Natalya Maqnat
Natalya Yakovlevna Maqnat (Rusca: Ната́лья Я́ковлевна Магна́т, 5 noyabr 1954, Moskva – 18 oktyabr 1997, Moskva)[1] ingilis dili üzrə sovet və rus tərcüməçisi, ədəbi tənqid və estetika üzrə əsərlərin müəllifi, “Sol məktəb” və SİNKP adlı gizli solradikal təşkilatların rəhbəri.
| Natalya Maqnat | |
|---|---|
| Natalya Yakovlevna Maqnat | |
 | |
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (42 yaşında) |
| Vəfat yeri | |
| İxtisası | Tərcüməçi, estetik, inqilabçı |
| Fəaliyyəti | siyasətçi, tərcüməçi |
Kimliyi
[redaktə | mənbəni redaktə et]Skripkaçı və uşaq həkimi ailəsində doğulmuşdur. “İngilis və alman dilləri üzrə müəllimə” ixtisası ilə V. İ. Lenin adına Moskva Dövlət Pedaqoji İnstitutunu (MDPİ) bitirmişdir. 1970-lərin sonu, 1980-lərin birinci yarısında Rusinformmədəniyyətində işləmişdir. Yenidənqurma başlayandan sonra peşəkar səviyyəsində bədii ədəbiyyatın tərcüməsi ilə məşğul olmuşdur. Onun tərəfindən əsasən Oldos Haksli, Henri Kattner, Rocer Jelyaznı, Duqlas Adams, Qlen Kuk, Corc R. R. Martin, Cek Vens, Qordon Dikson, Bertran Çandler, Konni Uillis, Rocer Makbrayd Allen, Terri Bruks, Maykl Suenvik, Pol Di Filippo və başqalarının əsərləri tərcümə edilmişdir; tərcümələrinin bir çoxu dəfələrlə yenidən çap edilmişdir[2][3].
Dekabr 1972 – yanvar 1973-cü ildə (MDPİ-də onunla bir yerdə təhsil alan Olqa Baraş və İnna Okupla birlikdə) “Sol məktəb” adlı gizli solradikal qrupun əsasını qoymuş, onun nəzəriyyəçəsi olmaqla, qrupa faktiki olaraq rəhbərlik etmişdir[4][5]. 1974-cü ilin sentyabrında “Sol məktəb” Yeni Kommunistlər Partiyası (YKP) adlı başqa bir gizli solradikal qrupla birləşmişdir. Birləşmiş təşkilat “Sovet İttifaqı Neokommunist Partiyası” (SİNKP) adlandırılmışdır. N. Maqnat SİNKP-nın müvəqqəti rəhbərliyinə - “beşliyə” daxil olmuş, əsas rəhbərliyi və nəzəri işin bir hissəsini (estetika məsələləri üzrə)[6] öz üzərinə götürmüşdür. N. Maqnatın bu ərəfədə inqilabi estetika məsələlərinə dair yazılan əsərləri 1975-ci ilin yanvarında SİNKP-nın bütün arxivi ilə birlikdə yandırıldığından[1][7] saxlanılmamışdır.
1975-ci ilin yanvarında tarixən NKP-dan yaranmış SİNKP-nın Moskva təşkilatının bir hissəsi DTK tərəfindən dağıdıldıqdan sonra N. Maqnat SİNKP-nın müvəffəqiyyətsizliyə uğramayan hissəsinə rəhbərliyi öz üzərinə götürmüş və təşkilatı daha da dərin gizli fəaliyyətə apararaq, onu 1977-78-ci illərdə partiyanın bərpa olunması məqamına kimi tamamilə dağılmaqdan qoruya bilmişdir.
Görünür, bu hadisələrlə əlaqədar olaraq, N. Maqnatın keçirdiyi uzunmüddətli və dərin stress onda çox ağır xəstəliyi - Kron xəstəliyini doğurmuşdur. Sonrakı illərdə N. Maqnat yoğun bağırsağın zədələnmiş hissələrinin kəsilib çıxarılması ilə bağlı iki ağır cərrahi əməliyyat keçirmişdir və sonunda növbəti əməliyyat üçün pul tapa bilməyərək, Kron xəstəliyindən vəfat etmişdir[1][8].
İstinadlar
[redaktə | mənbəni redaktə et]- ↑ 1 2 3 Лачин. Король двух гетто Arxivləşdirilib 2015-09-29 at the Wayback Machine.
- ↑ "Переводы Натальи Я. Магнат". 2015-09-29 tarixində arxivləşdirilib. İstifadə tarixi: 2016-11-14.
- ↑ "Магнат Наталья Я." 2016-03-04 tarixində orijinalından arxivləşdirilib. İstifadə tarixi: 2016-11-14.
- ↑ Fäldin H. Neokommunistiska partiet. Okänd sida av Sovjetunionens vänster oppositions historiens // Medborgaren. — № 12.
- ↑ Roßbach K Kontrkulttuuri Neuvostoliittossa: hippien ja neokommunistien välillä // Sosiaalinen arkkisto. — № 1.
- ↑ A. N. Tarasov Solradikallar Arxivləşdirilib 2016-06-24 at the Wayback Machine //A. N. Tarasov, Q. Y. Çerkasov, T. V. Şaşkuva. “Rusiyada solçular: mötədillərdən ekstremistlərə qədər” kitabının bölməsi. - M. Təcrübi sosiologiya institutu, 1997. - S. 13
- ↑ Тарасов А.Н. Первоапрельская шутка КГБ, или Как я был террористом Arxivləşdirilib 2015-10-04 at the Wayback Machine.
- ↑ Тарасов А. Н. Письма либералу-шестидесятнику из Архангельска и либералам-шестидесятникам вообще. Письмо первое // Журнал "Альтернативы". — 2000. — № 4.