Reqtaym
Reqtaym (ing. ragtime) — XIX əsrin son rübündə formalaşmış Amerika fortepiano musiqisinin “cazdan öncəki” janrıdır.
Xüsusilə 1900-cü ildən 1918-ci ilə qədər məşhur olmuşdur. Bu, 2/4 və ya 4/4 vaxtda basın tək vuruşlarda və akkordların cüt taktlarda çalındığı, səsə tipik "marş" ritmi verən rəqs formasıdır; melodik xətt yüksək sinkoplaşdırılmışdır. Bir çox reqtaym mahnıları dörd müxtəlif musiqi mövzusundan ibarətdir.
Bu üslub bu janrın formalaşmasından sonra meydana çıxan, demək olar ki, bütün caz pianoçularına təsir etmişdir və məhz reqtaymdan “strayd-piano” adlı ilk fortepiano caz üslubu yaranmışdır.
Reqtaym cazın sələflərindən biri hesab olunur. Caz ritmik sərbəst, sanki “kəsilmiş” melodiya arasındakı uyğunsuzluğun yaratdığı ritmik kəskinliyi reqtaymdan miras aldı. Birinci Dünya müharibəsindən sonra bir müddət reqtaym yenidən salon rəqsi kimi dəbdə idi. Bundan başqa rəqslər, o cümlədən fokstrot yaranmışdır.
Reptayl (Mortal Kombat)
Reptayl (ing. Reptile) - "Mortal Kombat" oyun seriyasının personajlarından biridir.
== Xarakteristika ==
Reptayl personajı seriyalarda soyu tükənməkdə olan Zaurian adlı sürünənlərin humanoid irqinə mənsubdur və irqini təkrar diriltmək məqsədiylə Şanq Tsunqa tərəfindən Yer döyüşçülərinə qarşı mübarizə qaparır. Əsl adı Sayzotdur. Reptayl kərtənkələ ilə insanın qarışığına bənzəyir. Kitananın Milinanı öldürdükdən sonra Şao Kann Ceyd və Reptaylı Kitananı tutmaq üçün vəzifələndirir. Kitananın qarşısı almaq və lazım gələrsə, onu öldürmək, əsasən, Reptaylın vəzifəsi olur. Ceyd isə Kitananın köhnə dostu olduğuna görə Reptayl ilə mübarizə aparır və Reptayl Şao Kannın sarayına geri dönməyə məcbur olur. Müxtəlif müharibələrdən sonra Reptayl bir çox şəxslərin itaətində olur. Onaqa məğlub olduqdan sonra Reptayl azad olur.