Çeçen adası

Çeçen — Xəzər dənizinin şimal-qərbində yerləşən, Çeçen arxipelaqının ən iri adası. Çeçen keçidi ilə Aqraxan yarımadasından və Kiçik Bazar, Piçujonok və Yaiçnı adalarından ayrılır.

Çeçen adası
Ümumi məlumatlar
Sahəsi	55 km²
Uzunluğu	15 km
Eni	10 km
Yerləşməsi
43°58′47″ şm. e. 47°41′13″ ş. u.
Ölkə	Rusiya
Akvatoriya	Xəzər dənizi
Çeçen adası
Vikianbarda əlaqəli mediafayllar

İnzibati cəhətdən Dağıstanın Kirov rayonu Mahaçqala şəhəri ərazisinə daxildir^[1].

Adadan şərqdə Prıqunki adası, cənubda isə Bazar, Piçujonok və Yaiçnıy adalarından yerləşir. Adalar öz aralarında kiçik boğazlarla ayrılır. Yaiçnıy adasını Aqraxan yarımadasından Lopatinski keçidi boğazı vastəsi ilə ayrılır.

Adanın qərbində Çeçen (kənd) yaşayış məntəqəsi yerləşir.

Sahil xətti dənizin səviyyəsindən asılı olaraq dəyişir. Onun uzunluğu 15 km, eni 10 km təşkil edir. Sahəsi 55 km²-dir. Sahilləri əsasən Qamışlarla örtülüdür. Əsasən səhra iqlimi hökm sürür. Əsasən su quşları daha çox məskən salırlar. Ada tarixi hadisələrə şahidlik etmişdir. Rusiya vətəndaş müharibəsi dövründə tərəflər arasında əldən ələ keçmişdir. Sovet dönəmində Çapayev adına balıqçılıq sovxozu yerləşirdi.

1965-ci ildə sınaq bazası fəaliyyət göstərirdi^[2].

Ada haqqında hələ qədim zamanlardan məlumat verilib. 1500-cü ildə E.P.Qoldşmid məlumat vermişdir. O, adanı sicamatela adlandırmışdır. Digər məlumat isə Qeorq Tektanter 1604-cü ildə adanı təsvir edərək onun qamışlarla örtülü olduğunu və Terek çayının deltasından 8 alman mili şərqdə yerləşdiyini yazırdı.

Bir çox araşdırmaçılar bu adın çeçenlərlə heç bir əlaqəsinin olmadını deyir^[3]. Bu ada ilk dəfə XVII əsr mənbələrində rast gəlinir^[4], çeçenlərə isə bu isim XVIII əsrdə verilmişdir.