İdeya

yun. idea – anlayış, təsəvvür, fikir, ideya 1) insan şüurunda reallığı əks etdirən təsəvvür və anlayışların məcmusu; insanın reallığa onun dünyaya baxışının əsasını təşkil edən münasibəti; 2) hər hansı bir şeyin məzmununu müəyyənləşdirən fikir, mahiyyət; 3) istək, fikir, plan; “məna”, “mahiyyət” bildirən, həmçinin şüur və təfəkkürün kateqoriyaları ilə sıx bağlı olan fəlsəfi termin; 4) insan şüurunda varlığı (həqiqi və ya yanlış şəkildə) əks etdirən və onun bizi əhatə edən mühitə münasibətini ifadə edən anlayış, təsəvvür; 5) dünyagörüşünün əsas və ən mühüm prinsipi; məfkurə, məslək, əqidə. Məsələn, ideya mübarizəsi, ideya silahı; 6) fikir, qayə, məqsəd. Məsələn, sülhü qorumaq və möhkəmləndirmək ideyası.