adlanırdı, amma Maqomedin doğumu zamanı Daudovlar müvəqqəti olaraq Stavropol diyarının Şpakovski kəndində yaşayırdı. Maqomed ailənin ilk uşağı idi, daha sonra Daudovların Şeyxmaqomed (1981) adlı oğlu və Milana (1985) adlı qızı doğuldular.^[5][6][7][8]

2010-cu ildə Geldaqanda Makki Daudova adına məscidin əsası qoyuldu, tikilinin inşası 2011-ci ilin oktyabr ayında başa çatdı. Məscidin təntənəli açılışına bir çox kənd sakini toplaşmışdır, Çeçenistan Respublikasının əsas məmurları təşrif buyurmuşdular, Respublika Başçısı R. Kadırov izləyicilərin qarşısında çıxış edərək M. X. Daudovun və onun anasının xidmətlərini qeyd etdi: "Çoxları bunu bilmir, amma mənim burda çoxlu günüm və gecəm keçib. O vaxtı biz vəhhabilik və terrorizmlə mübarizə aparırdıq. Məhz o zaman Maqomed Daudov və anası ilə tanış oldum. Makka bizim üçün də əsl ana oldu. Bizə hər cür kömək etdi, mənəvi dəstək verdi. İşimizin asan olmadığını başa düşürdü, amma deyirdi ki, oğlunu xalqa xidmət etmək üçün göndərməyə heyfi gəlmir. Maqomed bizim müttəfiqimiz və sadiq dostumuz oldu. O, bir neçə dəfə cəsarət, şücaət və mərdlik göstərmişdir". Həmçinin, Makka Daudova "Nenan Siy — Ana Şöhrəti" medalı ilə təltif olunmuşdur.^[9][10]

1997-ci ildə Geldagan kəndinin 1 saylı orta məktəbi bitirdi. Sinif rəhbəri X. M. Abdurzakova xatırlayır: "Maqomed yaşına görə hər şeyi bilmək istəyən və qabiliyyətli oğlan uşağı idi. Hətta o gənc illərdə belə onda inadkarlıq, məqsədyönlülük kimi keyfiyyətləri görürdüm". 1997–1999-cu illərdə Qudermes Pedaqoji Məktəbində təhsil alırdı.^[5][6][7][8]

Hərbi qarşıdurmada iştirakı[redaktə | mənbəni redaktə et]

Birinci Çeçenistan müharibəsinin əvvəlində Daudovun 14 yaşı vardı. Döyüşlərin şiddətlənməsi zamanı o, bir çox gənc çeçenlər kimi Rusiya qoşunlarına qarşı silahlı toqquşmalarda iştirak etməyə başladı. 2010-cu ildə verdiyi müsahibədə Daudov çeçen gənclərini döyüşməyə məcbur edən səbəblərə dair şəxsi fikirlərini bildirdi və onlardan biri olaraq federal qoşunların sərt təmizləmələrini qeyd etdi, rus hərbçiləri hər bir gənc yerli sakini potensial düşmən kimi qəbul edirdi.

Rəsmi məlumatlara əsasən, Maqomed Daudov İkinci Çeçenistan müharibəsinin əvvəlində Əhməd Kadırovun başçılıq etdiyi federal hökuməti dəstəkləyən qüvvələrin tərəfini saxlayırdı. 2002–2004-cü illərdə Maqomed Daudov o vaxtı Ramzan Kadırovun başçılıq etdiyi Əhməd Kadırovun Təhlükəsizlik Xidmətində vzvod komandiri vəzifəsində çalışmışdır.^{[6][11][12][13][14]}

İstinadlar[redaktə | mənbəni redaktə et]

Mətbuat. Xarici keçidlər[redaktə | mənbəni redaktə et]

• Кто такой Лорд. Коротко. Что нужно знать про Магомеда Даудова — ближайшего соратника Рамзана Кадырова // «Meduza» (свид. № 000740272 от 05.09.2014). Латвия, Рига. Ген. дир. Тимченко, гл. ред. И. Колпаков. 18.01.2016.
• Сулумова Д. Герои, спасибо за силу и честь! // «Вести республики» (свид. для печатн. версии ПИ № ФС77-60785 от 02.03 2015, выдано Роскомнадзором по ЧР на 01.01.2017 г. 3200 nüs.). Грозный. Мин. ЧР по нац. полит., внеш. связям, печати и информации. 07.12.2013.
• Билалов М. Клан Даудова // «Кавказ.Реалии». проект «Радио „Свободная Европа“» / «Радио „Свобода“» (RFE / RL, Inc). 10.11.2016.
• Даудов Магомед Хожахмедович // «Герои страны». биогр. предост. А. Бочаровым.
• Даудов Магомед Хожахмедович // Парламент Чеченской Республики. Грозный.
• Мечеть имени Макки Даудовой открылась в с. Гелдаген // Глава и Правительство Чеченской Республики. Грозный. пресс-служба Главы и Правительства Чеченской Республики. 25.10.2011.
• Шеремет П. Г. Не тейпом единым // «Ъ-Огонёк» (Изд. дом Коммерсантъ). М. Гл. ред. С. Л. Агафонов. 06.09.2010. 14 (печатн. версия № 35).
• Даудов Магомед Хожахмедович // МВД РФ. М.
• Рискин А. Рамзан Кадыров засветился в международном эфире // «Независимая газета» (свид. Эл № ФС77-60208 от 17.12.2014, выдано Роскомнадзором 40000 nüs.). М. Гл. ред. К. В. Ремчуков, шеф-ред. интернет редакции Р. Смирнов. 20.02.2009.