Steysi Keybler
Steyk Keybler (14 oktyabr 1979, Baltimor, Merilend) (ing. Stacy Keibler) — ABŞ aktrisası, modelyer
1979-cu ildə Baltimorda anadan olub. Üç yaşında balet və caz rəqsləri öyrənməyə başlayıb. Hələ universitetdə oxuyarkən filmlərdə qısa rolların ifaçısı və modelyer kimi tanınırdı. 19 yaşında güləş çempionatında rəqs şouları göstərən "Niro Qızlar" qrupunda rəqs yarışmasının qalibi adını qazandı.
Keyblerin 110 sm-lik gözəl ayaqları ona "Güləş Çempionatının Ayaqları" adını qazandırmışdır.
Steysi Martin
Steysi Martin (həmçinin Stacy və ya Martin; fr: Stacy Martin; 20 mart 1990, Paris) — fransız kino aktrisasıdır.
== Bioqrafiyası ==
Steysi Martin 20 mart 1990-cı ildə Parisdə fransız bərbər René Martin və ingilis qadın Annette Martinin ailəsində anadan olub. Uşaqlıqdan valideynləri ilə birlikdə Steysi tez-tez şəhərdən şəhərə köçürdü. Hələ Parisdə olarkən modellik karyerasına Premier Model Managementdə başlamışdır. Məktəbi bitirdikdən sonra Steysi valideynləri ilə birlikdə Londonda yaşamaq üçün Fransadan ayrılır. Orada universitetə daxil olur və aktyorluq məktəbində təhsil almağa qərar verir.
Steysi Nelkin
Steysi Nelkin (ing. Stacey Nelkin; 10 sentyabr 1959, ABŞ) - ABŞ aktrisası.
== Həyatı ==
Steysi Nelkin 10 sentyabr 1959-cu ildə Nyu-Yorkda anadan olmuşdur. İlk film karyerasına 1978-ci ildə başlamışdır. 1987-1991-ci illər arası ABŞ müğənnisi və aktyoru Berri Bostvik ilə ailə həyatı qurmuşdur. 1982-ci ildə ilk məşhur filmi "Hellovin 3" filminə çəkilir. Sonralar yenidən televiziya seriallarına çəkilmişdir.
Hörümçək-qadın (Qven Steysi)
Hörümçək-qadın (ing. Spider-Woman) və ya daha çox tanınan adı ilə Hörümçək-Qven (ing. Spider-Gwen) – Marvel Comics tərəfindən nəşr edilən komikslərdə görünən uydurma superqəhrəman. Ceyson Latur və Robbi Rodrigez tərəfindən yaradılmışdır. Personaj ilk dəfə 2014–15-ci illərdə davam edən "Spider-Verse" komiks hekayəsinin bir parçası olan "Edge of Spider-Verse" komiksinin 2-ci sayında peyda olmuşdur. Personajın uğurundan sonra 2015-ci ildə "Spider-Gwen" adlı komiks seriyası buraxılmağa başlanmışdır.
Hörümçək-qadın Hörümçək-adamın bir variantı və Qven Steysinin alternativ versiyasıdır. Personaj Yer-65 adlı alternativ kainatda yaşayır. Bu kainatda Qven Steysini radioaktiv hörümçək sancır və Piter Parkerin əvəzinə o, superqəhrəman olur. Hörümçək-qadın Mett Murdok və Frenk Kaslın Yer-65 versiyaları kimi düşmənlərə qarşı döyüşür.