"The Twilight Saga: New Moon – Original Motion Picture Soundtrack" — 2009-cu ildə çıxarılmış "Alatoran: Yeni Ay" filminin rəsmi film musiqisidir. “Yeni Ay” filminin musiqisini bəstəkar Aleksandr Desplat[1] yazsa da, musiqi seçimini, “Alatoran” filminin də musiqi prodüserliyini etmiş Aleksandra Patsavas etmişdir.[2]“The Twilight Saga: New Moon: Original Motion Picture Soundtrack” albomu Patsavasın “Chop Shop” leybli və “Atlantic Records” tərəfindən[2] satışa çıxarılmışdır.[3]
The Twilight Saga: New Moon – Original Motion Picture Soundtrack
“Yeni Ay” filmində istifadə olunmuş musiqilər sırf film üçün yazılmış mahnılardır[4] və onlar müxtəlif indi-rok və alternativ rok sənətçiləri tərəfindən ifa edilmişdir. “Yeni Ay” filminin rejissoru Kris Veytz qeyd edirdi ki, film musiqilərini səsləndiənlər arasında Radiohead, Muse və Band of Skulls kimi məşhur qruplar da var.[5] “Death Cab for Cutie” qrupu xüsusi olaraq film üçün yazılmış "Meet Me on the Equinox" mahnısını ifa etmiş və mahnı ilk dəfə “MTV Video Music Awards” mərasimi zamanı səsləndirilmişdir.[2] Bassist Nik Harmer qeyd edir ki, “Biz 'Meet Me On the Equinox' mahnısını yazarkən fikirləşdik ki, bütün “Alatoran” romanlar seriyası boyunca davam edən və əsas obrazların xarakerində əks olunan ülvi mövuz və motivləri əks etdirək.[6] "Meet Me on the Equinox" mahnısına çəkilmiş və filmdən səhnələrin də yer aldığı klipin premyerası 7 oktyabr 2009-cu ildə baş tutdu.[7] İngilis rok qrupu “Muse” film üçün, 2009-cu ildə çıxarılmış “The Resistance” albomundan olan “I Belong to You” mahnısının yeni remiks versiyasını işləmişdir. St. Vincent “Bon Iver” qrupundan Castin Vernonla birgə “Roslyn” mahnısını yazmışdır. Mahnını təsvir edərkən o deyir: "[Castin] öz gözəl falseti ilə oxuyur, mən isə ən aşağı səsimlə ifa edirəm…Məncə bizim ikimizin səsinin birləşməsindən nəsə vampirsayağı bir hiss yaranır. Bu sadə, səmimi bir mahnıdır.” Film musiqisi rəsmən 20 oktyabr 2009-cu ildə çıxarılsa da, tarixi 4 gün irəli çəkilərək 16 oktyabr kimi qeyd edilmişdir.[4]
Onlayn alış üçün açıq olan iTunes dijital albomu 16 oktyabrda albomun mağazalarda satışa çıxarılmasından əvvəl təqdim edilmişdir.[8] Albomun bu versiyasına üç bonus parça, musiqi videosu və 15 standart parça daxil idi. Əvvəlcədən sifariş edilmiş alboma isə daha dörd bonus parça da daxil idi.
“The Twilight Saga: New Moon – Original Motion Picture Soundtrack Companion” CD/DVD albomuna, “Yeni Ay” film musiqisindən beynəlxalq bonus parça (yapon bonus parçası istisna olmaqla) da daxil idi.[14] Əvvəlcə albomun çıxarılması 16 mart2010-cu ilə təyin edilmişdi. 1 martda Warner albomu “satışı gözlənilənlər”[15] siyahısına daxil etdi və 2011-ci ilin dekabrında çıxarılacağını bildirdi. 24 may 2010-cu ildə Warnerin yenidən albomun çıxış tarixini dəyişərək 25 may 2010-cu il olaraq qeyd etdi Kris Veytz və Aleksandra Patsavasın müsahibələri v Lupe Fiasconun “Solar Midnite” mahnısına çəkilmiş klip isə albomdan çıxarıldı.[16]
Bütün ABŞ ərazisində olan “Hot Tpoic” mağazaları “Yeni Ay” film musiqisi albomunun satışa çıxarıldığı 16 oktyabr tarixində azad dinləmə günü təşkil etmiş və fanatların alboma daxil olan musiqiləri və ifaçıların xüsusi mesajlarını dinləmək şansı yaratmışdır.[17] CD bukletinin arasında isə “Yeni Ay”ın posteri yerləşdirilmişdi.[18]
Albomun beynəlxalq versiyası müəyyən ölkələrdə, “lokal” ifaçıların bonus parçaları ilə satışa çıxarılmışdı.[19] Məsələn, Meksika və Latın Qremmi nominantı Ximena Sarinana albomun ispan dilli versiyasında “Frente al Mar” mahnısı ilə iştirak etmişdi.[10][11]
“Yeni Ay”ın film musiqisi albomu tənqidçilər tərəfindən əsasən müsbət qarşılanmışdır. Metacritic 11 tənqidçinin rəyinə əsasən albomu 100 ballıq sistemlə 70 balla dəyərləndirmişdir.[30]
Film musiqisi “Billboard 200” albom hit-paradında ikinci yerdə debüt etmiş[31] və bir həftə sonra 153.000 nüsxə iklə satılaraq birinci yerə yüksəlmişdir.[32] Hir-parad tarixində ilk dəfə film musiqisi albomu və onun davamı olan albom birinci yerə yüksəlmişdi.[33] Albom RIAA tərəfindən platinum sertifikata layiq görülmüş[34] və 2013-cü ilin avqustuna kimi 1,305,000 nüsxə ilə satılmışdı.[35]
18 oktyabr2009-cu ildə Yeni Zellandiyada albom gold sertifikata layiq görülmüş və çıxışının ilk iki günündə 7.500 nüsxədən çox satılmışdır. İkinci yerdə debüt edən albom 15.000 nüsxə ilə satılaraq ilk həftəsində platinum sertifikat almışdır.[36]Avstraliyada albom iTunes Store birinci yerə yüksəlmiş, çıxarılmasına kimi ilk beşlikdə qalmışdır. 26 oktyabr 2009-cu ildə “ARIA Albums Chart” hit-paradında ikinci yerdə debüt etmiş və ilk həftəsində platinum sertifikat almışdır.[37]Meksikada albom beynəlxalq hit-paradda birinci yerdə, daxili hit paradda isə dördüncü yerdə yerləşmiş, filmin uğurunu təkrarlamışdır.[38]Birləşmiş Krallıqda ümumiləşdirici hit-paradda albom beşinci yerdə debüt etmişdir.[39]
“The Twilight Saga: New Moon: The Score” musiqiləri Aleksandr Desplat tərəfindən yazılmış və London Simfonik Orkestri tərəfindən ifa edilmişdir. Desplat bu postda “Alatoran” filminin musiqisini yazan Karter Burvelli əvəz etmişdir. Veytzin Desplatla əvvəllər də iş birliyi olmuşdu, belə ki, Desplat Veytzin rejissorluğu ilə çəkilmiş “Qızıl kompas” filminin də musiqisini yazmışdır.[1]
