Oqtay Əsədov

Oqtay Əsədov
Oqtay Əsədov
Azərbaycan Respublikası Milli Məclisinin sədri
	2 dekabr 2005 – 10 mart 2020
Əvvəlki	Murtuz Ələsgərov
Sonrakı	Sahibə Qafarova
Azərbaycan Respublikasının Milli Məclisinin II, III, IV, V və VI çağırış deputatı
	24 noyabr 2000 – 23 sentyabr 2024
Şəxsi məlumatlar
Doğum tarixi	3 yanvar 1955 (69 yaş)
Doğum yeri	Şəhərcik, Qafan rayonu, Ermənistan SSR, SSRİ;
Partiya	Yeni Azərbaycan Partiyası;
Təhsili	Azərbaycan Dövlət Neft və Sənaye Universiteti;
Fəaliyyəti	siyasətçi
Təltifləri	;
	Vikianbarda əlaqəli mediafayllar

Oqtay Sabir oğlu Əsədov (3 yanvar 1955, Şəhərcik, Qafan rayonu) — Azərbaycan ictimai-siyasi xadimi, Azərbaycan Respublikasının Milli Məclisinin sədri (2005–2020).

Həyatı

Oqtay Əsədov 1955-ci il yanvarın 3-də Ermənistan Respublikası Qafan rayonunun Şəhərcik kəndində anadan olmuşdur. Azərbaycan Dövlət Neft və Kimya İnstitutunun maşınqayırma texnologiyası fakültəsini bitirmişdir.^[1]

1976-cı ildən Bakı Məişət Kondisionerləri zavodunda usta köməkçisi, usta işləmişdir. 1979-cu ildən Azərbaycan Baş Quraşdırma və Xüsusi İnşaat İşləri İdarəsinin böyük mühəndisi, 1981-ci ildən Azərbaycan Baş Quraşdırma və Xüsusi Tikinti İşləri Nazirliyinin "Azərsantexquraşdırma" Trestinin böyük texnoloqu, idarə rəisi, birlik rəisi olmuşdur. 1996–2004-cü illərdə Abşeron Regional Səhmdar Su Cəmiyyətinin, 2004–2005-ci illərdə "Azərsu" Səhmdar Cəmiyyətinin prezidenti vəzifələrində çalışmışdır.^[1]^[2]

İkinci, üçüncü, dördüncü və beşinci çağırış Azərbaycan Respublikası Milli Məclisinin deputatı olmuşdur. 2 dekabr 2005-ci ildən 10 mart 2020-ci ilədək Azərbaycan Respublikası Milli Məclisinin sədri vəzifəsində çalışmışdır. MDB-nin Parlamentlərarası Assambleyasında Azərbaycan nümayəndə heyətinin rəhbəri, Milli Məclisin Müdafiə, təhlükəsizlik və korrupsiya ilə mübarizə komitəsinin üzvü olmuşdur.^[1]

Yeni Azərbaycan Partiyasının üzvüdür. Rus və ingilis dillərini bilir. Evlidir, 2 övladı var.

Samux Rayon İcra Hakimiyyətinin başçısı Alı Qocayev ilə qudadır.^[3]

Təltifləri

"Şərəf" ordeni — 29 dekabr 2014
"Dostluq" ordeni (Rusiya) — 5 mart 2015
"Kurmet" ordeni (Qazaxıstan) — 2018
"Birlik" ordeni (MDB) — 10 fevral 2006

İstinadlar

↑ ¹ ² ³ "Arxivlənmiş surət". Azərbaycan Respublikasının Milli Məclisi. 2024-05-19 tarixində arxivləşdirilib. İstifadə tarixi: 11 iyul 2024.
↑ "Arxivlənmiş surət". 2021-08-17 tarixində arxivləşdirilib. İstifadə tarixi: 2021-08-17.
↑ "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.

[meclis-1] ¹ ² ³ "Arxivlənmiş surət". Azərbaycan Respublikasının Milli Məclisi. 2024-05-19 tarixində arxivləşdirilib. İstifadə tarixi: 11 iyul 2024.

[2] "Arxivlənmiş surət". 2021-08-17 tarixində arxivləşdirilib. İstifadə tarixi: 2021-08-17.

[3] "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.

[1]

[2]

[3]

Azərbaycan Respublikası Milli Məclisinin sədrləri
Ali Sovetin sədrləri	Elmira Qafarova (5 fevral 1991 — 5 mart 1992) Yaqub Məmmədov (5 mart 1992 — 18 may 1992) İsa Qəmbər (18 may 1992 — 13 iyun 1993) Heydər Əliyev (15 iyun 1993 — 5 noyabr 1993) Rəsul Quliyev (5 noyabr 1993 — 12 noyabr 1995)
Milli Məclisin sədrləri	Rəsul Quliyev (12 noyabr 1995 — 11 sentyabr 1996) Murtuz Ələsgərov (16 oktyabr 1996 — 2 dekabr 2005) Oqtay Əsədov (2 dekabr 2005 — 10 mart 2020) Sahibə Qafarova (10 mart 2020 — indiyə kimi)