туьрк, сущ.; -ди, -да; -ар, -ри, -ра ксанвайдаз мекьи тахьун патал винел вегьедай памбаг ва йис къене аваз парчадикай цванвай махсус затӀ.... муькуь гъили инхъай-анхъай яргъан агудна. А. Ф. Бубадин веси. Агъадихъай, вацӀ авахьзавай чухурдин кьилел алай цавук са бубат экв акатнамазди ахварикай кватай ам, гилани и къвал, а къвал элкъуьриз яргъандик кума. М. В. Гьарасатдин майдандал.
* яргъандиз килигна (килигайвал\] кӀвач яргъи авун гл., ни жуван мумкинвилериз килигна дуланмиш хьун. Гъуьл шеври хьанвай папа вичин яргъандиз килигна кӀвач яргъи авуна. З. Э. Рамзият. Дагъдин кӀане авай Ахцегърин жемятри, гъарда вичин яргъандиз килигайвал кӀвач яргъи ийиз, кьуьд кечирмишзавай. З. Э. Рагьимат.