Küçəkənd

Küçəkənd — Azərbaycan Respublikasının Ucar rayonunun inzibati ərazi vahidində kənd.^[1]

Küçəkənd
40°28′50″ şm. e. 47°47′35″ ş. u.HGYO
Ölkə	Azərbaycan
Rayon	Ucar rayonu
Tarixi və coğrafiyası
Mərkəzin hündürlüyü	6 m
Saat qurşağı	UTC+04:00
Əhalisi
Əhalisi	1519 (2009) nəfər
Xəritəni göstər/gizlə Küçəkənd

Küçəkənd kəndinin qədim adı Köçəkənd olmuşdur. Toponim “köç” və “kənd” sözlərindən ibarət olub, “köç kəndi” mənasındadır. Bu yaşayış məntəqəsi keçmişdə köçəri maldarlıqla məşğul olmuş, beş evli, Kəbləsadıqlı, Məhərrəmli və Əsgərli ailələrinin məskunlaşması nəticəsində bu cür yaranmışdır.^{[mənbə göstərin]}

Küçəkənd kəndi Pirkən ərazi vahidini (sovetliyin) tərkibindədir. Rayon mərkəzindən 20 km şərqdə Şirvan düzündə və aranda yerləşir^{[mənbə göstərin]}.

Küçəkənd Ucar rayonunun Pirkənd inzibati ərazi vahidində kənd. Şirvan düzündədir. Qədim adının Köçəkənd olduğu söylənilir. Tədqiqatçılar oykonimi "koc kəndi" kimi izah edirlər. Yaşayış məntəqəsi keçmişdə maldarlıqla məşğul olmuş beşevli, kəbləsadıqlı, məhərrəmli və əsgərli nəsillərinin məskunlaşması nəticəsində yaranmışdır^[2].

Kənddə 2 orta məktəb, klub, kitabxana, yanacaqdoldurma məntəqəsi, rabitə şöbəsi və ictimai iaşə obyektləri vardır.

Sahəsi 1358 ha-dır. Bakı-Tbilisi dəmir yolu və Bakı-Tbilisi avtomobil yolu kəndin ərazisindən keçir.

Kənddə 1409 nəfər əhali yaşayır və 366 ev ailə vardır (2005-ci il).

2009-cu ildə isə əhalinin sayı 1519 nəfərə çatmışdır.^[3]

Küçəkənd kəndindən bir çox ziyalılar və elm adamları çıxmışdır.^{[mənbə göstərin]}

Əhali pambıqçılıq, taxılçılıq, bağçılıq, baramaçılıq, heyvandarlıq və s. ilə məşğuldur.