Mister Olimpiya 1980

Mister Olimpiya 1980 — Bodibildinq üzrə ən populyar yarışın sayca onaltıncısı. Beynəlxalq Bodibildinq və Fitnes Federasiyasının[ing.] (IFBB) təşkilatçılığı ilə 1980-cı ilin 4 oktyabrında, Avstraliyanın Sidney şəhərində keçirilmişdir.[1][2] Yarış Sidney şəhərinin məşhur Sidney Opera Teatrında baş tutmuşdur. Yarış Arnold Şvartseneggerin qələbəsi ilə bitmiş və bu onun Mister Olimpiya yarışlarında yeddinci qələbəsi oldu.

Mister Olimpiya 1980
at the 1980 Mr. Olympia
Mr.Olimpiya 1980-nın qalibi Arnold Şvartsenegger
YerAvstraliya
Tarixoktyabr
İştirakçılar16
Ümumi pul mükafatı50 000
Medalçılar
gold medal Arnold Şvartsenegger Avstriya
silver medal Kris Dikerson ABŞ
bronze medal Frenk Zeyn ABŞ

Nəticələr

[redaktə | mənbəni redaktə et]

Mister Olimpiya 1980 əvvəlki yarışmalarla müqayisədə ən yaddaqalanı idi və konfiliktləri ilə diqqəti cəlb etdi. 1980-cı ildə Arnold "Barbar Konan" filminin çəkilişlərinə hazırlaşırdı. Hər kəs əmin idi ki, Arnold yarışda iştirak etməyəcək. Yarışa 8 həftə qalmış Arnold gərgin məşqlərə başladı. Bunu film çəkilişi ilə əlaqələndirirdilər. Onun yarışda iştirak etməsi gizlin saxlanılmış, Sidneyə uçan təyyarəyə minərkən belə onun yarışı izləməyə getdiyi bildirilmişdir. Son anda hamıya məlum oldu ki, Arnold yarışda iştirak edəcək. Ekspertlərə görə o heç də yaxşı formada deyildi. Əksinə bəzi iştirakçılar ondan daha yaxşı formada idi. Bunu Arnold Şvartsenegger özü də etiraf etmişdir.[3]

Arnold Şvartsenegger qalib elan olunduqdan sonra bir çox iştirakçılar, eləcə də CBS Sports jurnalistləri bu qərara etirazını bildirdilər. Əksər mütəxəssislər Mayk Mentserin qalib olacağını düşünürdü. Hakimlər isə onu 5-ci yerə layiq gördülər.[4] Bir çox idmançılar, Frenk Zeyn, Boyer Koe və Mayk Mentser etiraz əlaməti olaraq növbəti olimiya yarışlarında iştirakdan imtina etdilər. Onlara qismən Kris Dikerson da qoşuldu. Sonradan isə fikrini dəyişdi.[5]

Yer Mükafat İştirakçı
1 25 000 Arnold Şvartsenegger,  Avstriya
2 Kris Dikkerson,  ABŞ
3 Frenk Zeyn,  ABŞ
4 Boyer Koe,  ABŞ
5 Mayk Mentser,  ABŞ
6 Rojer Uoker,  Avstraliya
7 Roy Kallender,  Barbados
8 Denis Tinerino,  ABŞ
9 Tom Plats,  ABŞ
10 Denni Padilla,  ABŞ
11 Ed Korni,  ABŞ
12 Toni Emmott,  Böyük Britaniya
13 Roy Duval,  Böyük Britaniya
14 Keysi Viator,  ABŞ
15 Samir Bannut,  Livan
16 Ken Uoller,  ABŞ

Önəmli məqamlar

[redaktə | mənbəni redaktə et]
  • Arnold Şvartsenegger 7 dəfə Mister Olimpiya olduqdan sonra rəsmən peşəkar bodibildinqdən getdiyini elan etdi.
  • «Mister Olimpiya» 1975–1979 yarışlarından fərqli olaraq bu yarışmada kateqoriyalar üzrə mübarizə yox idi. Əvvəlki yarışmalarda isə iki kateqoriya mövcud idi: 200 funtda qədər və yüksək. 1965-1973-cü illərdə də məhs çəkicə aşağı idmançılar daha ağır çəkili idmançılarla bir yerdə mübarizə aparırdı.
  • Kris Dikersonun dedikləri: "Yarışın təşkilatçısı Pol Qrem əsl əclaf idi, mənə qarşı böyük nifrəti var idi. Bu həm afroamerkalı olduğuma görə, həm də mənim cinsi oriyentasiyama görə idi". Pol Qrem hətta hakimə demişdir: "Kris qalib ola bilməz, ona görə ki, o geydir"[6]

İstinadlar

[redaktə | mənbəni redaktə et]
  1. ↑ "IFBB.com - History of Mr. Olympia". web.archive.org. 2012-11-22. 2012-11-22 tarixində arxivləşdirilib. İstifadə tarixi: 2024-02-24.
  2. ↑ Weider, Joe. Joe Weider's Mr. Olympia Training (ingilis). Contemporary Books. 1991. ISBN 978-0809240401..
  3. ↑ ""ОЛИМПИЯ" 1980 ГОДА. ОТВЕТЫ АРНОЛЬДА ШВАРЦЕНЕГГЕРА ПОСЛЕ ПОБЕДЫ". web.archive.org. 2016-07-15. Archived from the original on 2016-07-15. İstifadə tarixi: 2024-09-14.
  4. ↑ "Mr. Olympia Contest Results". web.archive.org. 2017-06-05. Archived from the original on 2017-06-05. İstifadə tarixi: 2024-09-22.
  5. ↑ "Мистер Олимпия 1981: спорная победа Франко Коломбо". web.archive.org. 2018-05-21. 2018-05-21 tarixində arxivləşdirilib. İstifadə tarixi: 2024-09-22.
  6. ↑ "The Intangible Arnold: The Controversial Mr. Olympia Contest of 1980" (PDF). 2013-08-28 tarixində orijinalından (PDF) arxivləşdirilib. İstifadə tarixi: 2017-08-20.

Xarici keçidlər

[redaktə | mənbəni redaktə et]