Ügyek
Ügyek və ya digər adı ilə Ugek (VIII əsrin ikinci yarısı, IX əsrin birinci yarısı), Almosun atası, ilk Böyük Macar Şahzadəsi. Bəzi mənbələrə əsasən isə Almoşun atası yox babasıdır. Vyana rəsmli xronikasına əsasən, Almos Ügyekin oğlu Elödün oğludur.
== Haqqında ==
Anonim müəllif yazır ki Ügyek 819-cu ildə Eunedubeliyan şahzadəsinin qızı Emeşe ilə evləndi. Xronikalarda göstərilir ki, onların Almoş adlı bir oğlu oldu. Emeşe Almoşun doğumundan əvvəl yuxuda Toğrul quşunu görmüşdü. Toğrul quşu mifologiyada qoruyucu rolunda çıxış edir və onun vəzifəsi uşaqları böyüyənədək bəlalardan qorumaqdır. Buna görə də onun adını Almoş yəni “ yuxuda görülən” qoymuşdular.
=== Ügyek adının mənası ===
Tarixçi Dyula Kristo qeyd edir ki, Ügyekin adının qədim macar sözü olan ügy sözündən götürülmüş ola bilər. Ügy sözü macarca “müqəddəs” mənasında işlənir.
Üç üz (film, 2018)
Üç üz (fars. سه رخ — Sə rüx) — Cəfər Pənahinin 2018-ci ildə çəkdiyi dram janrında filmdir. Filmdə iranlı üç qadının taleyindən bəhs edilir.
== Filmin mövzusu ==
Məhdud büdcə ilə çəkilmiş bu minimalist filmdə baş rollarda Behnaz Nəcəfi, Mərziyyə Rzayi və rejissorun özü çəkilib. Film əsasən aktrisa olmaq istədiyi üçün ailəsinin təzyiqləri ilə üzləşən gənc bir qızın həyat hekayəsindən bəhs edir. Ümumilikdə isə filmdə üç iranlı aktrisanın həyatından bəhs edilir. Onlardan biri İslam İnqilabından sonra kinodan getməyə məcbur olan aktrisa, ikincisi müasir populyar aktrisa, digəri isə aktyorluq məktəbinin tələbəsidir. Filmdə İran qadınlarının, xüsusilə də aktrisaların qarşılaşdığı sosial və peşəkar problemlər göstərilir.
== Mükafatlandırılması ==
Cəfər Pənahiyə siyasi fikirlərinə görə İranda iyirmi illik kino çəkmək və ölkəni tərk etmək qadağan edilməyinə baxmayaraq o, qadağa dövründə dörd film ərsəyə gətirmişdir. Bu filmlərdən sonuncusu məhz "Üç üz" filmidir.
.kg
.kg — Qırğızıstanın internet kodu.
== Xarici keçidlər ==
IANA .kg whois information
.kg domain registration website...
4G
4G (ing. fourth generation) — dördüncü nəsil kabelsiz telefon texnologiyasıdır. Digər GSM standartları kimi hücrəvi bir şəbəkə sistemi istifadə etməyi və üçüncü nəsildə ortaya çıxan əhatə dairəsi problemi başda olmaq üzrə bəzi problemləri həll etməyi gözlənilməkdədir. Əlaqə sürəti mobil telefonlarda 100mps , Wi-Fi şəbəkələrdə 1Gbpsdir. Eyni zamanda Wimax bant genişliyi ilə eyni boydadır. Bu, mövcud 3G texnologiyasının təqdim etdiyi sürət göstəricisindən 10 dəfə çoxdur.
== Tətbiqi ==
2009-cu ildə Dünyanın qabaqcıl telekommunikasiya şirkətlərindən olan "Verizon Vireless" 4G-ni sınaqdan keçirib. Şirkət ABŞ-nin Boston və Sietl şəhərləri arasında keçirdiyi testləri uğurla tamamlayıb. Test mərhələsində video, fayl endirmə və yükləmə, internetdə gəzinti ilə yanaşı, səs transferi 4G üzərindən sınanıb. Bu sayədə gerçək mənada mobil telefondan yüksək keyfiyyətli video izləmək və gerçək oyunlar oynamaq mümkün olacaq.
3G
3G — üçüncü nəsil rabitə texnologiyası. 3G-dəki G (generation) hərfinin ingilis dilindən dilimizə anlamı da "nəsil" deməkdir. Təqdim etdiyi xidmətlər arasında mobil istifadəçilər üçün geniş sahədə kabelsiz telefon əlaqələri, görüntülü əlaqələr və verilənlərin kabelsiz ötürülməsi mövcuddur.
Bu texnologiya 1998-ci ildə Yaponiyanın NTTdocomo şirkəti tərəfindən yaradılmışdır. 2002-ci ildən Amerikada, 2003-cü ildən isə Avropada istifadə olunmağa başlamışdır.Bu sistem yalnız sürətli internet şəraitində işlədiyindən internet sürətinin dəfələrlə artırılmasını və yaxşılaşdırılmasını tələb edir. 3G sistemlərində sürətlər artıq megabitlərlə ifadə edilir. Sürətdəki bu artım xüsusilə internetə daxilolmanı asanlaşdırır. 3G vasitəsilə həm də telefondan görüntülü danışıq artıq bizdə də həqiqətə çevrilib. Bu sistem mobil internet sürətinin azı 70 qat artması deməkdir. Bu isə həm də mobil telefondan modem kimi istifadə edilməsi imkanını əldə edilməsi deməkdir.
5G
5G (ing. fifth generation) — 5-ci nəsil kabelsiz mobil texnologiya. 5G texnologiyası tərifi barədə fikir ayrılıqları var. İTU İMT-2020 standartlarına görə 5G saniyədə 20 Qiqabitə qədər sürətli internet təmin edə bilər, amma bu yalnız yüksək tezlikdə (15 Qiqahers və yuxarı) mümkündür. Ən son 3GPP standartına görə isə 5G aşağı tezlikdə, 600 MHs-dən 6 GHs-ə istifadə oluna bilər. Amma bu 4G ilə müqayisədə ancaq 15-50 % daha sürətlidir. Buna görə də aşağı tezlikdə 5G texnologiyası 4G texnologiyasının "təkamülü" adlandırıla bilər.
== Mobil şəbəkələr ==
5G-nin 6GHs-dan aşağı tezlikdə ilkin buraxılışı arxitektura baxımdan mövcud 4G LTE infrastrukturdan ayrılmır. Şəbəkə avadanlıqarının əsas təchizatçıları isə Nokia, Huawei və Eriksondur.
== Yayılması ==
Çinin mobil rabitə operatorları qarşıdakı 5 il ərzində 5G şəbəkəsinə 220 milyard ABŞ dolları sərf edəcəklər.
6G
6G — 6-cı nəsil kabelsiz mobil şəbəkə texnologiyası.
6G telekommunikasiya sahəsində mobil məlumat şəbəkələrini dəstəkləyən simsiz rabitə texnologiyaları üçün inkişaf edən altıncı nəsil mobil rabitə standartıdır. Mütəxəssislər güman edirlər ki, bu standart 5G-dən əhəmiyyətli dərəcədə daha sürətli olacaq. 6G şəbəkəsi özündən əvvəlkilər kimi, xidmət sahəsinin mobil hücrələr adlanan kiçik coğrafi ərazilərə bölünən genişzolaqlı mobil şəbəkə olacaq. Bir neçə şirkət (Airtel, Anritsu, Apple, Ericsson, Fly, Huawei, Jio, Keysight, LG, Nokia, NTT Docomo, Samsung, Vi, Xiaomi), tədqiqat institutları (Texnologiya İnnovasiya İnstitutu, Universitetlərarası Mikroelektronika Mərkəzi) və ölkələr (ABŞ, Avropa İttifaqı ölkələri, Rusiya, Çin, Hindistan, Yaponiya, Cənubi Koreya, Sinqapur və Birləşmiş Ərəb Əmirlikləri) 6G şəbəkəsinə maraq göstərirlər.6G şəbəkəsi özündən əvvəlki texnologiyalara nisbətən daha fərqli olacaq. Belə ki, hər yerdə mövcud olan ani kommunikasiya, geniş yayılmış intellekt və əşyaların interneti (IoT) kimi cari mobil hücrə istifadə edən nümunələrdən daha çox tətbiqləri dəstəkləyəcəyi gözlənilir. Mobil şəbəkə operatorlarının 6G üçün çevik və mərkəzləşdirilməmiş (desentralizasiya) biznes modelini qəbul edəcəyi gözlənilir. 6G ilə yerli spektrin lisenziyalaşdırılması, spektr və infrastrukturun paylaşılması, mobil periferik hesablama, süni intellekt, qısa paket rabitəsi və blokçeyn texnologiyaları ilə dəstəklənən ağıllı avtomatlaşdırılmış idarəetmə gözlənilir.2023-cü ildən etibarən, 6G texnologiyası üçün ümumi qəbul olunmuş hər hansı bir dövlət və ya qeyri-dövlət standartı mövcud deyil və lakin inkişaf etmə mərhələsindədir.
== Terahertz və millimetr dalğalarının inkişafı ==
Bəzi fərziyyələrə görə, 6G texnologiyasında milimetr dalğaları (30 ilə 300 GHz) və terahertz radiasiyası (300 ila 3000 GHz) istifadə edilə bilər. Bununla belə, bu tezliklərin dalğa yayılması 1G, 2G, 3G və 4G-də istifadə edilən radio dalğalarından daha həssas olan 5G və Wi-Fi-da (təxminən 2-30 GHz) istifadə edilən mikrodalğalı tezliklərə nisbətən maneələrə qarşı daha həssasdır.
1G
1G — mobil şəbəkə (simsiz) texnologiyasının birinci nəslinin mobil rabitə standartı. Bu, 1980-ci illərdə tətbiq edilmiş və 2G ilə əvəz edilmiş mobil telekommunikasiya standartıdır. Bu iki mobil şəbəkə və mobil nəsil arasındakı əsas fərq ondan ibarətdir ki, 1G audio ötürmə şəbəkəsi analoq, 2G isə tamamilə rəqəmsaldır.
Müxtəlif ölkələrdə bir çox fərqli 1G mobil standartları hazırlanmış və istifadə edilmişdir. Amma dünya miqyasında ən geniş qəbul edilən standartlar Qabaqcıl Mobil Rabitə Sistemləri (ing. Advanced Mobile Phone System) və Nordik Mobil Telefon (ing. Nordic Mobile Telephone) sistemləri olub. Rəqəmsal texnologiyanın analoqdan üstün olması 2G-nin tamamilə əvəz edilməsilə yekunlaşdı. İnkişaf etmiş ölkələrdə 2000-ci illərdə bir çox 1G şəbəkələri söndürüldü. Amma bəzi yerlərdə şəbəkələrin 2010-cu illərin sonlarına qədər fəaliyyəti davam etdirildi.
LG
LG Group (İngilis: LG Group, Sloqanı (İngiliscə): "Life's Good" Azərbaycanca: Həyat gözəldir), (Koreyaca: 엘지 그룹 Elji Kŭrup); Cənubi Koreya konqlomeratı elektronika, mobil telefonlar və neft kimyası da daxil olmaqla bir çox sahədə fəaliyyət göstərir. LG Koo ailəsi tərəfindən edilən ailə şirkətidir.
Şirkət LG adından 1995-ci ilə qədər "Lucky — Goldstar"ın abbreviaturası kimi istifadə edib. Adını dəyişdirməzdən əvvəl Goldstar brendi altında bir çox elektron məhsullar satırdı, Lucky markası isə ümumiyyətlə Koreyadan kənarda satılmayan digər məişət məhsullarında istifadə olunurdu. Lucky, xüsusilə ev təmizlik məhsulları və camaşırxana məhsulları ilə Cənubi Koreyanın məşhur markalarından biri idi.
Altmış üç
Altmış üç — say sistemində ədədlərdən biridir. Altmış ikidən sonra, altmış dörddən əvvəl gəlir.
== Riyaziyyatda ==
=== Əsas hesablamalarda ===
Altmış üç ədədi — tək ədəddir və eyni zamanda mürəkkəb ədəddir.
BMW AG
Bayerische Motoren Werke AG, qısaca olaraq BMW, baş ofisi Bavariyanın Münhen şəhərində yerləşir. Alman maşın və motosiklet istehsalçısıdır.
== Tarixi ==
BMW şirkəti Münhendə təyyarə mühərriklər zavodu kimi Karl Fridrix Rapp, Kamillo Kastilyon, Maks Frits tərəfindən 1916-cı ildə təsis edilib. İlkin dövrdə qəbul olunmuş və hal-hazırdada istifadə olunan ağ-mavi rəngli emblem fırlanan təyyarə propellerinin təsviri BMW-nin ilkin "təyinat"ının nişanəsidir.
İlkin dövrdə şirkət Avstriya-Macarıstan üçün V12 tipli mühərriklər istehsal etməyə başlayır. Tezliklə Rapp əlavə pula ehtiyac duyur və kompaniyanı tərk edir. Onun yerinə avstriyalı sərmayəçi Frans Cozef Popp firmaya rəhbərlik etməyə başlayır.
Birinci dünya müharibəsindən məğlub çıxmış Almaniyada hərbi qüvvələrə məhdudiyyət qoyulur. Bundan sonra Almaniyada təyyarə istehsal edilə bilməzdi — beləliklə BMW-nin mühərrik istehsalı Almaniya üçün yararsız oldu.
1922-ci ildə BMW Münhendə özünün bu günkü əsas binasını tikir.
Cefet-MG
Minas-Jerays Texnoloji Təhsil Federal Mərkəzi (port. Centro Federal de Educação Tecnológica de Minas Gerais) və ya qısaca Cefet-MG — Braziliyanın Belo Horizonte şəhərində yerləşən dövlət universiteti.
.aq
.aq — Antarktikanın internet kodu.
Domen iki il müddətinə pulsuz verilir. Domeni almaq üçün isə hökmən Antarktidada azı bir dəfə olmaq tələb edilir. İki ildən sonra istifadə müddətini yenidən artırıla bilə.
.gq
.gq — Ekvatorial Qvineyanın internet domeni. Ekvatorial Qvineya hökumətinin qanunlarına əsasən yalnız ikinci və daha aşağı səviyyəli internet domenlərindən qeydiyyatdan keçməklə bu uzantıdan istifadə etmək olar.
== Birinci səviyyəli internet domeni ==
Ölkənin birinci səviyyəli domeni .gqdır. Bu domenə birbaşa qeydiyyata icazə yoxdur.
== İkinci səviyyəli internet domeni ==
Ölkənin ikinci səviyyəli internet domenləri bunlardır:
.org.gq - qeyri-hökumət təşkilatları üçün
.gov.gq - dövlət qurumları üçün
.edu.gq - təhsil müəssisələri üçün
.mil.gq - hərbi və xüsusi mühafizə orqanları üçün
.com.gq - kommersiya fəaliyyəti üçünBu domenlərdən qeydiyyatdan keçməyə icazə vardır.