QoS

Ceyms Qoslinq (ing. James Gosling; 19 may 1955, Kalqari, Alberta) — Java proqramlaşdırma dilinin yaradıcısı. Ceyms Qoslinq 1955-ci il, 19 may tarixində Kanadada dünyaya gəlib. Albert Universitetini bitirib və təhsilini 1983-cü ildə kompüter elmləri üzrə fəlsəfə doktoru elmi dərəcəsini aldığı Karnegi-Mellon Universitetində davam etdirib. C. Qoslinq 1984-cü ildə "Sun Microsystems" şirkətində çalışmağa başlayır. O, proqramlaşdırma sahəsində xüsusi qabiliyyəti və istedadı sayəsində tezliklə kompaniyada nüfuz qazanır. 90-cı illərdə "Green Team" adı ilə tanınan "Sun" firmasının əməkdaşlarından ibarət qrupun tərkibində müxtəlif "ağıllı" məişət elektrik maşınları və cihazlarının proqramlaşdırılması üzərində işləməyə başlayır. Qoslinq o vaxta qədər artıq "UNIX" üçün pəncərə interfeysi – "cNacs" və "News" redaktorunu hazırlamışdı. Nəhayət, Ceyms Qoslinq öz komandası ilə birlikdə xüsusi səylə hazırda "Java" adlandırdığımız proqramlaşdırma dilinin üzərində çalışmağa başlayır. "Sun Microsystems" şirkəti tərəfindən təqdim olunan obyektyönlü "Java" proqramlaşdırma dili struktur və sintaksisinə görə "C" proqram dilinə çox yaxın idi.

German Henrix Qossen (alm. Hermann Heinrich Gossen‎; 7 sentyabr 1810[…], Düren, Köln[d] – 13 fevral 1858[…], Köln, Prussiya) —Almaniya iqtisadçısı. Hermann Heinrich Gossen Düren, Roer (departament) (Roerdépartement və ya Departement de la Roer), Birinci Fransa İmperiyasında anadan olub. Bu gün həmin ərazi Şimali Reyn-Vestfaliya, Almaniya kimi tanınır. Hermann Köln (Köln), Şimali Reyn-Vestfaliya, Prussiyada vəfat etdi. Valideynləri Georg Joseph Gossen (15 dekabr 1780 - 7 oktyabr 1847) (aka Georg Josef Gossen) və Maria Anna Mechtilde (Mechthildis) Scholl (22 fevral 1768 - 29 iyun 1833) idi. Georg və Mariya 25 oktyabr 1804-cü ildə Axendə evləndilər. Hermanın ata tərəfdən babası Arnold Winand Gossen, 3 sentyabr 1774-cü ildə Selgersdorf, Jülich, Prussiyada Anna Cordula Schmitz ilə evləndi. Arnold Winand Gossen - Kurfürstlicher steuereintreiber (Seçki vergi yığan) və Wahlrentenmanager (Seçki pensiya meneceri) - Düren şəhərində, Jülich hersoqluğunda və Prussiyanın Aşağı Reyn bölgəsinin digər hissələrində fəaliyyət göstərən ən hörmətli məmurlardan biri idi. Bununla belə, 1790-cı illərin ortalarından başlayaraq Arnold, Arnoldun davamlı biznes əməliyyatları apardığı Prussiya ərazilərinin Fransa tərəfindən alınması səbəbindən tədricən öz mövqeyini və gəlirini itirdi.

Sekku (節句) – Yaponiyada mövsüm dəyişikliyini bildirən əlamətdar günlər. "Sekku" termini əvvəllər mövsüm dəyişikliyinin ("seçi") baş verdiyi günlərdə hazırlanan yeməkləri ("ku") bildirirdi. Daha sonra bu söz həmin günləri bildirmək üçün istifadə olunmağa başlamışdır. "Monobi" və ya "monbi" sözləri sekkunu bildirmək üçün istifadə olunan alternativ sözlərdir. Belə ki, insanlar bu günlərdə ailə gerbinin ("mon") olduğu kimonolar geyinirdilər. Yaponiya sarayında sekku adəti Çinin təsiri ilə yaranmışdır. İllik hadisələri qeyd etmək üçün istifadə olunan təqvimə bir neçə sekku daxil idi. Bu təqvim yapon mövsüm bölgüsünün Çin təqvim sistemi ilə sintezi nəticəsində yarandığı üçün bəzi günlər mövsüm dəyişikliklərini bildirirdi. Edo dövründə Tokuqava şoqunluğu bu günləri sekku elan etmişdi: 7 yanvar (Yeddi bitki festivalı), 3 mart (Kukla festivalı və ya Şaftalı festivalı), 5 may (Uşaqlar festivalı və ya Süsən festivalı), 7 iyul (Tanabata festivalı) və 9 sentyabr (Payızgülü festivalı). Bu sekkular Yaponiyada müasir dövrdə də qeyd olunur.

Qoseybay Şikimoku (yap. 貞永式目) - 1232-ci ildə Yaponiyada Minomoto şoqonluğu dövründə hazırlanmış "Qanunlar Külliyyatı". Cyoey Şikimoku da adlanır. Minomoto şoqonluğunun yaranması ilə aqrar münasibətlər baş verən dəyişikliklərdən biri-şərti torpaq mülkiyyəti ("çiqyoçi", "ryoçi") formasının geniş xarakter alması idi. Hakimiyyətə gəlmiş Minamoto ailəsi ələ keçirilmiş və müsadirə edilmiş böyük torpaq sahələrini xidmət müqabilində öz yaxın adamlarına paylaşması ilə bağlı fərmanlar verirdi ("qoqebun"). 1219-1221-ci illərdə baş vermiş iğtişaşın yatırılmasından sonra şərq samuraylarının mövqeyi daha da möhkəmləndi. Onların hüquqları 1232-ci ildə verilmiş 51 maddədən ibarət "Cyoey şikimoku" ("Cyoey illərinin qanunlar külliyyatı") qanunlar külliyyatı ilə daha da möhkəmləndirildi. "Qanunlar külliyyatı" Xocyo Yasutoki tərəfindən hazırlanmışdır. Külliyyatın girişində vassalın öz ağasına andı verilmişdi. And içən şəxs barmağını çərtir, öz qanı ilə möhür vurur və bununla da öz andını təsdiq edirdi.

Qoslarit — mineral, Zn[SO4]×7H2O Qoslarit - rombik. Süni kristalları prizmatik. Ayrılması {010} üzrə mü­kəmməl. Aqreqatı: qaysaqlar, stalaktit və stalaqmitlər, kip, dənəvər, ya da lifli. Rəngsiz şəffaf; Fe, Mn və Cu qatışıqlarında qonuru-yaşıl və abı. Parıltısı şüşəli, ipəyi. Sərtliyi 2-2,5. Xüsusi çəkisi 1,98. Asanlıqla susuzlaşır və ağ toza çevrilir. Dadı büzücü, metallik.

Qosmalıan — Azərbaycan Respublikasının Lerik rayonunun inzibati ərazi vahidində kənd. Əhalisi 403 nəfərdir. Yerli əhali kəndi Qosmihiyon adlandırır. Bu coğrafi ad ğosmaliyon (ğosmalioıi) sözünün təhrif edilmiş formasıdır. Oykonim Ğosm (talış dilində Qasım şəxsi adının dəyişmiş şəkli), hi (əkin yeri) və -o/ı (cəmlik bildirən şəkilçi) komponentlərindən düzəlib, "Qasımın əkin yerləri” mənasındadır. Digər mülahizəyə görə, Qosmalyon Ğosm (Qasım sözünün fonetik dəyişmiş şəkli), Hi (Əli ş.a.), -yonl-on (cəmlik bildirən şəkilçidir) komponetlərindən düzəlib. Bu oykonim nəsil adı əsasında yaranmış, mənası “qasıməlilər” deməkdir. Başqa mülahizəyə görə, oykonim “Qasıməlinin zəmisi” mənasındadır (hion talış dilində “zəmi” deməkdir). 29 mart 2005-ci ildə Azərbaycan Respublikasının Milli Məclisinin qərarı ilə Qosmalyan kənd inzibati ərazi dairəsi tərkibindəki Qosmalyan kəndi Qosmalıan kəndi adlandırılsın, Qosmalyan kənd inzibati ərazi dairəsi Qosmalıan kənd inzibati ərazi dairəsi adlandırılsın. adlandırılmışdır.

Qosman Japarov — Qazaxıstanın Azərbaycandakı diasporunun görkəmli nümayəndəsi Japarov 1 sentyabr 1923-cü ildə Semipalatinsk vilayətində anadan olub. O, 3 yaşında atasını itirib. Repressiya illərində isə anası Stalinin düşərgələrində ölüb. Böyük Vətən Müharibəsi başlayanda Qosman cəbhəyə yollanıb. Japarov snayper olub. Müharibə başa çatdıqdan sonra onu Qızıl Ordu sıralarında saxlayıblar və gələcək hərbi xidməti Azərbaycanda keçib. 1951-ci ildə Daxili İşlər Nazirliyi sisteminə keçən Japarov cinayət-axtarış şöbəsində müxtəlif vəzifələrdə çalışıb. Polkovnik rütbəsini alan qazaxıstanlı xadim 1970-ci ildə SSRİ partiya orqanlarının mühafizə bölməsinə rəhbərlik edib. Başqa sözlə, həmin vaxt Azərbaycan SSR kommunist partiyasının I katibi işləyən Heydər Əliyevin əsas cangüdəni olub. Azərbaycanda "Osman paşa" kimi də məşhur olan Japarov bu adı məşhur türk generalının şərəfinə Heydər Əliyevdən alıb.

Qosmalıan — Azərbaycan Respublikasının Lerik rayonunun inzibati ərazi vahidində kənd. Əhalisi 403 nəfərdir. Yerli əhali kəndi Qosmihiyon adlandırır. Bu coğrafi ad ğosmaliyon (ğosmalioıi) sözünün təhrif edilmiş formasıdır. Oykonim Ğosm (talış dilində Qasım şəxsi adının dəyişmiş şəkli), hi (əkin yeri) və -o/ı (cəmlik bildirən şəkilçi) komponentlərindən düzəlib, "Qasımın əkin yerləri” mənasındadır. Digər mülahizəyə görə, Qosmalyon Ğosm (Qasım sözünün fonetik dəyişmiş şəkli), Hi (Əli ş.a.), -yonl-on (cəmlik bildirən şəkilçidir) komponetlərindən düzəlib. Bu oykonim nəsil adı əsasında yaranmış, mənası “qasıməlilər” deməkdir. Başqa mülahizəyə görə, oykonim “Qasıməlinin zəmisi” mənasındadır (hion talış dilində “zəmi” deməkdir). 29 mart 2005-ci ildə Azərbaycan Respublikasının Milli Məclisinin qərarı ilə Qosmalyan kənd inzibati ərazi dairəsi tərkibindəki Qosmalyan kəndi Qosmalıan kəndi adlandırılsın, Qosmalyan kənd inzibati ərazi dairəsi Qosmalıan kənd inzibati ərazi dairəsi adlandırılsın. adlandırılmışdır.

Xəstəxana — İnsanların müxtəlif xəstəliklərdən müayinə və müalicə eyni zamanda qulluq edilməsi üçün nəzərdə tutulmuş bir yer və ya müəssisə. Bu müəssisələr indiki tipik quruluş və funksiyalarına qədər uzun bir yol keçmişdir. Qədimdən təbabət dinlə sıx əlaqəli olmuşdur. Hələ qədim MIsir məbədlərinin kahinləri xəstələrin müalicəsilə məşqul olmuşlar. İlk xəstəxana tipli müayinə və müalicəxanalar Şri Lankada sonra isə Hindistanda ilk tədris xəstəxansı isə İranda mövcud olmuşdur.

Qоspiç (xorv. Gospić) — Xorvatiyada dağlıq və seyrək nüfuzlu bir şəhərdir. Şəhər Liçkо-Sеnskаya vilayətinin inzibati mərkəzidir. Əhalinin 93%-ni xorvatlar təşkil edir. Şəhər alim və ixtiraçı Nikola Teslanın doğulduğu yerdir. Əhalisi 2011-ci il siyahıyaalma məlumatlarına görə 12,745 nəfərdir.

Qostanay (qaz. Қостанай); 1878 ildən 1905 ilə qədər Nikolayevsk, 17 iyun 1997 ilə qədər Qostanay — Qazaxıstanda şəhər, Qostanay vilayətinin inzibati mərkəzi. Şəhər çöl zonasında Torğay platosunun şimalında Tobol çayı üzərində, Nur-Sultandan 571 km şimal-qərbə (770 nömrəli trasda) yerləşir. Ən yaxın böyük şəhər, Qostanaydan 260 km (yolla 300 km) şimal-qərbdə yerləşən Çelyabinskdir. Quru isti yayı və söyuq az qarlı qışı ilə sərt kontinentaldır. İyulun orta temperaturu: +20,9 °C (Maksimal +42,5 С), yanvarda: −14,5 °C (Minimal −49,7 С); gün ərzində kəskin temperatur tərəddüdləri səciyəvidir; küləyin orta sürəti — 3,2 m/s, qışda əsasən cənub istiqamətli, və yayda şimala. Orta illik yağıntı: 300–350 mm, yağıntıların maksimumu yay vaxtına düşür. Havanın orta illik rutubətliyi — 71 %. Vegetasiya mərhələsi - 170 sutka.

Qostanay vilayəti (qaz. Қостанай облысы) — Şimalı Qazaxıstan regionda vilayət. Qazaxıstanın Aqtöbe, Karağandı, Aqmola və Şimalı Qazaxıstan vilayətləri, Rusiyanın isə Orenburq, Çelyabinsk və Kurqan vilayətləri ilə həmsərhəddir.

Qostanay vilayəti (qaz. Қостанай облысы) — Şimalı Qazaxıstan regionda vilayət. Qazaxıstanın Aqtöbe, Karağandı, Aqmola və Şimalı Qazaxıstan vilayətləri, Rusiyanın isə Orenburq, Çelyabinsk və Kurqan vilayətləri ilə həmsərhəddir.

Qostilya burnu (bolq. нос Гостиля, ‘Nos Gostilya’ \'nos go-'sti-lya\) — Antarktidanın Antarktik yarımadasının Loubye sahilinin Tlaçene buxtası sahillərindən cənub-qərbdə yerləşən burundur. 20-ci əsrin son iki onilliyində Hopkins buzlağının əriməsi nəticəsində formalaşıb. Burun şimali Bolqarıstanda yerləşən Qostilya şəhərinin adını daşıyır. Qostilya burnu 66°35′55″ c. e. 65°46′09″ q. u. koordinatlarında yerləşmişdir. Madell burnundan 25.85 km şərqdə, Fantom burnundan 20.6 km cənubda, Kudelin burnundan 2.55 km cənub-qərbdə yerləşmişdir.

Hostomel (ukr. Гостомель) və ya Qostomel (rus. Гостомель ) - Ukraynanın Kiyev vilayətində, paytaxt Kiyev şəhərinin şimal-qərbində yerləşən şəhər statuslu yaşayış məntəqəsi. İnzibati cəhətdən İrpin Bələdiyyəsinə tabedir. 2021-ci ilin məlumatına görə şəhər əhalisi təqribən 17,534 nəfərdir.

Qostun burnu (bolq. нос Гостун, ‘Nos Gostun’ \'nos go-'stun\) — Antarktidanın Cənubi Şetland adalarının Snou adası sahillərindən şimalda yerləşən buzlaqlardan azad olan burundur. Burun 19-cu əsrdə ağ sənayeçilər tərəfindən kəşf olunmuşdur. Burun Böyük Bolqar xanlığının qurucusu olan Kubrat xanın sələfi olan Qostun xanın adını daşıyır. Karpoş burnundan 2.5 km şimal-qərbdə, Timblon burnundan 2.45 km cənub-şərqdə yerləşmişdir. Britaniya xəritəsinə 1968-ci ildə, Bolqarıstan xəritəsinə 2005 və 2009-cu ildə daxil edilmişdir. L.L. Ivanov et al. Antarctica: Livingston Island and Greenwich Island, South Shetland Islands. Scale 1:100000 topographic map. Sofia: Antarctic Place-names Commission of Bulgaria, 2005.

Rayan Tomas Qoslinq (ing. Ryan Thomas Gosling; 12 noyabr 1980[…]) — Kanadalı aktyor. Onun çəkildiyi filmlər dünya miqyasında 1,9 milyard ABŞ dollarından çox gəlir əldə etmişdir. O, La La Lend filmindəki ifasına görə "Qızıl Qlobus" mükafatına layiq görülüb. Rayan Tomas Qoslinq London, Ontarioda anadan olub. Onun atası, Tomas Rey Qoslinq kağız istehsal edən kombinatın kommivoyajeri qismində çalışırdı, anası Donna Qoslinq isə 2011-ci ildən məktəbdə müəllim qismində kvalifikasiya olunmuş katibədir. Onun atası Kanadalı-fransızdır. Qoslinqin valideynləri dini baxımdan mormon idilər və Rayanın dediyinə görə, bu dini inanc hər bir aspektdən onun həyatına təsir göstərib. Atasının işinə görə onlar tez-tez başqa yerlərə köçürdülər və buna görə də Rayan Kornuollda və Börlinqtonda yaşayırdı. O hələ uşaq olarkən onun valideynləri boşanırlar və Rayan öz bacısı Mendi ilə anası ilə yaşayırdılar.

Robin Everardus Qosens (5 iyul 1994, Emmerix-am-Rayn, Almaniya) — İtaliya A Seriyası təmsilçilərindən olan "Atalanta" klubunda və Almaniya milli futbol komandasında sol cinah müdafiəçisi kimi çıxış edən peşəkar Almaniya futbolçusu. Qosens Almaniyanın Emmerix-am-Rayn şəhərində anadan olmuşdur. Fortuna Elten, Boxolt və Rede klublarda çıxış etdikdən sonra 4 iyul 2012-ci ildə Vitess klubunun akademiyasına qəbul olmuşdur. 13 avqust 2013-cü ildə o, klub ilə ilk peşəkar müqaviləsini imzalamışdır. Bundan əvvəl Bundesliqa təmsilçilərindən olan "Borussiya Dortmund" klubunda baxışda olsa da, nəticə uğursuz olmuşdur. Qosens özü bu hadisəni fiasko adlandırmışdır. 14 yanvar 2014-cü ildə Qosens mövsüm sonuna qədər Dordrext klubuna icarəyə verilmişdir. O, peşəkar karyerasında debütünü üç gün sonra Ekselsior klubuna qarşı oyunda etmiş və komandası rəqibi ilə 1-1 hesabı ilə bərabərə qalmışdır. Qosens peşəkar karyerasında ilk qolunu 7 fevralda Emmen klubuna qarşı oyunda vursa da, komandası rəqibinə 1-6 hesabı ilə məğlub olmuşdur. Pley-off mərhələsi də daxil olmaqla mövsüm sonuna qədər Qosens 20 görüşdə meydana çıxdı.

Tiqran Məlikovun evi — Bakı şəhərində, İ. Səfərli 19 və Həzi Aslanov küçələrinin kəsişməsində yerləşən üç mərtəbəli tarixi malikanədir. Bina 1895–1897-ci illərdə erməni sənayeçi Ambarsum Məlikovun oğlu Tiqran Məlkovun sifarişi əsasında Yuzef Qoslavskinin hazırladığı layihə ilə qotika üslubunda inşa edilmişdir. Məlikovun evi Bakıda qotik üslubda inşa edilmiş ilk bina, həmçinin Qoslavskinin şəxsi sifarişlə hazırladığı ilk layihədir. Yaşayış evi İslam Səfərli 19 və Həzi Aslanov küçələrinin kəsişməsində, Yuzef Qoslavskinin layihəsi əsasında inşa edilmişdir. Ev, qeyri-adi həcmi-məkan strukturu ilə, nisbətən geniş olan İ. Səfərli və ensiz Həzi Aslanov tin quruluşu ilə dərhal gözə çarpır, olduqca dəyişmiş rakursda görsənir. Məlikovun evi Bakıda qotik stildə inşa edilmiş ilk tikili idi. Məlikovun evi ilə yanaşı memar Adolf Eyxler (1870–1911) 28 may küçəsi 17 ünvanında alman qotikası üslubunda kirxanın (1895–1897) layihəsini hazırlayıb inşa edirdi. Məlikovun üçmərtəbəli evinin tikintisinin (1895–1897) sifarişi memar üçün qəfil olmamış və o, cəsarətlə N. A. Fon der Nonnenin tikdiyi order sistemli yaşayış binaları arasında qotik tağlı binanın layihəsini hazırlamışdır. Əvvəlcə forştadtın qoyuluşunda 1813-cü ildə İslam Səfərli (keçmiş Vorontsov) küçəsinin məhəllələrinə kvadrat forma verilmişdir ki, bu forma da günümüzə kimi saxlanmışdır. Cənubi və Şərqi tərəfdə Həzi Aslanov (keçmiş Krantinnaya) küçəsinə yönəldilmiş məhəllələrin birinə "L" şəkilli səhnə daxil olub.

İosif Vikentyeviç Qoslavski (1865, Varşava, Polşa çarlığı – 30 yanvar 1904, Bakı) — polyak memar, mühəndis. Onu "Qafqazın Rastrellisi" adlandırırdılar. Rastrelli kimi Qoslavski də binaların əzəmətini romantizm və plastika ilə bacarıqla uyğunlaşdırırdı. 1865-ci ildə Varşava şəhərində zadəgan ailəsində anadan olmuşdur. 1890-cı ildə I Nikolay adına Peterburq mülki mühəndislər institutunu bitirdikdən sonra onu Daxili İşlər Nazirliyinin Texniki İnşaat Komitəsinə işləməyə göndərirlər. 30 yanvar 1904-cü ildə Bakı şəhərində vəfat edib. Milliyətcə polyakdır. 1891-ci ilin oktyabrında Qoslavski memarlıq akademiki keçmiş bakılı R. R. Marfeldin layihəsi ilə Aleksandr Nevski Başkilsəsinin inşası üçün Bakıya ezam edilir. Bakıya gələn Qoslavski dərhal neft sənayesinin inkişafı ilə əlaqədar şəhərin keçirdiyi tikinti həyəcanı atmosferinə düşdü. Bu həm də şəhər memarlığının formalaşması, ucaldılan tikililərin keyfiyyətinə tələbatın artmasının başlanğıcı idi.

İosif Vikentyeviç Qoslavski (1865, Varşava, Polşa çarlığı – 30 yanvar 1904, Bakı) — polyak memar, mühəndis. Onu "Qafqazın Rastrellisi" adlandırırdılar. Rastrelli kimi Qoslavski də binaların əzəmətini romantizm və plastika ilə bacarıqla uyğunlaşdırırdı. 1865-ci ildə Varşava şəhərində zadəgan ailəsində anadan olmuşdur. 1890-cı ildə I Nikolay adına Peterburq mülki mühəndislər institutunu bitirdikdən sonra onu Daxili İşlər Nazirliyinin Texniki İnşaat Komitəsinə işləməyə göndərirlər. 30 yanvar 1904-cü ildə Bakı şəhərində vəfat edib. Milliyətcə polyakdır. 1891-ci ilin oktyabrında Qoslavski memarlıq akademiki keçmiş bakılı R. R. Marfeldin layihəsi ilə Aleksandr Nevski Başkilsəsinin inşası üçün Bakıya ezam edilir. Bakıya gələn Qoslavski dərhal neft sənayesinin inkişafı ilə əlaqədar şəhərin keçirdiyi tikinti həyəcanı atmosferinə düşdü. Bu həm də şəhər memarlığının formalaşması, ucaldılan tikililərin keyfiyyətinə tələbatın artmasının başlanğıcı idi.

Aleksandr Qostiyev — Azərbaycanlı sərbəst güləşçi, Azərbaycan milli komandasının üzvü. 2013-cü ildə Kazanda keçirilən Yay Universiadasında Azərbaycanı təmsil edib. Milliyətcə osetindir. Rusiyanı bir sıra beynəlxalq turnirlərdə təmsil edib. Bakının "Atasport" güləş klubunda çıxış edir. Aleksandr Taymurazoviç Qostiyev 1987-ci il yanvarın 24-də Şimali Osetiyada anadan olub. Milliyyətcə osetindir. 1997-ci ildən güləşlə məşğul olur. Şəxsi məşqçisi Aslan Tsaqoyevdir.

Qostomel döyüşü — Ukraynanın paytaxtı Kiyevi mühasirəyə almaq məqsədilə Rusiyanın Ukraynaya müdaxiləsi çərçivəsində Şimali Ukraynanın Kiyev vilayətinin Qostomel qəsəbəsini tutmaq uğrunda hərbi əməliyyatlar. 24 fevral 2022-ci ildə RF Silahlı Qüvvələrinin Hərbi Hava Qüvvələri Qostomel Antonov hava limanına helikopter hücumu həyata keçirir və bunun üçün hərbi əməliyyatlar başladılır. Desant qrupu hava limanından çıxarılır, lakin vaxtında gələn əlavə qüvvələr Rusiyaya fevralın 25-də hava limanına tam nəzarəti ələ keçirməyə və Qostomel uğrunda döyüşlərə başlamağa imkan verir. Davamlı dirənişin nəticədə qəsəbə qəhrəman şəhər adını alır. Hava limanı rus paraşütçüləri tərəfindən tutulduqdan sonra döyüşlər Qostomelə və onun ətrafına keçir. Nəticədə hücuma gedən rus qoşunları Ukrayna qoşunlarının mütəşəkkil müqaviməti ilə qarşılaşır. Rusiya ordusu tank kolonunu itirir və Ukrayna Hərbi Hava Qüvvələri, xüsusən də Mi-24-lər yer və hava döyüşlərində döyüşür, mövqe tutan Rusiya qüvvələrinə zərbələr endirilir. Bəzi mənbələrə görə, "Kadırovçular" Ukrayna prezidentinə sui-qəsd etmək üçün Kiyev istiqamətində rus desantlarının mövqelərindən qəsəbəyə təkbaşına irəliləyirlər. Məlumatlara görə, bölmə 250 texnika və 1500-ə qədər hərbi qulluqçudan ibarət idi. Ertəsi gün, fevralın 26-da xüsusi əməliyyat qüvvələri və UXT orqanının kəşfiyyat məlumatlarından istifadə edərək 141-ci Əlahiddə Motoatıcı Alayın zərbə qrupunu ələ keçirərək məhv edib.

Ghosting (ing. ghosting; ghost "kabus") — hər hansı bir əlaqənin xəbərdarlıq edilmədən və ya mümkün səbəbləri izah etmədən qəfil dayandırılması. Termin müxtəlif sahələrdə istifadəsinin populyarlığının aktiv artımı 2010-cu illərdə baş verdi. Anlayışın ilk rəsmi şərhi 2015-ci ildə Collins English Dictionary tərəfindən edilmişdir. Qostinq insanlar arasında romantik və ya dostluq münasibətlərinə son qoymağın yollarından biridir. Bu sahədə fenomen müasir texnologiyaların istifadəsinin yüksək populyarlığı səbəbindən xüsusi populyarlıq qazanmışdır (tekstinq, onlayn tanışlıq, sosial şəbəkələr və s. ). Şəxsi görüşlərdən və ünsiyyətdən imtina etməklə yanaşı, sosial şəbəkələrdə digərini bloklamaqla qarşılıqlı əlaqəni dayandırmaq mümkündür. Həm də bu gün tanışlıq partnyorlar arasında sosial əlaqələr olmadan mümkündür, bunun vasitəsilə lazım olduqda gələcəkdə bir insan tapmaq olar, bu da qostinq prosesini asanlaşdırır. Qostinq əlaqəni bitirməyin ən ağrılı yoludur .

Qossen qanunları — marjinal faydalılıq nəzəriyyəsinin əsas prinsipləri, dəyər nəzəriyyələrindən biri. German Henrix Qossen rasional davranışın fayda və ya həzzin artırılması arzusu ilə müəyyən edildiyi fərziyyəsindən irəli gəlir. Bu əsasda Qossen “Qossen qanunları” kimi tanınan iki tezis irəli sürdü. Qossenin birinci qanunu. Ardıcıl olaraq istehlak edildikdə, hər bir sonrakı məhsul vahidinin faydalılığı əvvəlkindən aşağı olur. Qossenin ikinci qanunu. Sadələşdirilmiş versiya cəmiyyətdən təcrid olunmuş insanın yaşayış təsərrüfatının nəzərə alınmasına əsaslanır. Müəyyən sayda müxtəlif məhsulları nəzərə alaraq, müəyyən bir məhdud müddət ərzində bir şəxs onları müxtəlif kombinasiyalarda istehlak edə bilər, bunlardan biri ən gəlirli olmalı, maksimum həzz gətirməlidir ki, bu da bütün məhsulların marjinal faydalarının bərabərliyini təmin etməklə əldə edilir. Növbəti yaxınlaşma dərəcəsi kommersiya iqtisadiyyatının şərtlərini nəzərə alır. Malların qiyməti və pulun miqdarı istehlakı məhdudlaşdıran əsas amillərdir.