Məmməd Orucov (dövlət xadimi)

Məmməd Orucov
Məmməd Orucov
Azərbaycan Kommunist Partiyası Quba Rayon Komitəsinin birinci katibi
	1951 – 19??
Azərbaycan Kommunist Partiyası Ağdam Rayon Komitəsinin birinci katibi
	8 fevral 1948 – 30 noyabr 1951
Əvvəlki	Yusif Yusifov
Sonrakı	Məmməd Əliyev
Azərbaycan Kommunist Partiyası Jdanov Rayon Komitəsinin birinci katibi
	1943 – 194?
Şəxsi məlumatlar
Doğum tarixi	20 dekabr 1907
Doğum yeri	Sərdarlı, Qaryagin qəzası, Yelizavetpol quberniyası, Rusiya imperiyası;
Vəfat tarixi	18 sentyabr 1961 (53 yaşında)
Vəfat yeri	Bakı, Azərbaycan SSR, SSRİ;
Təltifləri	;

Məmməd Behbud oğlu Orucov (20 dekabr 1907, Sərdarlı, Qaryagin qəzası – 18 sentyabr 1961, Bakı) — Azərbaycan Kommunist Partiyası Quba Rayon, Ağdam Rayon və Jdanov Rayon komitələrinin birinci katibi, Sosialist Əməyi Qəhrəmanı

Həyatı

Orucov Məmməd Behbud oğlu 20 dekabr 1907-ci ildə Füzuli rayonunun Sərdarlı kəndində anadan olmuşdur^[1]. 1935-ci ildə APİ-nin tarix fakultəsini bitirmişdi. O, 1942-ci ildə Xindiristan MTS-ın də çalışmış, sonra irəli çəkilərək Jdanov (indiki Beyləqan) RPK-nın birinci katibi seçilmişdi. 1947-ci ildə Jdanov rayonunda pambıqçılıq sahəsində yüksək əmək göstəricilərinə nail olmuşdur. Jdanov rayonundakı fəaliyyətinə görə 1948-cü ildə Sosialist Əməyi Qəhrəmanı fəxri adına layiq görülüb.

1948-ci il fevralın 7-8-də Ağdam rayon partiya komitəsinin X konfransından sonra keçirilən plenumda Məmməd Behbud oğlu Orucov Ağdam rayonunun birinci katibi seçilir.

Ağdamdan sonra M.Orucov bir müddət Quba RPK-nın birinci katibi və Azərbaycan KP MK-da şöbə müdirinin müavini vəzifələrində çalışmışdı.

1951-ci ilin noyabrın 30-da Ağdam RPK-nın növbəti plenumu keçirilir. Plenum təşkilat məsələlərinə baxır və M.Orucov başqa işə keçməsi ilə əlaqədar tutduğu vəzifədən azad edilir və yerinə isə Məmməd Əliyev seçilir.

1943-1961-ci illərdə Azərbaycan KP Jdanov, Ağdam, Quba RK-nın birinci katibi, Azərbaycan KP MK k.t. şöbəsinin müdir müavini və s. vəzifələrdə işləmişdir. Azərbaycan KP MK üzvü (1951-1960), Azərbaycan SSR Ali Sovetinin Deputatı (2-5-ci çağırış) seçilmişdir. Qırmızı Əmək Bayrağı, “Şərəf nişanı”ordenləri və medallarla təltif edilmişdir^[2].

18 sentyabr 1961-ci ildə Bakı şəhərində vəfat etmişdir.

İstinadlar

↑ "Ağdamın birinciləri". 2020-12-04 tarixində arxivləşdirilib. İstifadə tarixi: 2013-08-25.
↑ Əmək adamları:Orucov Məmməd Behbud oğlu^{[ölü keçid]}

[1] "Ağdamın birinciləri". 2020-12-04 tarixində arxivləşdirilib. İstifadə tarixi: 2013-08-25.

[2] Əmək adamları:Orucov Məmməd Behbud oğlu^{[ölü keçid]}

[1]

[2]