Orxan Abbasov (icra başçısı)

Vikipediyada bu ad-soyadlı digər şəxslər haqqında da məqalələr var; bax: Orxan Abbasov.

Orxan İrşad oğlu Abbasov (29 iyun 1987, Gəncə) — Daşkəsən Rayon İcra Hakimiyyətinin başçısı (2024-cü ildən).[1]

Orxan Abbasov
Orxan İrşad oğlu Abbasov
bayraq
Daşkəsən Rayon İcra hakimiyyətinin başçısı
bayraq2
Vəzifədədir
15 iyul 2024-cü ildən
Prezidentİlham Əliyev
Baş nazirƏli Əsədov
ƏvvəlkiƏhəd Abıyev
bayraq
Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini
bayraq2
2023 – 2024
NazirEmin Əmrullayev
DirektorEşqi Bağırov
bayraq
Təhsil Nazirliyinin Ümumi və Məktəbəqədər təhsilin təşkili və idarəolunması şöbəsinin müdir müavini
bayraq2
2020 – 2023
NazirEmin Əmrullayev
Şəxsi məlumatlar
Doğum tarixi (37 yaş)
Doğum yeri Gəncə
Partiya Yeni Azərbaycan Partiyası
Təhsili
Fəaliyyəti dövlət xadimi

Həyatı və təhsili

[redaktə | mənbəni redaktə et]

Orxan İrşad oğlu Abbasov 1987-ci il 29 iyunda Gəncə şəhərində anadan olmuşdur. 2005-ci ildə 620 balla Azərbaycan Dövlət Aqrar Universitetinin Mühasibat uçotu və və audit fakültəsinə daxil olmuş və həmin universiteti 2009-cu ildə bakalavr dərəcəsi üzrə fərqlənmə diplomu ilə bitirmişdir. 2009-2010-cu illərdə Azərbaycan Respublikası Silahlı Qüvvələrinin sıarasında həqiqi hərbi xidmət keçmişdir. 2012-2014-cü illlərdə ABŞ-nin Qərbi Miçiqan Universitetinin Dünya iqtisadiyyatı ixtisaslaşması üzrə magistraturasında təhsil almış və fərqlənmə diplomu ilə bitirmişdir. Yeni Azərbaycan Partiyasının üzvüdür. Ailəlidir, 2 övladı var.[2]

Əmək fəaliyyəti

[redaktə | mənbəni redaktə et]

Orxan Abbasov 2014-2015-ci illərdə Bakı Avropa Oyunları Əməliyyat komitəsində təlimlər üzrə mütəxəssis, 2015-2017-ci illərdə Təhsil Nazirliyinin Təhsilin inkişafı proqramları şöbəsinin təhlil sektorunda məsləhətçi, 2017-2020-ci illərdə Təhsil Nazirliyinin Təhsilin inkişafı proqramları şöbəsinin Təhsildə innovasiyalar sektorunun müdiri, 2020-2023-cü illərdə Təhsil Nazirliyinin Ümumi və Məktəbəqədər təhsilin təşkili və idarəolunması şöbəsinin müdir müavini, yerli təhsili idarəetmə orqanları ilə iş sektorunun müdiri, 2023-cü ildə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini işləmişdir. Azərbaycan Respublikası Prezidentinin 15 iyul 2024-cü il tarixli Sərəncamı ilə Daşkəsən Rayon İcra Hakimiyyətinin başçısı təyin edilmişdir.[1][2][3]

İstinadlar

[redaktə | mənbəni redaktə et]
  1. ↑ 1 2 "O.İ.Abbasovun Daşkəsən Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 2024-07-15 tarixində arxivləşdirilib. İstifadə tarixi: 2024-07-16.
  2. ↑ 1 2 "Agentliyin direktor müavini Daşkəsən Rayon İcra Hakimiyyətinin başçısı təyin edilib". 2024-08-03 tarixində arxivləşdirilib. İstifadə tarixi: 2024-08-12.
  3. ↑ "Orxan Abbasov kimdir?". 2024-07-16 tarixində arxivləşdirilib. İstifadə tarixi: 2024-07-16.

Xarici keçidlər

[redaktə | mənbəni redaktə et]