Sonsuz dəhliz (film, 2015)

Sonsuz dəhliz (ing. Endless Corridor) — litvalı rejissor Andreas Brokasın Xocalı qırğınından söz açan sənədli filmi.[1] Film Leyla Əliyevanın təşəbbüsü ilə Xocalıya ədalət! təbliğat kampaniyası çərçivəsində hazırlanmışdır.[2][3]

Sonsuz dəhliz
Rejissor Andreas Brokas
İlk baxış tarixi 2015
Ölkələr Azərbaycan Azərbaycan
İl 2015
Çəkiliş yeri Azərbaycan

Məzmun

[redaktə | mənbəni redaktə et]

Film litvalı jurnalist Riçard Lapaitisin Xocalıya səyahəti kimi təqdim olunur. 23 il əvvəl hərbi müxbir olan R.Lapaitis Dağlıq Qarabağ münaqişəsini və qanlı soyqırımı aktını işıqlandırıb. O, Xocalıda kütləvi qətliamdan sağ çıxmış insanlarla görüşüb. O, ermənilərin atəşi altındakı “sonsuz dəhliz”də özünə nicat yolu axtararkən yaxınlarını itirənlərin ürəkdağlayan hekayələrini dinləyib. Filmin müəllifi bu soyqırımının təşkilatçıları və səbəbkarları — erməni hərbi komandirləri ilə də söhbət edib. Onlar qəddar hücum strategiyalarından danışaraq, mülahizələrini bölüşüblər. Filmin süjeti real hadisələr, bu cəhənnəm əzabını yaşamış, kütləvi qırğını öz gözü ilə görmüş insanların xatirələri əsasında qurulub. O məşum gecədə bir çoxları erməni terrorçuları və başkəsənləri tərəfindən öldürülüb, bəziləri isə Ermənistan rəhbərliyinin yaratdığı müasir əsir düşərgələrinin qeyri-insani şəraitinə baxmayaraq salamat qalıblar.

Haqqında

[redaktə | mənbəni redaktə et]

Filmin premyerası 2014-cü il iyulun 1-də Londonda Britaniya Film və Televiziya İncəsənəti Akademiyasında (BAFTA) keçirilmişdir. Tədbirdə Heydər Əliyev Fondunun vitse-prezidenti Leyla xanım Əliyeva da iştirak edib. "Sonsuz dəhliz" sənədli filmi prodüserlər Aleksandras Brokas (Litva) və nüfuzlu "Grammy Award" mükafatçısı Cerald Rafşun (ABŞ) tərəfindən çəkilib. Film britaniyalı aktyor, BAFTA mükafatçısı Ceremi Ayronz tərəfindən səsləndirilib.[4]

İngilis dilində çəkilmiş filmin subtitrləri Leyla Əliyevanın təşəbbüsü ilə Çin, türk, fransız, italyan və alman dillərinə tərcümə olunub. Bundan əlavə, film rus dilinə dublyaj edilib.[5]

Təqdimatı

[redaktə | mənbəni redaktə et]

“Sonsuz dəhliz” filminin “Xocalıya ədalət!” təbliğat kampaniyası çərçivəsində İstanbul, Ankara, Roma, Vilnüs, London,[6] Paris,[7] Dublin, Berlin, Bern şəhərlərində təqdimatı olub.[8]

2015-ci ilin avqustunda İsrailin Birinci dövlət televiziya kanalında (“Channel 1”) “Sonsuz dəhliz” sənədli filmi nümayiş etdirilib.[9][10]

2015-ci ilin dekabrın 3-də "Endless Corridor" ("Sonsuz dəhliz") sənədli filminin İspaniyanın Barselona şəhərindəki "Girona" kinoteatrında premyerası keçirildi.[4]

Mükafatları

[redaktə | mənbəni redaktə et]
  • “Ən yaxşı montaj olunmuş sənədli film” nominasiyası — 2015-ci il Milan Beynəlxalq Film Festivalı ("Milan IFF 2015 Film Festivalı")[11][12]
  • "Best of Show" mükafatı — "Accolade Qlobal Film Competition" müsabiqəsi (ABŞ-2015)[4]
  • "Ən yaxşı sənədli film" — Madrid Tenerife Beynəlxalq Film Festivalı (2015)[4][13]
  • "Ən yaxşı sənədli film rejissoru" (Aleksandras Brokası) — Madrid Tenerife Beynəlxalq Film Festivalı (2015)[4]
  • “Global Film Awards” mükafatı — [14][15]

İstinadlar

[redaktə | mənbəni redaktə et]
  1. ↑ Tural. Xocalıya həsr olunan film Madrid festivalının mükafatlarına layiq görülüb: [“Sonsuz Dəhliz” filmi haqqında] //Palitra.- 2015.- 15 iyul.- S.15.
  2. ↑ Qut, A. Xocalı qətliamına həsr olunmuş “Sonsuz dəhliz” filmi İsrailin Birinci kanalında...: [Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət” kampaniyası çərçivəsində litvalı rejissor Andreas Brokasın eyniadlı sənədli filmi haqqında] //Bakı xəbər.- 2015.- 6 avqust.- S.3.
  3. ↑ “Sonsuz dəhliz” filmi Türkiyənin “TV 24” kanalında //Azərbaycan.- 2015.- 7 aprel.- S.7.
  4. ↑ 1 2 3 4 5 Zümrüd. ""Sonsuz dəhliz" filmi Barselona kinoteatrında". anl.az. Səs qəzeti. 25 noyabr 2015. 2018-08-13 tarixində arxivləşdirilib. İstifadə tarixi: 11 mart 2016.
  5. ↑ Zümrüd. “Sonsuz dəhliz” filmi Barselona kinoteatrında: [Andreas Brokasın rejissorluğu ilə] //Səs.- 2015.- 25 noyabr.- S.11.
  6. ↑ İsmayılov, O. Londonda “Sonsuz dəhliz” filminin təqdimatı olub: [“Xocalıya ədalət” (“Justice for Khojaly”) beynəlxalq təbliğat-təşviqat kampaniyası çərçivəsində müstəqil prodüserlər litvalı Aleksandr Brokas və amerikalı Cerald Rafşunun birgə ərsəyə gətirdikləri film haqqında] //Azərbaycan.- 2015.- 21 fevral.- S.2.
  7. ↑ “Sonsuz dəhliz”: Xocalı acısı litvalı jurnalistin filmində: [Riçard Lapaitisin xatirələri əsasında Parisdəki Azərbaycan Mədəniyyət Mərkəzində eyniadlı filmin təqdimatı haqqında] //Mədəniyyət.- 2015.- 27 fevral.- S.5.
  8. ↑ İsrailin Birinci dövlət televiziya kanalında Xocalı qırğını haqqında film nümayiş etdirilib: [Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” kampaniyası çərçivəsində litvalı rejissor Andreas Brokasın eyniadlı filmi haqqında] //Azərbaycan.- 2015.- 6 avqust.- S.6: İki sahil.- 2015.- 6 avqust.- S.12.
  9. ↑ “Sonsuz dəhliz” filmi İsrailin “Channel 1” kanalında //Azərbaycan.- 2015.- 4 avqust.- S.4; Mədəniyyət.- 2015.- 5 avqust.- S.3.
  10. ↑ "İsrailin Birinci dövlət televiziya kanalında Xocalı qırğını haqqında film nümayiş etdirilib". anl.az (Azərbaaycanca). Azərbaycan qəzeti. 6 avqust 2015. 2019-09-23 tarixində arxivləşdirilib. İstifadə tarixi: 11 mart 2016.
  11. ↑ ""Sonsuz Dəhliz" filmi nüfuzlu Milan festivalının mükafatına layiq görülüb". anl.az. Azərbaycan qəzeti. 11 noyabr 2015. 2018-08-13 tarixində arxivləşdirilib. İstifadə tarixi: 11 mart 2016.
  12. ↑ “Sonsuz Dəhliz” filmi nüfuzlu Milan festivalının mükafatına layiq görülüb: [litvalı rejissor Aleksandras Brokasın Xocalı faciəsi haqqında çəkdiyi eyniadlı film haqqında] //Azərbaycan.- 2015.- 11 noyabr.- S.11; 525-ci qəzet.- 2015.- 11 noyabr.- S.7; Mədəniyyət.- 2015.- 11 noyabr.- S.16; Yeni Azərbaycan.- 2015.- 11 noyabr.- S.4.
  13. ↑ “Sonsuz Dəhliz” filmi Madrid festivalının mükafatlarına layiq görülüb: [litvalı rejissor Aleksandras Brokasın Xocalı faciəsi haqqında çəkdiyi “Sonsuz Dəhliz” filmi beynəlxalq kinofestivalların rəğbətini qazanmaqda davam edir] //Azərbaycan.- 2015.- 15 iyul.- S.15; Mədəniyyət.- 2015.- 15 iyul.- S.11; İki sahil.- 2015.- 15 iyul.- S.21.
  14. ↑ “Sonsuz Dəhliz” filmi “Global Film Awards” mükafatına layiq görülüb: [Litvalı rejissor Aleksandras Brokasın çəkdiyi eyniadlı film haqqında] //Azərbaycan. — 2016.- 5 fevral.- S.8; Xalq qəzeti.- 2016.- 5 fevral.- S.6; Mədəniyyət.- 2016.- 5 fevral.- S.16.
  15. ↑ Zümrüd. “Sonsuz Dəhliz” filmi “Global Film Awards” mükafatına layiq görülüb: [Aleksandras Brokasın eyniadlı filmi haqqında] //Səs.- 2016.-5 fevral.- S.1.

Xarici keçidlər

[redaktə | mənbəni redaktə et]