Hüseyn bəy Şamlı (fars. حسین بیگ شاملو); d. ?, türk mənşəli Şamlı eli - ö. 1514, Çaldıran) — Şah İsmayılın lələsi, Səfəvilər dövlətinin ilk əmir-əl-ümərası və vəkili.
Hüseyn bəy Şamlı | |
---|---|
Əvvəlki | vəzifə təsis edilib |
Sonrakı | Məhəmməd bəy Ustaclı |
1501 – 1508 | |
Əvvəlki | vəzifə təsis edilib |
Sonrakı | Nəcməddin Məsud Gilani |
1503 – 1509 | |
Əvvəlki | İlyas bəy oğlu Xınıslı |
Sonrakı | Məhəmməd bəy Ustaclı |
Əvvəlki | Məhəmməd bəy Talış |
Şəxsi məlumatlar | |
Doğum tarixi | |
Doğum yeri | Ərdəbil, Ağqoyunlu dövləti |
Vəfat tarixi | |
Vəfat yeri | Çaldıran, Səfəvilər dövləti |
Vəfat səbəbi | döyüşdə ölüm |
Dini | İslam (Şiə) |
Hərbi xidmət | |
Rütbəsi | general |
Şamlı elindən olub, Şah İsmayılın Gilanda gizləndiyi vaxt qoruyucusu idi.[1] I Şah İsmayılın həm ən nüfuzlu silahdaşı, həm də tərbiyəçisi olan Hüseyn bəy Şamlı 1501-ci ildə Şirvana canişin təyin olunmuşdu. Ancaq daha sonra darmadağın edilmiş Şirvanlıları təqib edərək Fərrux Yəsara çatan və şirvanşahın başını I Şah İsmayıla gətirən cilovdarı Şahgəldi ağanı öz yerinə təyin etmişdir. Eyni il Səfəvilər dövlətinin bütün ordusunun sərkərdəsi - əmir əl üməra və vəkili təyin olunmuşdur. 1507-ci ildə bir qrup kürd qarətçi tərəfindən hücuma məruz qalıb 300 əsgər itirməsi onun dövlətdəki gücünün zəifləməsinə səbəb oldu.[2] Bundan sonra vəkillik vəzifəsindən azad olundu. Yerinə Nəcməddin Məsud Gilani gətirildi.
Vəkillikdən azad edilməsinə baxmayaraq hələ də ordunun ən nüfuzlu şəxslərindən biri olaraq qalmaqda idi. 1509-cu ildə I İsmayıllın göstərişi ilə Bağdadı tutmuşdu.[2] 1510-cu ildə əmir-əl-üməra titulunu da itirdi. Yerinə Məhəmməd bəy Ustaclı gətirildi. 1512-ci ildə Gicduvan döyüşündə vəkil Nəcmi Saniyə xəyanət edərək onun döyüşdə öldürülməsinə səbəb oldu.[3]1514-cü ildə Çaldıran döyüşündə öldürülmüşdür.