XƏZİNƏDAR

Mentuhotep — Qədim Misirin dövlət xadimi və On ikinci xanədan fironu I Senusretin maliyyə işləri (xəzinədar) mənsubu. Menhotep Orta padşahlıq dövründə ən yaxşı təsdiq olunmuş məmurlarından biridir. Karnakda onu katib kimi göstərən bir sıra heykəllər mövcuddur. Bunlara görə ona bütün kral işlərinə nəzarətçi titulu verilmişdir ki, bu da onun Karnakdakı məbədin tikintisinə nəzarət etməkdə iştirak etdiyini göstərir. El-Liştdə onun I Senusret piramidasının yanında böyük bir məzarı var idi. Tapılan zaman o, ciddi zədələnmişdi, lakin burada yüksək keyfiyyətli relyef qalıqları və heykəl parçaları vardı. Qəbrin olduğu yerdə hələ də biri sındırılmış, digəri yaxşı qorunmuş, qranitdən hazırlanmış və parlaq rənglənmiş interyeri olan iki sarkofaq var idi. Abidosda Mentuhotepin adına böyük bir stel ucaldılıb. Üzərində bir sıra rəsmi titullar, o cümlədən vəzir titulları yazılmışdır. Mentuhotepin türbəsində vəzir titulu yoxdur.

Sobexotep — eramızdan əvvəl 1950-ci ildə kral I Senusretin dövründə qədim Misir xəzinədarı. Xəzinədar, sarayın hər cür malla təmin edilməsinə cavabdeh olan kral sarayında aparıcı məmurlardan biri. Sobekhotep yalnız mərmərin çıxarıldığı Orta Misirdəki Hatnubda qaya kitabəsində təsdiqlənir. Yazı I Senusretin hakimiyyətinin 22-ci ilinə aiddir. Xəzinədar titulunun yanında Sobexotep kral möhürü və yeganə dostu titullarını daşıyır. Onun vəzifədəki varisi, ehtimala görə Mentuhotep idi.

Xəzinədar Əli Paşa (ö. 1700) — Osmanlı sultanı II Əhməd və II Mustafanın dönəmində müxtəlif vəzifələrdə xidmət etmiş dövlət xadimi. Əslən Moreyalı olub, Misir bəylərbəyi Sərxoş Əhməd Paşanın kəndxudası olmuşdur. Paşanın vəfatının ardından öncə naib, 1694-cü ilin sentyabrından etibarən isə vəzirlik rütbəsi ilə Misir bəylərbəyi olaraq bölgəni idarə etmişdir. 1695-ci ilin iyununda təqaüdə ayrılsa da, həmin ilin sonlarında Trabzon valisi oldu. 1697-ci ilin avqustunda Belqradın mühafizəsiylə vəzifələndirildi. Ancaq 1700-cü ildə yayılan vəba epidemiyası səbəbilə anidən vəfat etdi. Sicill-i Osmani I cild, səh.

Xəzinədar (türk. hazinedar) — Osmanlı imperiyasında dövlət və özəl xəzinə işlərində məsul səlahiyyətli şəxs. Dövlət idarəetməsindəki şəxslərin şəxsi sərvətlərinə cavabdeh olmaqla yanaşı, Əndərunda çalışan bəzi dövlət qulluqçularına da "xəzinədar" deyilirdi. Əndərundakı xəzinə idarəsində çalışan baş xəzinədar "xəzinədarbaşı" adlanırdı. Fateh Qanunnaməsinə görə, xəzinədarbaşı daxili əhalidən "torpaq sahibi" olan ağalar arasında yer alırdı. Osmanlı imperiyasında "xəzinədar" adı ilə müxtəlif işlərdə çalışan başqa səlahiyyətlilər də var idi. Qara hərəm ağalarından hərəmin xərclərinə cavabdeh olan şəxsə "xəzinədar ağa" deyilirdi. Padşahı geyindirmək, yatızdırmaq, yeməyinin hazırlanmasına nəzarət etmək və otağının qapısında keşik çəkmək kimi xüsusi vəzifələri yerinə yetirən cariyələrə də "xəzinədar usta" deyilirdi.

Taqanroq xəzinədarlıq binası — Rostov vilayəti Taqanroq şəhəri ərazisində iki mərtəbədən ibarət olan bina. Bina regional əhəmiyyətli mədəni irs obyekti siyahısına daxildir. Bunun haqqında № 301 qərar 18 noyabr 1992-ci ildə qəbul olunmuşdur. Adres: Taqanroq ş, Qreçeskaya küçəsi, ev 86. Taqanroq şəhəri Qreçeskaya küçəsində ev 86 ünvanında yerləşən bina 1830-cu ildə inşa edilmişdir. 1871-ci ildə binada Azov-Don Kommersiya bankı yerləşirdi. Binanın ilk sahibi italiyalı dövlət qulluqçusu misiqiçi Ruoko olmuşdur. Onun evində adətən qastrolda olanartist və musiqiçilər qalırdılar. 1873–1875-ci illərdə binanın sahibi polkovnik Aleksandr Qavriloviç Remi olmuşdur. O, sonradan hətta general-mayor rütbəsinə qədər yüksələ bilmişdir.

Xəzinədarbaşı (türk. hazinedarbaşı) — Osmanlı imperiyasında biri daxili xəzinədən, digəri isə xarici xəzinədən məsul olan vəzifə. Osmanlı dövlət təşkilatında daxili xəzinənin saxlandığı Bab-ı Hümayun və Hilət xəzinələri bölməsində saray sənətkarlarının (əhl-i hirəf) idarəsindən məsuldur. Osmanlı sarayının Əndərun hissəsində işləyənlərə xəzinədar deyilirdi. Əndərunda çalışan xəzinədarlardan məsul şəxs xəzinədarbaşı adlanırdı.