Rafiq Əliyev (operator)

Rafiq Cəfər oğlu Əliyev — Azərbaycan kinooperatoru, prodüser.

Rafiq Əliyev
Rafiq Cəfər oğlu Əliyev
Doğum adı	Rafiq Cəfər oğlu Əliyev
Doğum tarixi	10 sentyabr 1953 (70 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Fəaliyyəti	operator
Təhsili	Sergey Gerasimov adına Ümumrusiya Dövlət Kinematoqrafiya Universiteti
IMDb	ID2957114

Rafiq Əliyev 1953-cü ildə Bakıda anadan olub. 1972-1976-cı illərdə Azərbaycan Dövlət Bədən Tərbiyəsi İnstitutunda təhsil alıb. 1976-cı ildə Cəfər Cabbarlı adına "Azərbaycanfilm" kinostudiyasında operator assistenti kimi əmək fəaliyyətinə başlayıb. 1978-ci ildə Moskvada Dövlət Kino Komitəsi nəzdində ixtisasartırma kurslarında iştirak edib. 1980-1985-ci illərdə Ümumittifaq Dövlət Kinematoqrafiya İnstitutunun kinooperatorluq fakültəsində Aleksandr Qalperinin emalatxanasında təhsil alıb. Bir neçə bədii və sənədli filmin quruluşçu operatorudur. ANS televiziyasının baş operatoru çalışmışdır. Hazırda "Aranfilm" Yaradıcılıq Mərkəzinin baş operatorudur.

1. Bizi bağışlayın (film, 1979) (tammetrajlı bədii film) - operator assistenti
2. Yolda adamlar (film, 1986) (sənədli film) - operator
3. Araqarışdıran (film, 1987) (tammetrajlı bədii film) - quruluşçu operator
4. Monoloq (film, 1987) (sənədli film) - operator
5. Müsəlmanlar sülh uğrunda mübarizədə (film, 1987) (sənədli film) - operator
6. "Neftçi"-87 (film, 1987) (sənədli film) - operator
7. Yol hərəkətinin təhlükəsizliyi (film, 1988) (sənədli film) - operator
8. Sahilsiz gecə (film, 1989) (tammetrajlı bədii film) - quruluşçu operator
9. Dəvətnamə (film, 1989) (qısametrajlı bədii film) - quruluşçu operator
10. İmam Mustafayev. Ömürdən səhifələr (film, 1989) (sənədli film) - operator
11. Son tamaşa (film, 1989) (sənədli film) - operator
12. Qəzəlxan (film, 1991) (tammetrajlı bədii film) - quruluşçu operator
13. Qisas (film, 1991) (qısametrajlı bədii film) - quruluşçu operator
14. "Lalə" qızlar ansamblı (film, 1991) (sənədli film) - operator
15. İntihar (film, 1991) ("Mozalan" süjeti) - operator
16. Şəbi-hicran (film, 1993) (sənədli film) - operator
17. Hökm (film, 1994) (tammetrajlı bədii film) - quruluşçu operator
18. Ağ atlı oğlan (film, 1995) (tammetrajlı bədii film) - quruluşçu operator
19. Müstəqilliyin keşiyində (film, 1996) (sənədli film) - operator
20. Güllələnmə təxirə salınır!... (film, 2002) (tammetrajlı bədii film) - quruluşçu operator
21. İnsan (film, 2003) (sənədli film) - operator
22. Biz qayıdacağıq (film, 2007) (tammetrajlı bədii film) - quruluşçu operator
23. Seçilən (film, 2008) (tammetrajlı bədii film) - icraçı prodüser
24. İtirilmiş həqiqət (film, 2008) (tammetrajlı bədii film) - quruluşçu operator
25. Qaydasız döyüş (teleserial, 2009) (serial) - quruluşçu operator; istehsalat rəisi
26. Bulağıstan (film, 2009) (qısametrajlı bədii film) - istehsalat rəisi
27. Sonuncu akkord (film, 2017) (sənədli film) - operator
28. İki dünya arasında (film, 2017) (sənədli film) - operator
29. Qarabağ: əsirlər və girovlar. Közərən xaç (film, 2017)^[1][2][3] (sənədli film) - operator
30. Şuşanın dağları qara dumanlı (film, 2017) (sənədli film) - operator
31. Orkestr və mən (film, 2017) (sənədli film) - operator
32. Əfsanə (film, 2017) (bədii-sənədli film) - operator
33. Qara dəlik (film, 2017) (qısametrajlı bədii film) - quruluşçu operator
34. Əliaçıq xəsis (film, 2017) (bədii-sənədli film) - operator
35. Cavabsız sual (film, 2017) (sənədli film) - operator
36. Ölməz Murtuza (film, 2017) (bədii-sənədli film) - operator
37. Həqiqət sorağında (film, 2017) (sənədli film) - operator

• Kadrarxası: “Güllələnmə təxirə salınır”da tərəf müqabil olan aktyorlar Fuad Poladovla Məlik Dadaşov real həyatda küsülü idi...”