Cozef Qordon-Levitt

Cozef Qordon-Levitt (17 fevral 1981^[1][2][…], Los-Anceles, Kaliforniya) — amerikalı aktyor. "Yayın 500 günü" və "50 50-yə" filmindəki performansına görə "Qızıl Qlobus" mükafatına namizəd göstərilib. O, HitRecord media şirkətinin təsisçisidir.

Cozef Qordon-Levitt
ing. Joseph Gordon-Levitt
Cozef 2019-cu ildə
Doğum adı	Joseph Leonard Gordon-Levitt
Doğum tarixi	17 fevral 1981(1981-02-17)[1][2][…] (43 yaş)
Doğum yeri	Los-Anceles, Los-Anceles dairəsi, Kaliforniya, ABŞ
Vətəndaşlığı	ABŞ
Fəaliyyəti	aktyor, kinorejissor, film prodüseri, ssenarist, xarakter aktyoru[d], televiziya aktyoru, teatr aktyoru, kino aktyoru
Fəaliyyət illəri	1988-ci ildən
Təhsili	Kolumbiya Universiteti, Kolumbiya Universiteti Mühəndislik Məktəbi[d]
IMDb	ID0330687
Vikianbarda əlaqəli mediafayllar

Qordon-Levitt 1981-ci ildə aşkenazi yəhudisi əsilli aktivist-fəal bir ailədə dünyaya gəlib, valideynlərinin sol dünyagörüşü və feminist baxışları səbəbiylə həm atasının (Levitt) həm də anasının (Qordon) soyadını daşımaqdadır. Hələ uşaq yaşlarından aktyorluğa başlayıb, 2000-ci illərin əvvəllərində aktyorluğa təhsili üçün ara verib ancaq sonra təhsilini yarıda buraxaraq aktyorluğa qayıdıb. Sirli dəri, Yayın 500 Günü, Brick, The Lookout, 50 50-yə kimi əsasən indie filmlərlə populyarlaşsa da Linkoln, Başlanğıc, The Dark Knight Rises, C.İ. Co: Kobranın yüksəlişi, Gəzinti kimi Hollivud filmlərində də yer alıb.

Hazırda dünyada ən populyar gənc aktyorlardan biri hesab edilən Qordon-Levitt, 2010-cu ildə onlayn vebsayt HitRECords-un əsasını qoydu. Portal, gənc və tanınmamış yazıçılar, rəssamlar, rejissorlar, şairlər və s. bütün növ sənətkarların azad şəkildə öz sənətlərini yaymaları, tanış olmaları və tanınmaları üçün nəzərdə tutulub. Aktyorun özü də gənc sənətkarlara yaxın dəstək olur, qısa filmlərin çəkilməsinə, və gənc yazarların əsərlərinin çap edilməsinə yaxın kömək göstərir. Layihəni televizor sahəsinə HitRECords on TV adı ilə daşıyan aktyor, bununla ABŞ televiziyasının ən prestijli mükafatı olan Emmiyə layiq görüldü. Bu günə kimi 4 dəfər Saturn, 2 dəfə "Qızıl Qlobus" mükafatına namizəd göstərilən aktyor Çenninq Tatum, Conni Depp, Leonardo DiKaprio və Robert Dauni ilə birlikdə 2010-cu ildə Xalqın Seçimləri Mükafatlarında "Xalqın Ən Sevdiyi Aktyor" kateqoriyasında namizəd idi.

• Sirli dəri (2004)
• Yayın 500 günü (2009)
• C.İ. Co: Kobranın yüksəlişi (2009)
• Başlanğıc (2010)
• 50/50 (2011)
• Linkoln (2012)
• Looper (2012)
• Don Jon (2013)
• Gəzinti (2015)
• Snouden (2016)

• Cozef Qordon-Levitt — IMDb səhifəsi