Natavan Həbibi

Natavan Həbibi (20 may 1981, Krasnovodsk) — Azərbaycan müğənnisi, və aktrisası, aparıcı.

Natavan Həbibi
Ümumi məlumatlar
Doğum tarixi 20 may 1981(1981-05-20) (42 yaş)
Doğum yeri
Vətəndaşlığı
Həyat yoldaşı Dado Əliyev[1]
Uşağı 1
Musiqiçi məlumatları
Fəaliyyəti müğənni, aktrisa
Fəaliyyət illəri 1999-cu ildən
Janr pop musiqisi
Üzvlüyü
Boyu 1.65 sm[2]
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

Natavan Həbibi 20 may 1981-ci ildə Türkmənistanın Krasnovodsk şəhərində anadan olub. 1987-ci ildə 12 nömrəli məktəbin birinci sinifinə gedib[3]. 9 illik musiqi məktəbini bitirib. 1996-cı ilin avqustunda ailəsi ilə bərabər Bakıya köçüb. 1999-cu ildə Vaqif Gərayzadə ilə tanış olub, Röya Ayxan və Elnarə Xəlilova ilə birlikdə "W-Trio" qrupunda fəaliyyətə başlayıb. 2006-cı ildən solo karyeraya başlayıb. İlk solo mahnısı "Mən Səni İtirsəm" olub. İlk klipi də məhz bu mahnıya çəkilib. "Ulduzlar yandı" mahnısına İtaliyada çəkdirdiyi klipi ilə daha böyük uğur qazanıb və ilk albomu da bu mahnının adı ilə bağli olub. Sevimli müğənnimiz öz mahnıları ilə geniş auditoriya toplaya bilmişdir. Öz dəsti-xətti ilə seçilən Natavan Həbibi daha sonra "Sadəcə bulud", Moskvada isə "Ehtiyacım var", "Etirazım var" mahnılarına da maraqlı kliplər çəkdirib. Bir neçə verilişin aparıcısı olub.

Ərəb dilində "Habibi" və "Ehsas jadid" mahnılarını ifa edib. "Habibi" mahnısı prodüser Maksim Fadeyev (ru) ilə iş birliyi zamanı ərsəyə gəlmişdir.

2008-ci ildə İzzət Bağırov ilə birlikdə "Ayrılıq imiş" filmində çəkilib. Filmdə baş rol alaraq Nərmin adlı gənc bir qızın obrazını canlandırıb.

2011-ci ilin iyun ayında Türkdilli xalqların qatıldığı festivalda — "Turkvision" müsabiqəsində Azərbaycanı təmsil edib.

Solo konsert

24 may 2014-cü ildə H. Əliyev Sarayının səhnəsində "DİNLƏ" adlı solo konsert proqramı ilə, sentyabrında isə "Crystal Hall"-da konserti baş tutdu.

2015-ci ildə çəkilən "Zaman adlı qatar" filminin soundtrekini ifa edən müğənni, "Başıma bəla", "Sən", "İstərəm" adlı hitlərini, eləcə də musiqisini özü bəstələdiyi "Anlayamadım" mahnısını sevənlərinə təqdim edib. O, aprel ayında Şəki şəhərində "Türk dünyasının mədəniyyət paytaxtı — Şəki 2016" ilinin açılış mərasimində səhnə almaqla, beynəlxalq festivalı daha yaddaqalan etdi. 2017-ci ildə yeni "Hozu" adlı romantik komediya filmində baş rola dəvət alıb. 2017 ci ildə Reper "DaDo" ilə ailə həyatı qurub.[4]

O, 28 aprel 2011-ci ildə Yeni Azərbaycan Partiyasına üzv qəbul edilmişdir.[5]

Diskoqrafiyası[redaktə | mənbəni redaktə et]

  1. Təyyarələr
  2. Məni Sevərsən
  3. 5 Dəqiqə (Zamiq, Jin ilə)
  4. Ağlayır
  5. Axtarma
  6. Ana Vətənim
  7. Anlayamadım
  8. Arzu
  9. Ayrılığın Sağlığına (Tunar ilə)
  10. Ayrılmarıq
  11. Başıma Belamısın (türk dilində)
  12. Bezdim
  13. Damlalar
  14. Dənizin Nəğməsi (Elton ilə)
  15. Dinlə
  16. Dön Geri
  17. Düşünürəm
  18. Eсли б звезды ступеньками стали
  19. Ehsas jadid (ərəb dilində)
  20. Ehtiyacım var
  21. Etiraf
  22. Etirazım var
  23. Gedən Dönməz
  24. Geri Dönəcək
  25. Getmə
  26. Gözləyirəm
  27. Günəşdən Qorxmadan
  28. Habibi (Ərəb dilində)
  29. Harda Olsan (2016)
  30. Hardasan (Pərviz Abdullayev ilə)
  31. Həsrət Nəğməsi
  32. İstərəm
  33. Kaş Onu Görə Biləydim (MC Murad ilə)
  34. Səbr elə (Tunar ilə)
  35. Qayıdacaqsan
  36. Qəlbim Sənindir (Zamiq ilə)
  37. Qismət Ayıranda (Muxtar ilə)
  38. Listen (ingilis dilində)
  39. Məhəbbət Yalandı
  40. Mən Səni İtirsəm
  41. Məni Oyatmayın
  42. Nejnost (rus dilində) (İlham Qasımov ilə)
  43. Nömrə 1 (Röya, Elnarə, Jin ilə)
  44. Olmadı
  45. Olsanda Olmasanda
  46. Öyrəşdirdin (Əfqan ilə)
  47. Sadəcə Bulud
  48. Sevdiyini söylə
  49. Sevəcəyəm
  50. Sən
  51. Sənə
  52. Sən Məni Başa Düşmürsən
  53. Sən İncisən
  54. Sənin oldum
  55. Sənsiz
  56. Son Bahar (Miri Yusif ilə)
  57. Stop
  58. Sus[6]
  59. Tapmaca (Elnur ilə)
  60. Təyyarələr
  61. Ulduzlar yandı
  62. Yağış (Emil Bədəlov ilə)
  63. Yaz Yağışı
  64. Yenə Də
  65. Dəyməz
  66. Sevgi bizi yola verdi
  67. Qısqana Qısqana
  68. Çətin

Filmoqrafiya[redaktə | mənbəni redaktə et]

  1. Ayrılıq imiş (film, 2008) (tammetrajlı bədii film)
  2. 3 bacı (film, 2012-2014) (bədii serial) (rol: özü)
  3. Hozu (film, 2017) (tammetrajlı bədii film)

Təltifləri[redaktə | mənbəni redaktə et]

  • Dağıstanın əməkdar artisti — 2016[7]

İstinadlar[redaktə | mənbəni redaktə et]

  1. ↑ "Natavan Həbibi və repçi DaDo evlənir". 2022-06-01 tarixində arxivləşdirilib. İstifadə tarixi: 2017-08-25.
  2. ↑ "Azərbaycanlı məşhurların boy fərqi- - 1.92, 1.50...+Fotolar". 2023-08-19 tarixində arxivləşdirilib. İstifadə tarixi: 2023-08-19.
  3. ↑ "Natavan Həbibi" (az.). 2016-06-24 tarixində arxivləşdirilib. İstifadə tarixi: 2016-03-05.
  4. ↑ "Natavan və Dado". 2022-06-01 tarixində arxivləşdirilib. İstifadə tarixi: 2017-08-25.
  5. ↑ "YAP-a üzvlər qəbul edildi". 2011-05-01 tarixində arxivləşdirilib. İstifadə tarixi: 2022-06-01.
  6. ↑ "Natavan Həbibi yeni mahnısını təqdim etdi - VİDEO" (az.). 25.03.2013. 2022-06-01 tarixində arxivləşdirilib. İstifadə tarixi: 2016-03-05.
  7. ↑ "Natavan Həbibi əməkdar artist oldu". lent.az. 21.05.2016 / 04:37. 10 May 2018 tarixində orijinalından arxivləşdirilib. İstifadə tarixi: 21 may 2016.

Xarici keçidlər[redaktə | mənbəni redaktə et]