урус, лит., сущ.;. ди, -да; -ар, -ри, -ра художественный эсердин мана ачухарзавай, сад-садан гуьгъуьналлаз къвезвай ва чеб-чпин алакъада авай агьвалатар, вакъиаяр. Сюжетда произведенидин тема ачух жеда. М. М. Гь. Литературадин теориядикай куьруь малуматар. Рахунар адакай физва хьи, поэзиядиз яшайиш чӀугвадай дуьшуьшра а яшайиш сифте кьил, гуьгъуьнай артмиш, хьун ва эхир кьил авай вакъиадалди гузвач, маса гафаралди -тайин тир сюжет аваз ваъ, гьакӀ шикил ягъунин къайдадалди ачухариз алахъзава. А. А. Лезгийрин поэзия вилик тухунин бязи месэлайрикай. Кхьизвай шейэр чӀехибур, сюжетарни яргъибур хьун себеб яз, зун жуван къелемдикай хкатай шейэрилай рази тушиз амукьзавай. И. Къ. Кьисмет. Синоним: кьил-эхир.