Dmitri Medvedyev

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Dmitri Anatolyeviç Medvedyev (rus. Дмитрий Анатольевич Медведев; 14 sentyabr 1965^[1][2][…], Leninqrad, SSRİ^[4]) — Rusiya Federasiyasının Dövlət və Siyasi Xadimi, Rusiya Federasiyasının 3-cü Prezidenti (7 may 2008 – 7 may 2012), Rusiya Federasiyası Silahlı Qüvvələrinin Ali Baş Komandanı, Rusiya Federasiyası Təhlükəsizlik Şurasının Sədri.

Dmitri Medvedev
rus. Дмитрий Анатольевич Медведев
Rusiya Federasiyası Baş naziri
8 may 2012 – 16 yanvar 2020
Əvvəlki	Vladimir Putin
Sonrakı	Mixail Mişustin
Rusiya Federasiyası Prezidenti
7 may 2008 – 7 may 2012
Əvvəlki	Vladimir Putin
Sonrakı	Vladimir Putin
Rusiya Federasiyası Baş nazirinin birinci müavini[d]
14 noyabr 2005 – 12 may 2008
Birləşmiş Rusiya Partiyasının rəhbəri[d]
Vəzifədədir
30 may 2012-ci ildən
Əvvəlki	Vladimir Putin
Rusiya Federasiyası Prezident Adminstrasiyasının rəhbəri[d]
30 oktyabr 2003 – 14 noyabr 2005
Rusiya Federasiyası Təhlükəsizlik Şurasının sədr müavini[d]
Vəzifədədir
16 yanvar 2020-ci ildən
Şəxsi məlumatlar
Doğum tarixi	14 sentyabr 1965(1965-09-14)[1][2][…] (59 yaş)
Doğum yeri	Leninqrad, SSRİ[4]
Partiya	Vahid Rusiya (2012–)[3], Sovet İttifaqı Kommunist Partiyası (–1991)[3]
Təhsili	Sankt-Peterburq Dövlət Universitetinin Hüquq fakültəsi[d] (1982–1987)
Fəaliyyəti	hüquqşünas, siyasətçi, iş adamı
Atası	Anatoli Medvedev[d]
Anası	Yulia Medvedeva[d]
Həyat yoldaşı	Svetlana Medvedeva (1993–)
Uşağı	İlya Medvedev[d]
Dini	şərqi ortodoks xristianlıq
Hərbi xidmət
Qoşun növü	Rusiya Silahlı Qüvvələri
Döyüşlər	Şimali Qafqazda konflikt, Rusiya–Gürcüstan müharibəsi
Rütbəsi	polkovnik
Elmi fəaliyyəti
Elm sahəsi	siyasət, təhsil
Elmi dərəcəsi	hüquq elmləri üzrə fəlsəfə doktoru[3]
Təltifləri
da-medvedev.ru
Vikianbarda əlaqəli mediafayllar

Dmitri Medvedyev hüquq elmləri namizədi, dosent, Sankt-Peterburq Dövlət Universitetinin Hüquq fakültəsinin fəxri doktorudur.

Dmitri Medvedyev 1965-ci il sentyabr ayının 14-də Rusiya Federasiyasının Sankt-Peterburq şəhərində ziyalı ailəsində anadan olub. Atası Anatoli Medvedyev Leninqrad Texnologiya İnstitutunun professoru, anası Yuliya Venyaminova isə Leninqrad Pedoqoji İnstitutunun müəllimi olub. Dmitri ailənin yeganə övladıdır. Dmitri Medvedyev Sankt-Peterburqun Frunze rayonundakı 305 nömrəli fəxri məktəbi bitirib.^[5]

Dmitri Medvedyev 1987-ci ildə Leninqrad Dövlət Universitetinin hüquq fakültəsini, 1990-cı ildə isə həmin universitetin aspiranturasını bitirir.

Tələbəlik illərində rok musiqisinə maraq göstərən Dmitri, (onun sevimli rok qrupları "Black Sabbath" və "Ossi Osborn" idi) bununla yanaşı, idmanın ağır atletika növündə də özünü sınayıb.

Dmitri Medvedyev 1990-cı ildən 1999-cu ilə qədər Sankt-Peterburq Dövlət Universitetində pedaqoq kimi fəaliyyət göstərir. Digər tərəfdən, Sankt-Peterburq Şəhər Sovetinin sədri Anatoli Sobçakın müavini, Sankt-Peterburq meriyasının xarici əlaqələr komissiyasının sədri Vladimir Putinin rəhbərlik etdiyi komissiyanın eksperti olur.

Dmitri Medvedyev 1993-cü ildə meşə sənayesi bazarında Rusiyanın nəhəng şirkətlərindən hesab edilən "İLİM PALP İNTERPRİCE" şirkətinin qurucularındandır. Bu şirkətdə hüquqi məsələlər üzrə direktor vəzifəsini icra edən D. Medvedyev səhmlərin 20%-ə malik idi.

O, 1999-cu ildə Rusiya Federasiyası Hökumət Aparatının Rəhbəri Dmitri Kozakın müavini təyin olunur.

1999–2000-ci illərdə o, Rusiya Federasiyasının-nin prezident administrasiyası rəhbərinin müavini postuna təyin olunur. D. Medvedyev prezident seçkiləri zamanı V. Putinin seçkiqabağı qərargahına rəhbərlik edir.

2000–2003-cü illərdə Rusiya Federasiyasının Prezident administrasiyası rəhbərinin birinci müavini olan D. Medvedyev 2003-cü ilin noyabr ayından 2005-ci ilədək Rusiya Federasiyası Prezident Administrasiyasının rəhbəri vəzifəsini icra edib.

2005-ci ilin noyabrında D. Medvedyev baş nazirin birinci müavini təyin olunur və Rusiya milli proqramlarına rəhbərlik edir.

2007-ci il dekabr ayının 10-da "Yedinaya Rossiya" partiyasından prezidentliyə namizədliyini irəli sürülən Dmitri Medvedyevin namizədliyini digər bir neçə partiya da dəstəkləyib. Bundan sonra Prezident V. Putin də onun namizədliyini dəstəklədiyini bildirir.

D. Medvedyevin prezidentliyə namizədliyi keçmiş Yeltsin komandasının üzvlərinin və Putinin maraqları ilə üst-üstə düşürdü.

2008-ci ilin mart ayında keçirilən prezident seçkilərində Rusiya Federasiyasının növbəti, 3-cü Prezidenti seçilir. 7 may 2008-ci ildə onun andiçmə mərasimi keçirilir.

Dmitri Medvedyev 2012-ci il Rusiya Federasiyası Prezidenti seçkilərində iştirak etməyəcəyini və bu vəzifəyə Vladimir Putinin namizədliyini irəli sürdüyünü elan edib.

Dinə münasibəti: Qərb mətbuatında yer alan bir xəbərdə V. Putin Yunanıstanda pravoslav kilsəsinin restavrasiyası üçün Dmitrinin köməyi ilə Kovalçuk qardaşlarına məxsus "Rusiya" bankı vasitəsilə bir neçə milyon dollarlıq əməliyyat aparıb. Dmitrinin həyat yoldaşı Svetlana da xeyriyyə təşkilatının sədridir.

2007-ci ildə Dmitri Medvedyev Kazanda olarkən bildirib: "Dini maariflənmənin səviyyəsinin inkişaf etdirilməsi hökumətin, dini icmaların və milli təhsil sisteminin vəzifəsidir". Bununla yanaşı, Medvedyev çıxışında dini təhsil müəssisələrinin öz təhsil proqramlarını dövlət standartlarına uyğun təyin etməsi hüququnun bu müəssisələrə həvalə edilməsi istiqamətindəki təkliflərinə də müsbət yanaşdığını vurğulamışdır.

Medvedyev Kazanda sözügedən çıxışında müsəlman təşkilatlarının nümayəndələrinin Rusiyanın ənənəvi müsəlman dini liderlərinin federal telekanallarda çıxışına dair təkliflərini də dəstəkləmişdi.

Maraqlıdır ki, Medvedyev dini fəaliyyətin orduda da mövcudluğuna nəinki müsbət yanaşır, eləcə də bunun məqsədəuyğun olacağını düşünür.

Məhz, bu səbəbdən Dmitirinin namizədliyini Rusiya Pravoslav Kilsəsi, Rusiyanın Avropa hissəsi Müsəlmanlarının Ruhani İşlər İdarəsi, habelə Rusiyadakı Yəhudi Dini Konqresi də dəstəkləmişdi.

• O sizə Dimon deyil (sənədli film, 2017)