Şahismayıl İsmayılov
Şahismayıl Namaz oğlu İsmayılov (1 aprel 1956, Göllü, Amasiya rayonu) – Tarixçi, araşdırmaçı alim, tarix üzrə fəlsəfə doktoru, dosent. Azərbaycan Dillər Universitetinin və Azərbaycan Universitetinin Siyasi elmlər kafedrasının baş müəllimi.
== Həyatı ==
Şahismayıl Namaz oğlu İsmayılov 1956-cı ildə Qərbi Azərbaycanın Amasiya rayonunun Göllü kəndində anadan olub. 1974–1976-cı illərdə hərbi xidmətdə olmuşdur. Hərbi rütbəsi leytenant. Ailəlidir, 1 övladı var. SSRİ dövründə Sərhəd Qoşunlarında əla xidmət etdiyinə görə 2 dəfə döş nişanı ilə təltif edilmişdir.
== Təhsili ==
1963–1973-cü illərdə Amasiya rayon orta məktəbində təhsil almışdır. Azərbaycan Respublikası 60 illiyi adına Xankəndi Pedaqoji İnistutunun Tarix fakültəsi üzrə 1979–1984-cü illərdə təhsil almış və 1984-cü ildə bitirmişdir. İsmayılov Şahismayıl Namaz oğlu 2013-cü ildə "XVII yüzilliyin 80–90-cı illərində səfəvi dövlətinin sosial-iqtisadi həyatı (Sanson və Engelbert Kempferin "Səyahətnaməsi" əsasında)" mövzusunda 5502.01– Ümumi tarix ixtisası üzrə tarix elmləri üzrə fəlsəfə doktoru elmi dərəcəsi almışdır.