Mübariz Ağayev

Ağayev Mübariz Alı oğlu (1 sentyabr 1953, Məlikumudlu, Zərdab rayonu) — 2006—2007-ci illərdə Göyçay Rayon İcra Hakimiyyətinin başçısı, 2007—2012-ci illərdə Mingəçevir Şəhər İcra Hakimiyyətinin başçısı, 2012—2015-ci illərdə Quba Rayon İcra Hakimiyyətinin başçısı, 2015—2016-cı illərdə isə Göyçay Rayon İcra Hakimiyyətinin başçısı vəzifələrində çalışıb.

Mübariz Ağayev
Göyçay Rayon İcra Hakimiyyətinin başçısı
27 yanvar 2015 – 10 iyun 2016
Əvvəlki	Mənsur Məmmədov
Sonrakı	Mehdi Səlimzadə
Quba Rayon İcra Hakimiyyətinin başçısı
15 mart 2012 – 27 yanvar 2015
Əvvəlki	Rauf Həbibov
Sonrakı	Yaşar Məmmədov
Mingəçevir Şəhər İcra Hakimiyyətinin başçısı
14 dekabr 2007 – 15 mart 2012
Əvvəlki	Lütvəli Babayev
Sonrakı	Niyazi Bayramov
Göyçay Rayon İcra Hakimiyyətinin başçısı
2006 – 2007
Əvvəlki	Nazim İsmayılov
Sonrakı	Mənsur Məmmədov
Şəxsi məlumatlar
Doğum tarixi	1 sentyabr 1953(1953-09-01) (70 yaş)
Doğum yeri	Məlikumudlu, Zərdab rayonu, Azərbaycan SSR, SSRİ
Partiya	Yeni Azərbaycan Partiyası
Fəaliyyəti	siyasətçi
Təltifləri

Mübariz Ağayev 1 sentyabr 1953-cü ildə Zərdab rayonunun Məlikumudlu kəndində anadan olub.

Azərbaycan Texnologiya İnstitutunu bitirib. İxtisasca texnoloqdur.

1970-ci ildə Göyçay şəhər İstehlak Cəmiyyətində əmək fəaliyyətinə başlayib. Sonralar müxtəlif illərdə Göyçay konserv zavodunda mühasib köməkçisi, Çərəkə kənd istehlakı cəmiyyətində, Qarabaqqal ictimai iaşə müəssisəsində mühasib vəzifələrində işləyib.

1979—1986-ci illərdə Qarabaqqal ictimai iaşə müəssisəsində direktor müavini, direktor,

1986-cı ildə Göyçay şəhər İctimai iaşə müəssisələri birliyində direktor,

1987—1989-cu illərdə Göyçay rayon İstehlak cəmiyyəti idarə heyətinin sədri,

1989—1991-ci illərdə Baş qiymətlər idarəsinin Göyçay rayonlararası Qiymət Müfəttişliyində rəis,

1991—1995-ci illərdə Göyçay şəhər təsərrüfat hesablı ticarət idarəsində direktor,

1995—1997-ci illərdə Göyçay rayon 17 saylı çörək zavodunda direktor,

1997-ci ildən isə Göyçay-çörək SC idarə heyətinin sədri vəzifələrində işləyib.

2006—2007-ci illərdə Göyçay Rayon İcra Hakimiyyətinin başçısı,

2007—2012-ci illərdə Mingəçevir Şəhər İcra Hakimiyyətinin başçısı,

2012—2015-ci illərdə Quba Rayon İcra Hakimiyyətinin başçısı,

2015—2016-cı illərdə isə Göyçay Rayon İcra Hakimiyyətinin başçısı vəzifələrində çalışıb.

2013-cü ildə Azərbaycan Respublikasında dövlət qulluğunda səmərəli fəaliyyətinə görə "Şöhrət" ordeni ilə təltif edilmişdir.

Yeni Azərbaycan Partiyasının üzvüdür.

Ailəlidir, 4 övladı var.