Mario Püzo

Mario Püzo (ing. Mario Puzo) — italyan əsilli ABŞ yazıçısı, ssenaristi və tənqidçisi.

Mario Püzo
ing. Mario Puzo
Doğum adı	Mario Canluici Püzo
Təxəllüsü	Mario Kleri
Doğum tarixi	15 oktyabr 1920
Doğum yeri	Manhetten, Nyu-York, ABŞ
Vəfat tarixi	2 iyul 1999 (78 yaşında)
Vəfat yeri	Qərbi Bey Şor, Nyu-York, ABŞ
Vəfat səbəbi	ürək çatışmazlığı
Həyat yoldaşı	Erika Püzo
Uşağı	5
Təhsili	ali
Fəaliyyəti	romançı, ssenarist, yazıçı, fantastika yazıçısı[d], diplomat
Fəaliyyət illəri	1955-1999
Əsərlərinin dili	ingilis dili
İstiqamət	ssenari roman
Janr	detektiv
Tanınmış əsəri	Xaç atası[1]
Mükafatları
mariopuzo.com
Vikianbarda əlaqəli mediafayllar

Mario Püzo 15 oktyabr 1920-ci ildə italyan mühacir ailəsində anadan olmuşdur. İkinci dünya müharibəsi zamanı ABŞ Hərbi Hava Qüvvələrinin tərkibində Şərqi Asiya və Almaniyada xidmət etmişdir. Nyu-York Yeni Məktəbində və Kolumbiya Universitetində oxumuşdur.

Təxminən iyirmi il ABŞ-nin Nyu-Yorkda və xaricdəki dövlət idarələrində işləmişdir. 1963-cü ildən o, ştatdankənar jurnalist kimi fəaliyyətə başladı və peşəkar ədəbiyyatçı oldu.

Mario Püzonun ilk kitabı "Zülmət meydanı" 1955-ci ildə işıq üzü görmüşdür. Romandakı hadisələr müharibədən sonrakı Almaniyada baş verir. Hadisələrin mərkəzində Amerika əsgəri ilə alman qızının məhəbbəti dayanır. Yazıçının növbəti romanı "Xoşbəxt mühacir" 1965-ci ildə çap olundu. Roman ABŞ-də Böyük böhran dövründə italyan mühacirlərin ağır həyatından bəhs edirdi. Bu iki kitab Rusiyada ilk dəfə 1990-cı illərdə çap olundu.

Yazıçıya geniş dünya şöhrətini 1969-cu ildə işıq üzü görən "Xaç atası" romanı qazandırdı. Bu əsərdə italyan mafiyasının dərin köklərindən, qanunlarından, rüşvətxorluqdan, zorakılıqdan və alicənab qanqster don Karleonedən bəhs edirdi. 1970-ci illərdə bu roman bestsellerə çevrildi. 1972-ci ildə Mario Püzonun özünün ssenarisi əsasında kinorejissor Frensis Ford Koppola eyniadlı film çəkdi.

Mario Püzo 2 iyul 1999-cu ildə ürək çatışmazlığından Lonq-Aylenddəki evində vəfat etmişdir.

Mario Püzonun "Omerta" romanı onun ölümündən sonra, 2000-ci ildə çap olundu^[2]. "Ailə" adlı sonuncu romanı isə həyat yoldaşı Kerol Cino tərəfindən tamamlanmış və 2001-ci ildə işıq üzü görmüşdür.

1. Xaç atası (film, 1972) / The Godfather
2. Xaç atası 2 (film, 1974) / The Godfather Part II
3. Zəlzələ (1974) / Earthquake
4. Supermen (1978) / Superman
5. Supermen 2 (1980) / Superman 2
6. Siciliyalı (1987) / The Sicilian
7. Xoşbəxt səyyah qız (1988)
8. Xaç atası 3 (film, 1990) / The Godfather Part III
9. Sonuncu don (1997)

• Mario Püzo — IMDb səhifəsi
• FreshAir Interview
• Mario Puzo biography Arxivləşdirilib 2014-08-27 at the Wayback Machine
• Mario Puzo Books
• The Official Mario Puzo Library