Rövşən Hüseynov (17 dekabr 1975; Yeğeqnadzor, Ermənistan SSR) — azərbaycanlı boksçu, 1993-cü il Avropa Çempionatının qalibi.
Rövşən Hüseynov | |
---|---|
Şəxsi məlumatlar | |
Tam adı | Rövşən Məmməd oğlu Hüseynov |
Vətəndaşlığı | Azərbaycan |
Doğum tarixi | |
Doğum yeri | Yeğeqnadzor, Ermənistan SSR |
İdman növü | Boks |
Məşqçisi | Rauf Cabbarov |
Boyu | 168 sm. (5 ft 6 in) |
Komandası | "Dinamo" |
Rövşən Məmməd oğlu Hüseynov 1975-ci il dekabrın 17-də Yeğeqnadzor şəhərində anadan olub. "Dinamo" İdman Cəmiyyətində Rauf Cabbarovun məşqçiliyi altında idmanla məşğul olurdu.
Rövşən Hüseynov 1993-cü ilin 6-12 sentyabrda Bursa şəhərində baş tutan Avropa Çempionatında mübarizə apardı. 1/8 final mərhələsində Ukrayna nümayəndəsi İqor Matveyçuju, 1/4 final mərhələsində Bolqarıstan təmsilçisi Yulian Stroqovu, 1/2 final mərhələsində isə Türkiyə nümayəndəsi Kadir Yıldırımı məğlub edən Rövşən Hüseynov, turnirin final görüşünə vəsiqə qazandı. Həlledici görüşdə onun rəqibi Almaniya təmsilçisi Rico Kubat oldu. Sentyabrın 12-də baş tutan final görüşündə Rövşən Hüseynov rəqibi üzərində 7:4 hesabı ilə qələbə qazandı və Avropa Çempionatının qalibi oldu.[1]
Daha sonra Rövşən Hüseynov 1996-cı ilin 30 mart-8 aprelində Vayle şəhərində baş tutan Avropa Çempionatında çıxış elədi. 1/8 final mərhələsində o, Ukayna nümayəndəsi Sergey Kovqanjoya məğlub oldu və turnirdə mübarizəsini dayandırdı.[2]
Avropa Çempionatı | Türkiyə | |||
Avropa Çempionatı | Danimarka | |||
Dünya Çempionatı | Tailand | |||
Avropa Çempionatı | Xorvatiya |