Pərviz Müşərrəf
Pərviz Müşərrəf (11 avqust 1943[1][2], Dehli, Britaniya Hindistanı, Britaniya imperiyası – 5 fevral 2023[3]) — Pakistanın 10-cu prezidenti (20 iyun 2001 – 18 avqust 2008). O, həmçinin 1998-2001-ci illərdə Birləşmiş Qərargah Rəisləri Komitəsinin 10-cu sədri və 1998-2007-ci illərdə Ordunun 7-ci Qərargah rəisi vəzifələrində çalışıb.
| Pərviz Müşərrəf | |
|---|---|
| urdu پرویز مشرف | |
.jpg) | |
|
| |
| 20 iyun 2001 – 18 avqust 2008 | |
| Əvvəlki | Məhəmməd Rafiq Tarar |
| Sonrakı | Məhəmməd Mian Samro |
| 12 oktyabr 1999 – 21 noyabr 2002 | |
| Əvvəlki | Nəvaz Şərif |
| Şəxsi məlumatlar | |
| Doğum tarixi | 11 avqust 1943[1][2] |
| Doğum yeri | |
| Vəfat tarixi | 5 fevral 2023[3] (79 yaşında) |
| Partiya |
|
| Fəaliyyəti | siyasətçi, maliyyəçi[d], hərbi qulluqçu |
| Dini | islam |
| Hərbi xidmət | |
| Qoşun növü | Pakistan Quru Qoşunları |
| Döyüşlər | |
| Rütbəsi | general |
|
|
|
| Təltifləri |
       |
| generalpervezmusharraf.com | |
 Vikianbarda əlaqəli mediafayllar | |
Həyatı
[redaktə | mənbəni redaktə et]Pərviz Müşərrəf 1943-cü il avqust ayının 11-də Britaniya Hindistanının Dehli şəhərində dünyaya gəlib. Müşərrəfin ailəsi Pakistanın yaradılmasından sonra Hindistanı tərk etmişdi. Ancaq uşaqlığının əhəmiyyətli bir hissəsi atasının dövlət qulluğu ilə əlaqədar Ankarada keçmişdir. 1961-ci ildə Pakistan Hərbi Akademiyasına daxil olub. Daha sonra təhsilini Pakistan Milli Müdafiə Kollecində davam etdirib. Bunun ardınca İngiltərə Kral Müdafiə Elmi Kollecini bitirib.
Müşərrəfin hərbi karyerasının başlanğıcı 1964-cü ilə təsadüf edir. Bu müddət ərzində o, Böyük Britaniyada hərbi təhsilə yiyələndi. Benazir Bhutto baş nazir olarkən Müşərrəf hərbi əməliyyatlardan məsul komandir, 1998-ci ildə ordu komandiri oldu. Kəşmir problemi Pakistanın Hindistan ilə 3 dəfə müharibə etməsinə səbəb oldu.
Müşərrəf 1999-cu ildə Kəşmir məsələsinə dair Hindistan ilə yaşanan böhran zamanı keçirilən mətbuat konfransları ilə tanınan sima oldu. Ancaq Kəşmirdəki müqavimətçilərin geri çəkilməsinə dair təlimatından sonra o dövrün baş naziri Nəvaz Şərif ilə fikir ayrılığına düşdülər.
1999-cu ildə Müşərrəf ölkədə çevriliş edərək hakimiyyəti ələ keçirdi. 2001-ci ilin iyun ayının 20-dən etibarən Pakistan prezidenti kreslosuna yiyələnən Pərviz Müşərrəf bir müddət Pakistanın Türkiyədəki səfirliyində də çalışmışdı. General P. Müşərrəfin bu çevriliş beynəlxalq ictimaiyyətin etirazına səbəb olmaqla yanaşı, Pakistanın BMT-nin üzvlüyü məsələsinin təxirə salınması ilə nəticələnmişdi.
Beynəlxalq ictimaiyyət tərəfindən Müşərrəfə göstərilən təzyiqlər ABŞ-də baş verən 2001-ci il 11 sentyabr hadisələri, daha sonra Əfqanıstanda həyata keçirilən əməliyyatlara dəstək verməsiylə yumşaldı və Müşərrəf hakimiyyəti beynəlxalq ictimaiyyət tərəfindən qəbul edilməyə başlandı.
2002-ci ilin aprelində ölkədə keçirilən referendumun nəticələri Müşərrəfə daha 5 il müddətinə iqtidarda qalma hüququ verdi.
Seçilmiş bir məclisi buraxma səlahiyyəti əldə edən Müşərrəf 2002-ci ilin oktyabr ayında ümumi seçkilər keçirməklə hərbi rəhbərliyi sivil idarəçiliklə əvəzləyəcəyini elan etdi. Seçkilərdə Müşərrəfə yaxın olan Mir Zəfərullah Cəmali qələbə qazandı və ölkənin baş naziri oldu.
P. Müşərrəf 2008-ci ildə prezident vəzifəsindən istefa verib.
İstinadlar
[redaktə | mənbəni redaktə et]- ↑ 1 2 Pervez Musharraf // Brockhauz Ensiklopediyası (alm.).
- ↑ 1 2 Pervez Musharraf // Munzinger Personen (alm.).
- ↑ 1 2 وفاة رئيس باكستان السابق برويز مشرف بعد معاناة طويلة مع المرض.
Xarici keçidlər
[redaktə | mənbəni redaktə et]- Həyatının olduğu vebsayt Arxivləşdirilib 2008-06-02 at the Wayback Machine
- Siyasi həyatı
