Oh My God – Cənubi Koreya qız qrupu "(G)I-dle" tərəfindən buraxılmış ikinci Yaponiya minialbomu. 26 avqust 2020-ci ildə "Universal Group Japan" tərəfindən buraxımışdır. Alboma qrupun əvvəl ifa etdiyi "Oh My God", "Uh-Oh", "Senorita" və "Dumdi Dumdi" mahnılarının yaponca versiyaları və qrup üzvü Minni tərəfindən hazırlanmış orijinal yaponca mahnı "Tung-Tung (Empty)" daxildir.
23 iyun 2020-ci ildə "(G)I-dle" öz rəsmi yaponca Twitter səhifəsində "(G)I-DLE 2020.06.29 MON 6PM" başlıqlı fərdi fotolar paylaşmağa başlamışdır.[1] Lakin bu tizer şəkillərin məqsədi açıqlanmamışdır. 29 iyunda qrupun "Oh My God" adlı ikinci Yaponiya minialbomu buraxacağı təsdiqlənmişdir.[2][3]
10 iyulda qrup albom üçün xüsusi fotolar buraxmışdır.[4] Fotolar albomun "Mələklər və şeytanlar" konsepsiyasında uyğun hazırlanmışdır. Albom üçün ayrıca sayt açılmışdır.[5] Öncədən satışlar 14 iyulda başlamışdır.[6] 29 iyul 2020-ci ildə "Oh My God" mahnısının yaponca versiyası yayımlanmışdır.[7] Mahnının klipi 19 avqustda buraxılmışdır.[8]
Alboma qrupun əvvəl ifa etdiyi 4 mahnının yaponca versiyası daxildir. Bir mahnı – "Tung-Tung (Empty)" orijinal yaponca trek olub qrup üzvü Minni tərəfindən yazılmış və bəstələnmişdir. "Tung-Tung (Empty)" emosional mahnı olub bir vaxtlar dolu olan, lakin indi boş olan ürəyin hislərini ifadə edir. Minni mahnı haqqında "Ümid edirəm ki, mahnı bir çox şəxsə xitab edəcək, çünki tənhalıq haqqındadır" cümləsini işlətmişdir.[9][10]
↑(여자)아이들, 일본 티저 공개…이달 말 새 앨범 발매 추정 [(G)I-DLE, Japanese teaser released... Estimated release of new album later this month]. XSPortsNews. June 24, 2020. 2020-06-29 tarixində arxivləşdirilib. İstifadə tarixi: 2020-06-29.
