Kolxoz sədri Qara kişinin tərsliyini bilirdisə də, yenə bir şey deməkdən özünü saxlaya bilmədi.
□ Tərslik eləmək (etmək) – inad etmək, inadkarlıq göstərmək.
[Lütfəli bəy:] Şəfiqə, gəl sən tərslik eləmə, bircə dənə balana rəhmin gəlsin.
Tərsliyi tutmaq, tərsliy(in)ə salmaq – tərslik etmək, inadkarlıq göstərmək.
Tərsliyi tutan Həmzədən heç nə eşidə bilməyəcəklərinə qane olan qohum-qonşu arvadları çıxıb getdi.
Axırda Qədir tərsliyə salaraq böyük xalçanı üç yerə bölməyi təklif etdi.