Bu məqaləni vikiləşdirmək lazımdır. |
Ədalət Ətayi — Fizika Riyaziyyat elmləri namizədi, Planetlər atmosferi və komet fizikası sahəsində mütəxəssis
Ədalət Ətayi | |
---|---|
Ətayi Ədalət Əbülfət oğlu | |
Doğum tarixi | |
Doğum yeri | Goranboy ( Qasım İsmayılov) rayonunun Naftalan qəsəbəsi |
Vətəndaşlığı | Azərbaycanlı |
Elm sahəsi | Astronomiya |
Elmi dərəcəsi | Fizika Riyaziyyat elmləri namizədi |
İş yeri | AMEA N.Tusi adına Şamaxı Astrofizika Rəsədxanası |
Mükafatları | AMEA-nın 2 Fəxri fərmanı |
AMEA ŞAR Planetlər və kiçik səma cisimləri şöbəsinin müdiri
Ətayi Ədalət Əbülfət oğlu 1951 –ci ilin 15 avqust tarixində Goranboy (Qasım İsmayılov) rayonunun Naftalan qəsəbəsində anadan olmuşdur. 1968-ci ildə Naftalan orta məktəbini bitirmiş və elə həmin ildə də BDU-nun fizika fakultəsinə daxil olmuşdur. 1973-cu ildə Bakı Dövlət Universitetini bitirmiş və Milli Elmlər Akademiyasının N. Tusi adına Şamaxı Astrofizika rəsədxanasına təyinatla göndərilmiş, Planetlər fizikası laboratoriyasında kiçik elmi işçi vəzifəsində çalışmağa başlamışdır.
1975-ci ildə AMEA-nın aspiranturasına qəbul olunmuş və adı Mars planetinin xəritəsindəki kraterlərdən birində əbədiləşdirilmiş Nadir İbrahimovun rəhbərliyi altında Günəş sistemi planetlərinin atmosferlərinin tədqiqi ilə məşğul olmağa başlamışdır.[1] N.İbrahimovun vəfatından sonra elmi tədqiqatlarımı davam etdirmək üçün Alma-Ata Astrofizika İnstitutunda görkəmli astrofizik prof. V.Q. Teyfelin rəhbərliyi altında işləmiş və 1981-ci ilin fevralında Kiyev şəhərindəki Baş Astronomiya Rəsədxanasının İxtisaslaşmış Elmi Şurasında “Uran, Neptun və nəhəng planetlərin parlaq peyklərinin spektrofotometriyası” mövzüsunda dissertasiya müdafiə edərək fizika riyaziyyat elmləri namizədi alimlik dərəcəsi almışdır.
60-dan çox elmi məqalənin və 100-ə yaxın elmi kütləvi məqalələrin müəllifidir. Orta məktəb dərsliyi olan “Astronomiya” kitabının müəlliflərindən biridir.
Avropa astronomiya cəmiyyətinin üzvüdür. Bir müddət respublika ali məktəblərində - APU və BDU-da ixtisas kursu aparmış və bu gün Şamaxı Astrofizika Rəsədxanasında aparıcı elmi işçi vəzifəsində çalışır.
ŞAR-in 60 illik yubileyinə həsr olunmuş elmi hesabatda qeyd olunmuşdur. (А.А. Атаи , Об исследованиях планет солнечной системы в ШАО) Azərb. Astron. Jurnal 2014
Avropa Astronomiya ittifaqının üzvüdür.
"Sky" və "Astronomy Astrophysics of Caucasus" jurnallarının redaksiya heyətinin üzvüdür.
APU və BDU 1984-2000
Elmi populyar məqalələrlə mətbuatda çıxışlar.(100-dən çox məqalə)
AMEA-nın 2 Fəxri fərmanı