Xəyyam Orucov

Xəyyam Hüseyn oğlu Orucov (6 fevral 1981, Vardenis rayonu) — Azərbaycanlı zorxana ustası, 4 qat Avropa çempionu, 2 qat Dünya kubokunun sahibi, 6 qat dünya çempionatının mükafatçısı, 2017-ci il IV İslam Həmrəyliyi Oyunlarında 2 gümüş, 1 bürünc mükafatçısı, Beynəlxalq dərəcəli hakim, Beynəlxalq dərəcəli məşqçi, Yığma komandanın baş məşqçisi (2014–2017), Yığma komandanın böyük məşqçisi (2017-ci ildən).^[1][2]

Xəyyam Orucov
Şəxsi məlumatlar
Tam adı	Xəyyam Hüseyn oğlu Orucov
Vətəndaşlığı	Azərbaycan
Doğum tarixi	6 fevral 1981 (43 yaş)
Doğum yeri	Vardenis rayonu Ermənistan SSR
Təhsili	Azərbaycan Kənd Təsərrüfatı Akademiyası (1998–2002), ADBTİA (2010–2014)
İdman növü	Zorxana
Karyera illəri	2007 – h. h.
Medallar İslam Həmrəyliyi Oyunları Gümüş 2017 Bakı Komanda Gümüş 2017 Bakı Mil bazi Bürünc 2017 Bakı Mil səngin Dünya çempionatı Bürünc 2020 Bocnurd Komanda Bürünc 2020 Bocnurd Mil bazi Gümüş 2020 Bocnurd Mil səngin Gümüş 2016 Cakarta Komanda Gümüş 2016 Cakarta Mil bazi Bürünc 2016 Cakarta Mil səngin Avropa çempionatı Qızıl 2018 Minsk Komanda Qızıl 2018 Minsk Mil bazi Qızıl 2014 Minsk Komanda Qızıl 2014 Minsk Mil bazi Qızıl 2014 Minsk Mil səngin Qızıl 2011 Şyaulyay Komanda Qızıl 2011 Şyaulyay Mil bazi Qızıl 2011 Şyaulyay Mil səngin Qızıl 2009 Frankfurt Komanda Qızıl 2009 Frankfurt Mil bazi Gümüş 2009 Frankfurt Mil səngin Dünya kuboku Gümüş 2015 Düşənbə ÜmumKomanda Gümüş 2015 Düşənbə Komanda Gümüş 2015 Düşənbə Mil bazi Gümüş 2015 Düşənbə Mil səngin Qızıl 2011 Minsk ÜmumKomanda Qızıl 2011 Minsk Komanda Gümüş 2011 Minsk Mil bazi Gümüş 2011 Minsk Mil səngin Gümüş 2010 Konya ÜmumKomanda Bürünc 2010 Konya Komanda Bürünc 2010 Konya Mil bazi Bürünc 2010 Konya Mil səngin Qızıl 2009 Bakı ÜmumKomanda Bürünc 2009 Bakı Komanda Bürünc 2009 Bakı Mil bazi Bürünc 2009 Bakı Mil səngin Beynəlxalq turnir Bürünc 2016 Sənəndəc Komanda Bürünc 2016 Sənəndəc Mil bazi Bürünc 2016 Sənəndəc Mil səngin Bürünc 2013 Sənəndəc Komanda Bürünc 2013 Sənəndəc Mil bazi Bürünc 2013 Sənəndəc Mil səngin Gümüş 2010 Düşənbə Komanda Gümüş 2010 Düşənbə Mil bazi Bürünc 2010 Düşənbə Mil səngin

Xəyyam Orucov 6 fevral 1981-ci ildə Ermənistanın Vardenis rayonunda anadan olub. 1988-ci ildə ailəsi ilə birlikdə Ermənistandan köçkün düşüb, Şəmkir rayonunda yerləşiblər. 1988–1998-ci illərdə Şəmkir rayonu Sarıtəpə kənd orta məktəbində təhsil almışdır. Uşaq vaxtından Sərbəst güləş idman növü ilə məşğul olmuşdur. 1998–2002-ci ildə Azərbaycan Dövlət Kənd Təsərrüfatı Akademiyasını bitirmişdir. 2002-ci ildə akademiyanı bitirdikdən sonra hərbi xidmətə yollanmışdır. 2003-cü ildə hərbi xidmətini başa vurmuşdur. 2009-cu ildə Azərbaycan Dövlət Bədən Tərbiyəsi və İdman Akademiyasının "Güləşmə və onun metodikası" kafedrasında işə qəbul olub. 2010-cu ildə Azərbaycan Dövlət Bədən Tərbiyəsi və İdman Akademiyasına ikinci ali təhsil almaq üçün qəbul olub. 2014-cü ildə akademiyanın bakalavr pilləsini bitirib "Bədən Tərbiyəsi və İdmanda tibbi-bioloji təminat və reablitasiya" ixtisası üzrə magistr pilləsinə qəbul olmuşdur. 2016-cı ildə magistr pilləsini bitirmişdir. 2016-cı ildən həmin akademiyanın "İdmanın təkmübarizlik növləri" kafedrasında müəllim vəzifəsində çalışır. 2016–2017-ci illərdə Azərbaycan İslam Həmrəyliyi Oyunları təşkilat komitəsində Zorxana və Pəhləvan güləşi üzrə yarış təşkilatçısı və məsləhətçi işləmişdir. 2021-ci ildə Azərbaycan Dövlət Bədən Tərbiyəsi və İdman Akademiyasının doktorantura ali təhsil səviyyəsinə qəbul olmuşdur.

Xəyyam Orucov 2007-ci ildən Zorxana və Pəhləvan güləşi idman növü ilə professional məşğul olur.

2009-cu ilin mart ayında Zorxana və Pəhləvan güləşi üzrə Bakıda keçirilən ilk Dünya kubokunun qalibi olmuşdur.

2009-cu ildə Zorxana və Pəhləvan güləşi üzrə yığma komandanın məşqçisi vəzifəsinə təyin olunmuşdur.

2009-cu ilin dekabr ayında Almaniyanın Frankfurt şəhərində keçirilən Avropa çempionatında I yerə çıxmışdır (2 qızıl, 1 gümüş).

2009–2014-cü illərdə Azərbaycan Zorxana İdman Federasiyasında Milli yığma komandanın məşqçisi olmuşdur.

2010-cu ildə Beynəlxalq dərəcəli hakim adı almışdır. 2010-cu ilin oktyabr ayında Türkiyədə keçirilən Dünya kubokunda III yer tutmuşdur (3 bürünc).

2011-ci ilin may ayında Litvanın Şyaulyay şəhərində keçirilən Avropa çempionatında I yer tutmuşdur (3 qızıl).

2011-ci ilin dekabr ayında Belarusiyanın Minsk şəhərində keçirilən Dünya kubokunda I yer tutmuşdur (1 qızıl, 2 gümüş).

2014-cü ilin iyul ayında Belarusiyanın Minsk şəhərində keçirilən Avropa çempionatında I yer tutmuşdur (3 qızıl).

2014-cü ildə Beynəlxalq dərəcəli məşqçi adı almışdır.

2014-cü ildə Zorxana və Pəhləvan güləşi üzrə yığma komandanın baş məşqçisi vəzifəsinə təyin olunmuşdur.

2015-ci ilin fevral ayında Tacikistanın Düşənbə şəhərində keçirilən Dünya kubokunda II yer tutmuşdur (3 gümüş).

2016-cı ilin oktyabr ayında İndoneziyanın Cakarta şəhərində keçirilən Dünya çempionatında II yer tutmuşdur (2 gümüş, 1 bürünc).

2017-ci ildə Azərbaycan bayrağı altında IV İslam Həmrəyliyi Oyunlarına qatıldı. Mil bazi yarışlarında bürünc, mil səngin yarışlarında isə gümüş medala layiq görüldü. Komanda yarışlarında isə o, Məmmədi Salamov, Orxan Xanlarov, Rüfət Gülalıyev və Tural Əliyev ilə birgə 2-ci yeri tutdu və IV İslam Həmrəyliyi Oyunlarının gümüş medalına sahib oldu.^[3]

2017-ci ildə Beynəlxalq Zorxana İdman Federasiyası tərəfindən "İlin ən yaxşı məşqçisi" adına layiq görülmüşdür.^[4]

2018-ci ilin avqust ayında Belarusiyanın Minsk şəhərində keçirilən Avropa çempionatında 2 qızıl qazanmışdır.

2020-ci ilin yanvar ayında İran İslam Respublikasının Bocnurd şəhərində keçirilən Dünya çempionatında 1 gümüş, 2 bürünc qazanmışdır.

İşlədiyi dövrdə çoxlu sayda Dünya, Avropa çempionları və mükafatçıları yetişdirmişdir. İslam Həmrəyliyi Oyunlarında iştirak edən Rüfət Güləliyev (1 qızıl, 1 gümüş), Orxan Xanlarov (2 gümüş, 1 bürünc) və Məmmədi Salamov (1 gümüş və 1 bürünc) Xəyyam Orucovun tələbələridir.