Rəhim Hüseynov (nazir)

Rəhim Əlihüseyn oğlu Hüseynov (5 aprel 1936, Bakı – 12 noyabr 2023, Bakı) — Azərbaycan siyasi xadimi, Azərbaycan Respublikasının 2-ci Baş naziri (1992–1993).

Rəhim Hüseynov
Azərbaycan Respublikasının Baş naziri
14 may 1992 – 30 yanvar 1993
Əvvəlki	Feyruz Mustafayev (i. e.)
Sonrakı	Əli Məsimov (i. e.)
Azərbaycan Respublikası Baş nazirinin birinci müavini — Dövlət İqtisadiyyat və Planlaşdırma Komitəsinin sədri
4 may 1992 – 16 may 1992
Sonrakı	Ziyad Səmədzadə
Azərbaycan Respublikası Baş nazirinin müavini — Dövlət İqtisadiyyat və Planlaşdırma Komitəsinin sədri
22 may 1991 – 4 may 1992
Əvvəlki	özü (vəzifənin adı dəyişdirilib)
Azərbaycan SSR Nazirlər Soveti sədrinin müavini — Dövlət Plan Komitəsinin sədri
13 fevral 1989 – 22 may 1991
Əvvəlki	Ayaz Mütəllibov
Sonrakı	özü (vəzifənin adı dəyişdirilib)
5 fevral — 22 may 1991-ci ildə Azərbaycan Respublikası Nazirlər Soveti sədrinin müavini — Dövlət Plan Komitəsinin sədri kimi
Azərbaycan SSR Dövlət Maddi-Texniki Təchizat Komitəsinin sədri
4 oktyabr 1978 – 13 fevral 1989
Əvvəlki	idarə komitəyə çevrilib
Sonrakı	Aydın Əzizbəyov
Azərbaycan SSR Nazirlər Soveti Baş Maddi-Texniki Təchizat İdarəsinin rəisi
19 aprel 1974 – 4 oktyabr 1978
Əvvəlki	Nikolay Saakov
Sonrakı	idarə komitəyə çevrilib
Şəxsi məlumatlar
Doğum tarixi	5 aprel 1936(1936-04-05)
Doğum yeri	Bakı, Azərbaycan SSR, ZSFSR, SSRİ
Vəfat tarixi	12 noyabr 2023(2023-11-12) (87 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Partiya	Sovet İttifaqı Kommunist Partiyası (1962–1991)
Təhsili	Moskva Polad İnstitutu[d] (1953–1959)
Fəaliyyəti	siyasətçi, iqtisadçı, mühəndis
Təltifləri

1936-cı il aprelin 5-də Bakı şəhərində ziyalı bir ailədə doğulub boya-başa çatmışdır. 1943-cü ildə Lənkəran şəhərində birinci sinfə daxil olmuş R. Hüseynov 1953-cü ildə Bakı şəhərində orta məktəbi müvəffəqiyyətlə bitirmişdir. O, təhsilini davam etdirmək üçün Moskvaya gedir. 1953-cü ildə Moskva Polad İnstitutuna daxil olur. 1959-cu ildə Moskva Polad İnstitutunu metallurq-mühəndis kimi bitirən R. Hüseynov vətənə qayıdaraq Azərbaycan Boru-Prokat zavodunda əmək fəaliyyətinə başlayır. 1959–1962-ci illərdə R. Hüseynov bu zavodda əvvəl usta köməkçisi, sonralar isə boru-prokat sexində usta, sexin baş texnoloqu, rəisi vəzifələrində çalışmışdır.^[1]

R. Hüseynov 1962–1965-ci illərdə Azərbaycan SSR Dövlət Plan Komitəsində baş mütəxəssis, şöbə rəisi vəzifələrində çalışmışdır.

R. Hüseynov 1965–1974-cü illərdə Azərbaycan SSR Nazirlər Soveti Baş Maddi-Texniki Təchizat İdarəsi rəisinin müavini, 1974–1978-ci illərdə bu idarənin rəisi, 1978–1989-cu illərdə isə Respublika Dövlət Maddi-Texniki Təchizat Komitəsinin sədri vəzifələrində çalışmışdır.

1989–1992-ci illərdə R. Hüseynov Azərbaycan Dövlət Plan Komitəsinin sədri və Azərbaycan SSR Nazirlər Soveti sədrinin müavini olmuşdur.

1992-ci il mayın 14-də Ali Sovetin sessiyası çağırılmışdır. Bu sessiyada Xocalı faciəsi üzrə komissiyanın qərarı elan olunmuş, A. Mütəllibov prezidentliyə qaytarılmış və təklif edilmişdir ki, bu sessiyada baş nazir də seçilsin. Respublikanın tanınmış iqtisadçısı kimi R. Hüseynovun namizədliyi irəli sürülmüşdür. R. Hüseynov Azərbaycan Respublikasının baş naziri seçilmişdir.

R. Hüseynov 1992-ci ilin mayından 1993-cü ilin yanvar ayına kimi Azərbaycanın baş naziri vəzifəsində çalışmışdır.

AXC hakimiyyəti dövründə könüllü olaraq baş nazir vəzifəsindən getmişdir.^[2]

1990-cı ildə yaranan ictimai təşkilatlardan biri də Azərbaycan Alimlər və Mühəndislər Birliyi olmuşdur. R. Hüseynov həmin birliyə yarandığı gündən bəri sədrlik edir. 1994-cü ildə isə Beynəlxalq "Xəzər" fondu təşkil olunmuşdur. Onun təsis konfransında R. Hüseynov yekdilliklə fondun prezidenti seçilmişdir və ona başçılıq edir. Eyni zamanda o, 1994-cü ildən Beynəlxalq Alimlər və Mühəndislər Birliyinin vitse-prezidentidir.

R. Hüseynov Azərbaycan SSR Ali Sovetinin sessiyalarının, Azərbaycan KP qurultaylarının, MK plenumlarının nümayəndəsi olmuşdur. O, Qırmızı Əmək Bayrağı, Xalqlar dostluğu, Şərəf nişanı ordenləri və bir sıra medallarla təltif olunmuşdur.

2023-cü ilin noyabrın 12-də vəfat edib. Onun cənazəsi "Qurd qapısı" qəbiristanlığında, həyat yoldaşının məzarının yanında dəfn olunub.^[3]

• "Müstəqil Azərbaycanın ikinci Baş naziri - Rəhim Əlihüseyn oğlu Hüseynov + DOSYE" (az.). enter.news. 2017-05-14. 2017-08-04 tarixində arxivləşdirilib. İstifadə tarixi: 2017-08-04.
• Rəhim Hüseynovun "Karyera"sı: "İki gündə iki dəfə Baş nazir təyin olundum"
• Rəhim Hüseynovun "Karyera"sı: "İndiki nazirlər heç bilinmir hardan gəlib nazir olublar" — II HİSSƏ