Yekaterinburq
Yekaterinburq — Rusiya Federasiyasında yerləşən şəhər. Sverdlovsk vilayətinə daxildir.Şəhər statuslu Yekaterinburq Ural iqtisadi rayonunun iri inzibati, mədəni, elmi-tədris mərkəzlərindən biri sayılır.
Şəhər İseti çayının sahilində,Orta Uralın şərqində yerləşdirilmişdir.
1723-cü il 7 noyabrda (18 noyabr) əsası qoyulmuşdur. Ad imperatriçə Birinci Yekaterinanın şərəfinə verilmişdir. II Yekaterina 1781-ci ildə Yekaterinburqa Perm quberniyasının qəza-şəhər statusunu verdi.
Yekaterinburq, XIX sonu XX əsrin əvvəllərində Uralda inqilabi hərəkat mərkəzlərindən biri idi.Sovet illərində ölkənin güclü sənaye və inzibati mərkəzinə çevrilmişdir. Şəhər Böyük Vətən müharibəsində Sovet İttifaqının qələbəsinə böyük töhfə verib.Müharibə illərdə Ural zavodu ağır maşınqayırmanın və zirehli texnikanın istehsalına görə ən böyük sovet istehsalçıları sırasına daxil idi.
Yekaterinburq şəhəri Rusiyada əhali sayına görə (Moskva, Sankt-Peterburq və Novosibirskdən sonra) 4-cü yerdədir. Yekaterinburq Rusiyanın dördüncü böyük aqlomerasiyasıdır.
Yekaterinburq teleqülləsi
Yekaterinburq teleqülləsi- Yekaterinburqdakı tamamlanmamış televiziya qülləsi, bütün Sverdlovsk bölgəsini televiziya və radio siqnalları ilə əhatə etməkdədir. Əsas hissəsi 1986-1989-cu illərdə inşa edilmişdir. 1990-cı ildə işə maliyyələşdirmə dayandırıldıqdan sonra tərk edilmişdir.
2017-ci ilin payızında Sverdlovsk vilayətinin qubernatoru və UMMC tərəfindən dağıtmaq qərarı verildi.Qərar 24 mart 2018-ci ildə qəbul edildi
== Tikinti ==
1983-cü ilin sonunda, Sverdlovsk şəhər icra komitəsinin qərarı ilə, martın 8-də şəhər sirkinin yaxınlığında bir radio yayım stansiyası, radio və televiziya ötürücü stansiyasının tikintisi başlandı. Bu daha əvvəl Vilnüsdə və Tallinndə tətbiq olunan yeni tipik bir Sovet layihəsi idi . Televiziya qülləsinin dizayn hündürlüyü 371 metrdir (11 m - baz, 220 m - beton şaft və 141 metrlik metal anten).Teleqüllədə bütün şəhər televiziya və radio ötürücüləri ilə bütün Sverdlovsk bölgəsinin televiziya siqnalı ilə əhatə etməsi planlaşdırıldı. . Həmçinin, Ostankino televiziya qülləsində "Yeddinci Cennet" olaraq adlandırılan 188 metr yüksəklikdə yerləşən müşahidə məntəqəsi və restoran yerləşir .Qüllənin üst və alt mərtəbələri "Ural nağılları" na istinad edərək "daş çiçəyi" nə bənzədilmişdir.Qüllə 15 m (0–21 m) diametrə malikdir,teleqüllə kəsilmiş konus (21–160 m) və 8 m diametri (160–220 m) olan silindrli şəklində hazırlanmışdır. bütün səthi boyunca müxtəlif formalı və ölçülü çoxsaylı pəncərələr açılır. Cənub-qərb tərəfdən 199.6-dən 208.9 m-ə qədər yüksəlişdə, 9.3 × 5.7 m ölçülü montaj boşluqları qalmışdır (içərisində quraşdırılmış kran-şüa istifadə edilərək) Eksteryer boyu nərdivan hazırlanmışdır ki,bu nərdivan artıq paslanmışdır.
Mərkəzi Stadion (Yekaterinburq)
Yekateriburqun Mərkəzi Stadionu və yaxud Yekaterinburq Arena – Rusiyanın şəhəri Yekaterinburqda yerləşən stadiondur. Ural öz ev oyunlarını burada keçirir. Tamaşaçı tutumu 35696 nəfərdir, lakin mundial keçirildikdən sonra azaldılaraq 23000 ediləcək. Stadion 2018 FİFA Dünya Kubokuna ev sahibliyi edən 12 stadiondan biridir. Bundan əlavə, həmin 12 stadionun içində ən şərqdə yerləşən stadiondur. Həmçinin, Rusiyanın Asiya hissəsində mundialın oyunlarının keçirildiyi tək stadion idi.
== Tarixi ==
Stadion 1957-ci ildə tikildi. Daha əvvəl də şəhərin bu ərazisində müxtəlif idman obyektləri var idi: 1900-cu ildən - Velodrom, 1928-ci ildən Regional Stadion, 1936-cı ildən "Şərqin metallurqu" stadionu buna bariz nümunədir. Stadionda minlərlə idman və əyləncə tədbirləri təşkil edildi. Açılışından bir il sonra, stadion sürətli konki idmanı üzrə dünyada ən önəmli arenalardan birinə çevrildi.