нар. 1) тамам. 2) ( чӀехи гьарфуналди Б ) дишегьлидин хас тӀвар - Бес.
* бес кьадар(да ) нар. са кар кьилиз акъудун патал тамам тир кьадар(да ). Адаз акьулни, фагьумни вичиз бес къадар авайди хьиз тир. Ф. Б. Бахтунал дуьшуьш хьайи лезгидин кьиса. А вахтара хуьруьнвийриз фу, як, чӀем, ниси бес къадар авачиртӀани, емишар булдиз жедай. С. Муслимов. ЦицӀигъ-наме.
* бес я " мад герек туш, акъваз" манадин ибара. Дуьнья, белки, бес я, - мад лугьудайд туш. Е. Э. Нефсиниз. Бес я, эй бейвафа дуьнья, вун зал даралмиш хьана хьи. С. С. Кьве хтул кьейила. Синоним: беса.
* бес хьун гл.; тамам хьун. КӀелай тарсар бес я. Н. А. Кьве рикӀин хиялар. Бес жедани акуналди, тух жедани тӀуьналди мед, Ас. М. Гъезелар. ЖикӀийрикай хкуднавай дарманар, витаминар бес тежедайла, бедендик иви тӀимил хьайила, ишлемишда. Р. Тагьирбеков. Къацу аптека. Масанра чун куьз къекъведа, бес тушни чахъ авай рушар... Ас. М. Гъезелар.