Həmzəli (Şərur)

Bu adın digər istifadə formaları üçün bax: Həmzəli.

Həmzəli — Azərbaycan Respublikası Naxçıvan Muxtar Respublikasının Şərur rayonunda kənd.

Həmzəli
39°34′07″ şm. e. 45°06′05″ ş. u.HGYO
Ölkə  Azərbaycan
Muxtar respublika Naxçıvan MR
Rayon Şərur rayonu
Tarixi və coğrafiyası
Saat qurşağı
Əhalisi
Əhalisi 789 (2009) nəfər
Rəsmi dili
Xəritəni göstər/gizlə
Həmzəli xəritədə
Həmzəli
Həmzəli

Tarixi

[redaktə | mənbəni redaktə et]

Yaşlıların dediklərinə görə bu kənddə yaşayış yaxın vaxtlardan, yəni 200–250 il bundan əvvəl başlanmış, kənd salınmışdır. Həmzəli kəndini yuxarı Yayçı kəndinin adamları salmışlar. Həmzəli ilə Yuxarı Yaycı kəndi arasında məsafə çox olduğundan adamlar burada məskən salıb yaşamağa qərar versələr də, Yuxarı Yayçının bəyləri bunu qəbul etməmiş, dəfələrlə onları zorla geri, kəndə, yəni Yuxarı Yayçıya dönməyə məcbur etmişdilər. Axırda adamların ötkəmliyi qarşısında bəylər güzəştə getməyə məcbur olmuşdular.

Adamların burada kənd salması da təsadüfi olmamışdır. Çünki burada geniş örüşlər, biзənəklər, əkin yerləri vardı. Əlbəttə, bu qeyd edilənlər olsa-olsa Həmzəli kəndinin yaxın tarixini özündə əks etdirir. Kəndin tarixini müəyyən etmək üçün ətrafındakı Albantəpəyə, qəbiristanlıqlara diqqət yetirmək lazımdır. Onu da xatırlatmaq lazımdır ki, hələ 60-cı illərdə təzə məhəllədə evlər tikiləndə, eləcə də 80-ci illərdə əkin yerləri genişləndiriləndə çoxsaylı küp qəbirlər aşkar olmuşdur. Təbii ki, burada küp qəbirlərə rast gəlinməsi təsadüfi hadisə deyil. Küp qəbirlər Kür-Araz mədəniyyəti olub çox qədim dövrləri əhatə edir.

Azərbaycan Respublikasının Prezidentinin 30 sentyabr 2003-cü il tarixli 500-IIQ saylı Naxçıvan Muxtar Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında qanununa əsasən Həmzəli kəndi Axura kənd inzibati ərazi dairəsi tərkibindən ayrılaraq, həmin kənd mərkəz olmaqla, Həmzəli kənd inzibati ərazi dairəsi yaradılmışdır.[1]

Toponimikası

[redaktə | mənbəni redaktə et]

Kənd Arazboyu düzənlikdədir. Kəndi həmzəli nəslinə mənsub ailələr saldığı üçün belə adlandırılmışdır. Etnotoponimdir.[2]

Əhalisi

[redaktə | mənbəni redaktə et]

Əhalisi 789 nəfərdir.(2009-cu il)[3]

İstinadlar

[redaktə | mənbəni redaktə et]
  1. ↑ Naxçıvan Muxtar Respublikasının bəzi rayonlarının inzibati ərazi bölgüsündə qismən dəyişikliklər edilməsi haqqında AZƏRBAYCAN RESPUBLİKASININ QANUNU [ölü keçid]
  2. ↑ "Azərbaycan toponimlərinin ensiklopedik lüğəti". İki cilddə. I cild. Bakı, "Şərq-Qərb", 2007.
  3. ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629