Qızıl hərisliyi

Qızıl hərisliyi, qızıl həyəcanı və ya qızıla hücum (ing. Gold rush) - Amerika Birləşmiş Ştatları və Avstraliyada XIX əsrdən etibarən, yerli əhalinin anidən varlanmaq səbəbi ilə qərbə üz tutması nəticəsində yaranmış kütləvi hərakat. Əsasən qızıl axtaranlar Braziliya, Kanada, Cənubi Afrika kimi ölkələrə səyahət etmişlər. Amerika Birləşmiş Ştatlarının bəzi ştatlarında qızıl axtaranlar tərəfindən kütləvi ekspeditsiyalar təşkil edilmişdir. Bunlara misal olaraq, əsasən dağlıq ərazilərdə, yerləşən Nevada, Montana, Kaliforniya ştatlarını göstərmək olar. Qızıl hərisliyi rəsmi olaraq 1849-cu ildə Nevada ştatının Sierra Nevada dağından başlamışdır.

XV-XVI əsrlərdə Amerikanın ispanlar və portuqilyalılar tərəfdindən işğalı konkista başlamışdır. Konkistanın əsas məqsədi Latın Amerikasında olan qızıl səpintilərini tapmaq olmuşdur. 1519-cu ilin 4 martında Ernan Kortesin komandanlığında olan 11 karavella Meksika körfəzinə doğru hərəkətə başladılar. Bu səfərlə Konkistanın tarixində ən amansız səfərlərdən biri başladı. Asteklərin dövləti zəbt edildi, onun paytaxtı Tenoçtitlan qarət edildi, hökmdar Montesuma öldürüldü. Avropalılar Asteklər üzərində əsas üstünlükləri, dövrünə görə olan müasir silahlar idi. Konkistadorlar əsasən qızıl axtarır və astek mədəniyyətinin gözəl nümunələrini məhv edirdilər. Astek tanrılarının qızıldan hazıranan heykəllərini əridib, külçə formasına salınması, buna misal ola bilər. Amerikanın kəşf edilməsi ilə onun zəngin yataqlarında qul əməyindən istifadə çoxalmışdır. Qızıl hərisliyi vaxt ötdükcə nəinki səngimir, hətta şiddətlənirdi. 1500-cü ilədək dünyada 31 min tondan artıq, növbəti 470 ildə isə 70 min tondan çox qızıl hasil edilmişdi. XIX və XX əsrlərdə qızıl hərisliyi bütün dünyanı bürümüşdü. Artıq qızıl hərisliyinin hər birinin öz adı vardı. Kaliforniya, Alyaska, Sibir və Amazon qızıl hərisliklərini misal göstərmək olar.

Kaliforniyada ilk qızıl hərisliyi 1848-ci il yanvar ayının 24-də ştatın paytaxtı olan Sakamento yaxınlığında tapıldı. Həmin gün taxta zavodunun su boşaldılanını dərinləşdirən Con Marşal bir neçə qızıl dənəsi tapdı. Taxta zavodunun sahibi isveçrəli mühacir və qızılaxtaran sahibkar qızılaxtaranların əraziyə gəlişini qarşısını almaq üçün bu tapıntını gizlətmişdir. Lakin kəşfi yalnız bir həftə sirr olaraq saxlamaq mümkün olur. Tezliklə xəbər bütün Amerikaya yayılır. Syerra-Nevadanın (ABŞ-nin cənub-qərbində) qərb yamacları boyunca 320 km uzunluğunda, 130 km enində olan zolağın qızıllı olduğu aşkar edildi. Bu xəbər ən qısa zamanda bütün dünyaya yayıldı. Bununla da buraya nəinki Amerikadan, Çin, Avstraliya, Yeni Zelandiya kimi uzaq ölkələrdən qızıl axtaranların axını başladı. On ildən sonra Kaliforniyanın əhalisi 400 min nəfərə çatdı. Kaliforniyada qızıl hərisliyi bir bir neçə il davam etdi. Qızıl səpintiləri qızılaxtaranların tələbatını ödəmirdi. Qızılaxtaranlar artıq səpintilərin deyil, qızıl filizlərinin kəşflərini gözləyirdi. 1850-ci ilin oktyabrında Qold Hill dağının yaxınlığında ilk qızıl damarı tapıldı və burada tezliklə Nevada şəhəri salandı. Uzunluğu 190 km, eni isə 2 km olan filiz zonası Əsas damar adlandırıldı. Burada qızıl 40 mədəndə 100 ilə yaxın müddətdə hasil olundu. Qızıl damarlarının çoxu 1350 m dərinliyə qədər istismar edilirdi. Həmin dövrdə Amerika Birləşmiş Ştatlarının qızıl istehsalının üçdə birini Kaliforniya ştatında olan mədənlərdən əldə edilirdi. Kaliforniyadan sonra ən böyük qızıl hərisliyi Alyaska və Kanadanın şimal-qərbində yaşandı. Balıqçı və qızılaxtaran C. Karmak tərəfindən 1896-cı il avqust ayının 16-da Klondayk çayında qızıl tapılması xəbəri, bütün Amerikaya yayıldı. Həmin zamanlar bu tapıntı Alyaskada tapılan ilk qızıl nümunələri hesab edilirdi. Ancaq C. Karmakdan əvvəl ruslar Alyaskanı kəşf edən zaman, orada qızıl nişanələrinin yerini qeyd etmişdilər.

1741-ci ildə Vitus Berinq ekspedisiyası yarımadaya gəldi. 1864-cü ildə mədən mühəndisi Doroşin Alyaskanın cənubunda Kent yarımadasında səpinti formasında olan qızıl yataqları tapdı. 1889-cu ildə ərazidə olan kanadalı fransız Juyano ov zamanı qızıl səpintiləri tapmışdır. Lakin bu tapıntılar Alyaskaya kütləvi axının yaşanmasına səbəb olmamışdır. Həmin dövrdə Şimali Amerikanın digər bölgələrindədə kiçik tapıntılar olurdu. Kütləvi axın 1890-cı ildə Klondayk səpintilərinin kəşfindən sonra başlamışdır Dəniz yolu ilə Alyaskanın Skakvey limanına gələn qızılaxtaranlar çox çətin və təhlükəli Çilkut aşırımını piyada dəf edir, sonra isə Yukon çayının vadisinə çatırdılar. Qızılaxtaranların səfəri daim təhlükələr ilə zəngin idi, bir çox məqamlarda isə qızılaxtaranların xəstələnməsi və ya ölməsi halları tez-tez baş verirdi. Qızılaxtaranlar arasında olan məşhur Amerika yazıçısı Cek London bu barədə ətraflı yazmışdır:

Aydındır ki, bizim adamların bir hissəsi yollarda həlak oldu, bir hissəsi buzların yaratdığı çətinliklərlə üzləşdi, minlərlə insan yorulub əldən düşmüş və öz gücünə inamını itirdiyi üçün geri qayıtmışdır.

1891-ci ildə Alyaskada növbəti qızıl səpintisi kəşf edildi. Berinq dənizindin sahilində Nom burnu yaxınlığında baş verən tufan İsveçdən olan qızılaxtaranların qayığın burada lövbər salmağa məcbur etmişdir. Onlar orada zəngin qızıl səpintisinin üstünə çıxmışdılar. Ehtiyatda olan bir əsgər isə 1899-cu ildə təsadüfən bu sahildə qumu yumuş və iri qızıl səpintisini tapmışdır. Sonuncu kəşf Yukona çayının qolu Tanana çayında olmuşdur. Tanana çayında tapılan qızıl səpintiləri Klondayk səpintilərinə bənzəyirdi. Sonradan hər iki yataqda olan səpintilərin oxşar olduğu məlum olmuşdur. Tanana qızıl səpintiləri tam olaraq 1950-ci ildən etibarən istismar olunmağa başlanmışdır.Lakin Alyaskada qızılın iri ana yataqları tapılmadı. Səpinti yataqlarında olan qızıl isə az idi və tez tükənirdi. XX əsrin əvvəllərində olan kəşflərin davamı gəlmədi, bununla da qızılaxtaranlar digər ərazilərə üz tutması sürətlənmişdir. Alyaska tədricən balıqçı və ovçuların məskunlaşdığı əyalət ştatına cevrildi.

Bu məqalə ABŞ tarixinə aiddir
Amerika Birləşmiş Ştatları tarixi
Dövrlərə görə İbtidai dövr və Kolumbaqədərki dövr 1607-ci ilə qədər Müstəmləkə dövrü 1607–1765 1776–1789     Amerika inqilabı 1765–1783     Konfederasiya dövrü 1783–1788 1789–1815     Federalist dövr 1788–1801     Cefferson dövrü 1801–1817 1815–1849     Yaxşı hisslər dövrü 1817–1825     Cekson dövrü 1825–1849 1849–1865     Vətəndaş müharibəsi 1849–1865 1865–1917     Yenidənqurma dövrü 1865–1877     Qızıla bürünmüş dövr 1877–1896     Proqressiv dövr 1896–1917 1917–1945     I Dünya müharibəsi 1917–1918     Kükrəyən iyirmilər 1918–1929     Böyük böhran 1929–1941     II Dünya müharibəsi 1941–1945 1945–1964     II Dünya müharibəsindən sonrakı dövr 1945–1964     Vətəndaş hüquqları dövrü 1954–1968 1964–1980     Vətəndaş hüquqları dövrü 1954–1968     Vyetnam müharibəsi 1964–1975 1980–1991     Reyqan dövrü 1981–1991 1991–2008     Soyuq müharibədən sonrakı dövr 1991–2008 2008-ci ildən     Müasir dövr 2008-ci ildən
Mövzulara görə Amerika əsri Antisemitizm Vətəndaş üsyanları Mədəniyyət Kino Musiqi Qəzet İdman Demoqrafiya İmmiqrasiya İqtisadiyyat Bankçılıq Education Higher education Flag Government Abortion Capital punishment Civil rights Corruption The Constitution Debt ceiling Direct democracy Foreign policy Law enforcement Postal service Taxation Voting rights Journalism Merchant Marine Military Army Marine Corps Navy Air Force Space Force Coast Guard Party Systems First Second Third Fourth Fifth Sixth Religion Social class Slavery Sexual slavery Technology and industry Agriculture Labor Lumber Medicine Railway
Qruplara görə African American Asian American Chinese American Filipino American Indian American Japanese American Korean American Thai American Vietnamese American European American Albanian American English American Estonian American Finnish American German American Irish American Italian American Lithuanian American Polish American Serbian American Hispanic and Latino American Mexican American Jewish American Middle Eastern American Egyptian American Iranian American Iraqi American Lebanese American Palestinian American Saudi American Native Americans Cherokee Comanche Women LGBT Gay men Lesbians Transgender people
Yerlərə görə Territorial evolution Admission to the Union Historic regions American frontier Manifest destiny Indian removal Regions New England The South The West Coast States AL AL AZ AR CA CO CT DE FL GA HI ID IL IN IA KS KY LA ME MD MA MI MN MS MO MT NE NV NH NJ NM NY NC ND OH OK OR PA RI SC SD TN TX UT VT VA WA WV WI WY Territories DC AS GU MP PR VI Cities Urban history Cities
Outline List of years Historiography Kateqoriya Portal
b m r

Rusiyada ilk qızıl hərisliyi XV əsrdə başladı. 1488-ci ildə III İvan Avropa mütəxəssislərinin köməyilə Rusiyada qızıl yataqlarının axtarışına göstəriş verib. Bu sahədə I Pyotrun göstərdiyi səyləri böyük müvəffəqiyyətlə nəticələndi.1714-1721-ci illərdə Zabaykalyevdə Nerçinsk mədənlərində bir neçə pud qızıl hasil edildi. Hasil edilən qızıldan kəsilən sikkələrlə Şimal müharibəsinin sonunda bağlanan Niştadsk müqaviləsi şərəfinə, bir neçə zabit və əsgər üçün qızıldan döş nişanları hazırlandı. Nerçinskdə az miqdarda ildə on kiloqram qızıl çıxarılırdı. Sonralar Altayda kəşf edilmiş yataqlar da vəziyyəti dəyişdirməmişdir. Rusiyada digər önəmli mədənlərdən biridə Zmeinoqorsk mədəni idi. Həmin mədəndə il ərzində 100-200 kq qızıl hasil edilirdi. Rusiyada qızıl filizi sənayesinin inkişafı yalnız XVIII əsrin ortalarında Uralda, əsrin sonuna yaxın isə Beryozovsk yatağının istismara başlaması ilə inkişaf edib. Beryozovsk yatağında ildə 2.4 ton təmiz qızıl hasil edilirdi.Rusiyada ilk qızıl səpintiləri 1814-cü ildə dağ mühəndisi L.İ Brusnitsin tərəfindən Uralda, Pişma çayının vadisində aşkar edilib.1823-cü ildə Pişma çayının yaxınlığında 200-dən çox qızıl mədəni fəaliyyət göstərirdi və onlardan ildə 2.5 tona yaxın metal alınırdı.

Bütün bu tapıntılar Rusiyada əsil qızıl hərisliyinin başlamasına səbəb olmayıb. Əsil qızıl hərisliyi 1830-1860-cı illərdə başladı və bütün Sibiri əhatə etdi. Axtarış dəstələri qısa zamanda şərqə və şimal-şərqə irəlilədilər.1830-c ildə Tobolsk quberniyasında və Krasnoyarsk dairəsində, 1833-1836-cı illərdə Yeniseysk quberniyasında, 1838-ci ildə Yuxarı Tunquskanın qollarında, 1843-cü ildə isə Lena çayının hövzəsində qızıl səpintiləri kəşf edildi.İlk çağlarda qızılaxtaranların əksəriyyətinin hətta elementar bilikləri belə yox idi.Qızıl sənayeçisi V.D.Skryabinin qeydlərindən görünür ki, Şərqi Sibrin bütün məlum səpintiləri Moşarov, İvanov, Şimayev, Familtsev və digər səpintilər tacirlər tərəfindən aşkar edilmişdir.8-13 nəfərdən ibarət olan axtarış qruplarına sağlam və fiziki baxımdan dözümlü kişilər cəlb edilirdi.Baharın ilk günlərindən havalar mülayimləşən kimi onlar piyada və ya atla bir neçə aylığa tayqaya yola düşürdülər.Qış aylarında böyük tonqallar qalanır və torpağın donu açıldıqdan sonra qumlarda qızılın miqdarını təyin etmək üçün şurflar – dəriliyi bir neçə metr olan şaquli və ya maili quyular qazırdılar.Zəngin bit ton qumda on qramlarla qızıl olan səpintini tapmaq üçün qızılaxtaran dəstələri qışda da şurf qazır və ya az qızıllı qumluqları tərk edirdilər.Qızıl axtaranların kiçik dəstələri iri artellərlə əvəz olunurdu.Sibirin qızıl mədənlərində əsasən orada sürgündə olanlar işləyirdi.1834-cü ilə olan məlumata görə, sürgündə olanların 82% qızıl sənayesində çalışdırdı.1850-1854-cü illərdə isə bu rəqəm 51% olmuşdur.Digər tərəfdən qızılaxtaranların sırasını Rusiyanının mərkəzi quberiniyalarının kəndliləridə qoşulurdu.

Qızıl səpintisinin adı	Yer	Başlayıb	Bitib	Şəkil	Məlumat
Braziliya qızıl hərisliyi[1]	Cənubi Amerika, Braziliya, Оru-Pretu	1690	1823		Portuqaliyalıların rəhbərliyi ilə afrikadan gətirilən qullar, ağır işlərdə işlədilirdi.Bu qızıl hərisliyi Cənubi Amerikada ilk qızıl hərisliyi hesab edilir.
Şimali Karolina qızıl hərisliyi	Şimali Amerika, Amerika Birləşmiş Ştatları, Şimali Karolina	1799	1828		Amerika Birləşmiş Ştatlarında ilk qızıl ekspedisiyasının təşkil edilməsi.
Corciya qızıl hərisliyi [2]	Şimali Amerika, Amerika Birləşmiş Ştatları, Corciya ştatı,	1828	1840		Amerika Birləşmiş Ştatlarında ilk dəfə peşəkar ekspedisiyanın təşkil edilməsi.12 il davam davam etmiş ekspedisiya ətraf ərazilərdə yaşayan Hindilərin bu əraziləri tərk etməsinə səbəb olmuşdur.
Sibir qızıl hərisliyi	Avrasiya, Rusiya Federasiyası, Qərbi Sibir	1828	1921		Ekspedisiya Berikuldan başlamışdır. Tomsk vilayəti və Yenisey vilayətini əhatə etmişdir.
Lena qızıl hərisliyi [3]	Avrasiya, Rusiya Federasiyası, Lena oblastı	1844	1861		Ərazidə olan Qızıl-mədən şirkəti Lena vilayətində ekspedisiyalar təşkil etmişdir. Əsas ekspedisiya 1912-ci ildə aparılmışdır. Axtarışlar zamanı bir sıra qızıl səpintiləri aşkar edilmişdir.
Kaliforniya qızıl hərisliyi.[4][5]	Şimali Amerika, Amerika Birləşmiş Ştatları, Kaliforniya, Amerika çayının ətrafı	1848	1860		Kaliforniya qızıl hərisliyi Amerika Birləşmiş Ştatlarında ən məşhur qızıl hərisliyi hesab edilir.
Kraliça Şarlott adalarında qızıl hərisliyi [6]	Şimali Amerika, Kanada, Britaniya Kolumbiyası, Kraliça Şarlott adaları	1851	?		Kanadada olan ilk qızıl hərisliyi hesab edilir.Kraliça Şarlott adasına 7 dəfə geniş ekspedisiya göndərilmişdir.Tarixi mənbələrdə qeyd edilir ki, Britaniya Kolumbiyasının yaranmasında Kraliça Şarlott adasında qızıl tapılması xəbəri böyük rol oynamışdır.Bu hadisədən sonra, Amerika Birləşmiş Ştatlarında olan qızılaxtaranlar adaya gəlmiş və axtarışların başlamasından 20 il sonra Britaniya Kolumbiyası əyaləti təşkil edilmişdir.
Yeni Cənubi Uels qızıl hərisliyi [7]	Avstraliya, Yeni Cənubi Uels , baterst mədənləri	1851	?		Yeni Cənubi Uels qızıl hərisliyi Avstraliyanın tarixində olan ən önəmli qızıl hərisliklərindən biri hesab edilir. Bu kəşfdən sonra Avstraliyanın əhalisi 3 dəfədən çox artıb.
Viktoriya qızıl hərisliyi [7]	Avstraliya, Viktoriya, Ballart mədənləri	1851	?
Frenzer qızıl hərisliyi[8]	Şimali Amerika, Kanada, Britaniya Kolumbiyası, Frenzer çayı və ətraf ərazilər	1857	?		Britaniya Kolumbiyası əyalətinin yaradılmasına səbəb olmuş qızıl hərisliyi.
Kolorado qızıl hərisliyi.[9][10]	Şimali Amerika, Amerika Birləşmiş Ştatları, Kolorado, Denver şəhəri	1858	?		Kolorado ştatının yaranmasına səbəb olmuşdur.Amerika Birləşmiş Ştatlarında XIX əsrdə baş vermişən önəmli iki qızıl hərisliyindən biri hesab edilir.
Rok-krik qızıl hərisliyi	Şimali Amerika, Kanada, Britaniya Kolumbiyası, Rok-krik	1859	1862		250 min dollar dəyərində qızıl istehsal edilib.
Şimali Nevada qızıl hərisliyi	Şimali Amerika, Amerika Birləşmiş Ştatları, Nevada ştatı	1859	?		Şimali Nevadada daha çox gümüş mədənləri məşhur idi. Ancaq qızıl hərisliyi dövründə, istehsal daha da artdı.
Kariboo qızıl hərisliyi [11]	Şimali Amerika, Kanada, Britaniya Kolumbiyası	1860	1865		Britaniya Kolumbiyasında olan ən önəmli qızıl hərisliyindən hesab edilir.
Aydaho qızıl hərisliyi [12]	Şimali Amerika, Amerika Birləşmiş Ştatları, Aydaho, Fort Kolvil	1859	?
Vəhşi at körfəzində qızıl hərisliyi	Şimali Amerika, Kanada, Britaniya Kolumbiyası, Vəhşi at körfəzi	1863	1866		Vəhşi at körfəzi qızıl hərisliyi iki Kabus şəhərin yaranmasına səbəb olub. Fishervill və Fort Steel şəhərləri bu gün Kanadada Ruh şəhər statusnu daşıyır.
Kivislend qızıl hərisliyi [13]	Avstraliya, Kvinslend	1863	?		Qızıl ərazidə ilk dəfə 1870-ci ildə tapılmışdır.Charters Qalası yaxınlığında və Palmer çayı hövzəsində tapılan qızıl qısa zamanda bu ərazinin məşhurlaşmasına səbəb olmuşdur.İlk qızıl Boyne vadisində 1863-cü ildə tapılmışdır.
Montana qızıl hərisliyi	Şimali Amerika, Amerika Birləşmiş Ştatları, Montana ştatı, Vircinya siti	1863	?		Aparılan araşdırmalardan 1 il sonra ərazidən 15 km kənarda qızıl tapıldı.Montana qızıl hərisliyi, Montana ştatının yaranmasında böyük rol oynamışdır.Montana ştatının paytaxtı olan Helena şəhərini qızılaxtaranlar tərəfindən salınmışdır.
Omineka qızıl hərisliyi	Şimali Amerika, Kanada, Britaniya Kolumbiyası, Omineka çayı	1869	1874
Avstraliyada şimal ərazilərdə qızıl hərisliyi [7][14]	Avstraliya, Şimal əraziləri, Pain krik	1872	?		Avstraliyada şimal ərazilərdə qızıl hərisliyi Şimali Avstraliyada dəmiryolunun çəkilməsinə səbəb olub.
Kasiar qızıl hərisliyi	Şimali Amerika, Kanada, Britaniya Kolumbiyası, Kasiar	1873	?
Blak Hills qızıl hərisliyi	Şimali Amerika, Amerika Birləşmiş Ştatları, Cənubi Dakota, Blak hills	1876	?
Tasmaniya qızıl hərisliyi [7]	Avstraliya, Tasmaniya, Bekonsfild	1877	?
Vitervoursland qızıl hərisliyi [15]	Afrika, Cənubi Afrika Respublikası, Yohannesburq	1877	?		Vitervoursland qızıl hərisliyi Yohannesburq şəhərinin salınmasına səbəb olmuşdur.1899-1902-ci illərdə baş vermiş İngilis-Bur müharibəsinin başlamasının səbəblərindən biri kimi Vitervoursland vadisi üzərində olan anlaşılmazlıq göstərilir.Vadidə olan qızıl burlara məxsus olsa da, İngilislər tərəfindən müsadirə edilmiş və bununlada İngilis-Bur müharibəsi başlamışdır.
Kulgardi qızıl hərisliyi [7][16] Coolgardie gold rush	Avstraliya, Şimali Avstraliya, Kulgardi	1892	?		Ərazidə araşdırmalar 1963-cü ilədək davam etmişdir.
Kalqari qızıl hərisliyi [7][17]	Avstraliya, Şimali Avstraliya, [Kalqari	1893	?		1989-cu ildək ərazidə bir sıra şəxsi mədənlər fəaliyyət göstərmişdir.Daha sonra Kalqaridə önəmli qızıl səpintiləri tapıldı və bunlar bü gündə Avstraliya tərəfindən istismar edilir.
Atlin qızıl hərisliyi	Şimali Amerika, Kanada, Britaniya Kolumbiyası	1898	1949		Atlin qızıl hərisliyi, Atlin adlı Ruh şəhərin salınmasına səbəb olmuşdur.Şəhər Klondayk yolunda yerləşirdi və burada 600 nəfərə yaxın qızılaxtaran fəaliyyət göstərmişdir.

• Qızıl hərisliyi (film, 1925)

• Uşaqlar üçün Ensiklopediya: Geologiya (səh 506-510)

Vikianbarda Qızıl hərisliyi ilə əlaqəli mediafayllar var.