Sarı Mustafa Paşa

Sarı Mustafa Paşa (ö. 1732) — Osmanlı sultanı III Əhməd dönəmində müxtəlif vəzifələrdə xidmət etmiş dövlət xadimi.

Atası IV Mehmed dönəminin sədrəzəmlərindən Dəli Hüseyn Paşanın oğlu Mehmed bəydir.^[1] Saraya alındı və Əndərunda yetişdirildi. Burada yüksələrək qapıçılar kəndxudası oldu və 25 noyabr 1725-ci ildə vəzirlik rütbəsilə Sivas və İrəvan bəylərbəyi təyin edildi. Bu vəzifədə ikən 21 oktyabr 1727-ci ildə Sultan Əhmədin qızlarından Saliha Sultanla nigahlandı. Bu səbəblə paytaxta çağırıldı və cütlüyün toy mərasimi 1728-ci ilin mayında baş tutdu. 1732-ci ildə İstanbulda vəfat etmişdir.

Saliha Sultanla olan nigahından 1 oğlu, 1 qızı dünyaya gəlmişdir:

• Sultanzadə Əhməd bəy (1729-1736) — uşaq yaşlarında vəfat etmişdir. Əyyubsultanda dəfn olunduğu bilinir.
• Fatma xanım Sultan (1730-1795) — 1748-ci ilin aprelində ögey atası Yəhya Paşanın kiçik qardaşı İbrahim bəylə evləndirildi. Bu nigahdan 2 övladı dünyaya gəldi.
  • Əminə xanım (?-12 may 1823) — Əmisi Yəhya Paşanın oğlu Əli bəylə evləndi və 2 qızı dünyaya gəldi. Cənazəsi nənəsi Saliha Sultanın yanına dəfn edildi.
    • Xədicə xanım
    • Nailə xanım
  • Mehmed bəy — Haqqında ətraflı məlumat yoxdur. Övladlarının adları bilinir.
    • Mehmed Rəşid bəy
    • Nəcibə xanım
    • Ləbibə xanım

• Sicill-i Osmani IV cild, səh. 179

1. ↑ Yusuf Sağır, “Gâzî Hüseyin Paşa’nın Girit’teki Vakıf Eserleri”, Turkish Studies, VIII/2 (Kış 2013), s. 298