Nadir Nəsibov

Nadir Nəsibov
Nadir Nəsibov
Azərbaycan Basketbol Federasiyasının prezidenti
	dekabr 1999 – 14 dekabr 2021
Sonrakı	Emin Əmrullayev
Azərbaycan Respublikası Dövlət Əmlak Komitəsinin sədri
	25 iyul 1996 – 6 dekabr 1999
Əvvəlki	Tofiq Əzizov
Sonrakı	Fərhad Əliyev
Şəxsi məlumatlar
Doğum tarixi	22 iyul 1960 (63 yaş)
Doğum yeri	Qazax, Qazax rayonu, Azərbaycan SSR, SSRİ;
Təhsili	BDU Filologiya fakültəsi (1977–1982);

Nadir Alı oğlu Nəsibov (22 iyul 1960, Qazax) — Azərbaycan jurnalisti, filoloq, Azərbaycan Basketbol Federasiyasının prezidenti (1999–2021), Azərbaycan Respublikası Dövlət Əmlak Komitəsinin sədri (1996–1999), Azərbaycan Jurnalistlər Birliyinin üzvü (1987-ci ildən).

Həyatı

Nadir Alı oğlu Nəsibov 1960-cı il iyulun 22-də Qazax şəhərində anadan olmuşdur. 1977-ci ildə orta məktəbi bitirərək Azərbaycan Dövlət Universitetinin Filologiya fakültəsinə daxil olmuş və buranı 1982-ci ildə bitirmişdir.^[1]

Əmək fəaliyyətinə 1977-ci ildə Keşlə mexaniki zavodunda sıravi işçilikdən başlamışdır. 1983–1986-cı illərdə Tovuz rayonunda müəllim, 1987-ci ildən "Bakı", "Vışka" qəzetlərində müxbir, 1989-cu ildən "Molodyoj Azerbaydjana" qəzetində şöbə müdiri, 1992–1994-cü illərdə "Avropa–Asiya" jurnalının təsisçisi və baş redaktoru, 1994-cü ildən Azərbaycan Respublikası Prezidentinin İcra Aparatının nəşri olan "Yurd" jurnalının baş redaktoru olmuşdur. Dövri mətbuatda çoxsaylı elmi və publisistik yazıları dərc edilmişdir.^[1]

Nadir Nəsibov 1996-cı ilin iyul ayından 1999-cu ilin dekabr ayınadək Azərbaycan Respublikası Dövlət Əmlak Komitəsinin sədri vəzifəsində, 1999-cu ilin dekabr ayından 2021-ci ilin dekabr ayınadək isə Azərbaycan Basketbol Federasiyasının prezidenti vəzifəsində çalışmışdır.^[2]

Ailəlidir, üç övladı var.

İstinadlar

↑ ¹ ² Нәсибов Надир Алы оғлу // Азәрбајҹанда ким кимдир? (Сорғу-мәлумат китабы). Тәртибчи-мүәллифләр: Тејмур Әһмәдов, Тарыјел Ҹаһанҝир. Бакы: "Азәрбајҹан Енсиклопедијасы" НПБ. 1999. С. 376. ISBN 5-89600-253-x.
↑ "Basketbol Federasiyasından gedən sabiq prezident Nadir Nəsibov kimdir?". modern.az. 2021-12-14. 2023-08-31 tarixində arxivləşdirilib. İstifadə tarixi: 2023-08-31.

[akk1999-1] ¹ ² Нәсибов Надир Алы оғлу // Азәрбајҹанда ким кимдир? (Сорғу-мәлумат китабы). Тәртибчи-мүәллифләр: Тејмур Әһмәдов, Тарыјел Ҹаһанҝир. Бакы: "Азәрбајҹан Енсиклопедијасы" НПБ. 1999. С. 376. ISBN 5-89600-253-x.

[2] "Basketbol Federasiyasından gedən sabiq prezident Nadir Nəsibov kimdir?". modern.az. 2021-12-14. 2023-08-31 tarixində arxivləşdirilib. İstifadə tarixi: 2023-08-31.

[1]

[2]