Last Dance (azərb. Son rəqs) – Cənubi Koreya qız qrupu "(G)I-dle" tərəfindən buraxılmış mahnı. 29 aprel 2021-ci ildə "Universe" tətbiqi üçün tanıtım sinqlı kimi buraxılmışdır. Mahnının sözləri Soyon və Kriz tərəfindən yazılmışdır.
2020-ci ilin noyabrında "NCSoft" və filialı "Klap" K-pop əyləncə tətbiqi olan "Universe"i buraxacağını açıqlamışdır.[2] 16 noyabrda "(G)I-dle" bu platforma qoşulan beşinci sənətçi olmuşdur.[3] Tətbiq 28 yanvar 2021-ci ildə buraxılmışdır.[4]
"(G)I-dle" platforma üçün 19 aprel 2021-ci ildə "Last Dance" tanıtım sinqlını buraxacağını açıqlamışdır, lakin "Universe" mahnını mart ayından etibarən qrupdan ayrılmaq ərəfəsində olan Sucin olmadan buraxmağa qərar vermişdir.[5][6] Mahnı və mahnının klipi fevralda hazırlandığından Sucin də ilkin mahnı və klipdə yer alırdı. Bu səbəbdən mahnının kompozisiyası və sözləri dəyişdirilmiş, musiqi klipi yenidən işlənmişdir.[7] Sucin qrupdan ayrılmış olsa da, musiqi klipində bəzi səhnələri qalmışdır.[8]
Mahnı üçün klip 29 apreldə buraxılmışdır. Klipdə qrup üzvləri qaranlıq meşədə bir kompası təqib edirlər və təcrübələrlə məşğul olurlar.[9] Bu, qrupun altı üzvlə çıxış etdiyi son klip olmuşdur.
"Last Dance"dip-hauz pop janrında olan mahnıdır. Mahnının sözləri qrupun lideri Soyon və mahnı yazarı Kriz tərəfindən yazılmışdır. Mahnı qaranlıq cadugər konsepsiyasına malikdir.[10] Mahnının davametmə müddəti 3 dəqiqə 4 saniyədir.[11]
↑Hwang, Hye-jin. (여자)아이들 수진 측 "모든 활동 중단, 당분간 5인 체제 활동"(공식입장 전문) [(G)I-dle Soojin side "halted all activities and schedules and will go on a temporary hiatus as (G)I-dle will continue their schedules as 5]. Newsen. March 4, 2021. 2021-04-21 tarixində arxivləşdirilib. İstifadə tarixi: 2021-04-21.
↑Jung, Yu-jin. (여자)아이들, 수진 제외한 5인 체제로 유니버스 음원 발매[전문] [(G)I-dle Universe music released as a 5-person excluding Soojin [Professional]]. SpoTvNews. April 9, 2021. 2021-04-21 tarixində arxivləşdirilib. İstifadə tarixi: 2021-04-21.
I-dle_Last_Dance.jpg)
