Süni göz yaşları

Süni göz yaşının istifadəsi

Süni göz yaşları — göz səthinin quruluğunu və qıcıqlanmasını aradan qaldırmaq üçün istifadə edilən yağlayıcı göz damcısı.[1] Quru göz sindromu (keratokonjunktivit sicca) ümumi göz səthi xəstəliyidir və gözyaşı pərdəsinin pozulması və iltihabın artması ilə xarakterizə olunur.[2]

Onlar həmçinin kontakt linzaları nəmləndirmək və göz müayinələrində istifadə olunur.

Süni göz yaşları reseptsiz satılan dərmanlara aiddir. Orta və ağır quru göz sindromu baş verəndə süni göz yaşları digər dərmanlarla tamamlanır.[3]

Tərkibi

[redaktə | mənbəni redaktə et]

Süni göz yaşlarının tərkibinə karboksimetilselüloz[4], polivinil spirti[4], metiloksipropilselüloz (həmçinin HPMC və ya hipromelloza kimi tanınır)[4], hidroksipropilselüloz[1], hialuron turşusu, TS-polisaxarid (tamaharid)[5] və digər polisaxaridlər daxildir.[6]

Süni göz yaşlarının tərkibində su, duzlar və polimerlər var[5], lakin təbii göz yaşlarında olan zülallar yoxdur. Onları hər 3 saatdan bir dəfədən çox istifadə edən xəstələrə[1] konservantsız və ya qıcıqlandırıcı effekti olmayan marka seçmək tövsiyə olunur.

Süni göz yaşları preparatlarının tərkibinə görə təsnifatı:

Təsiri

[redaktə | mənbəni redaktə et]

Bir neçə saatdan bir (gündə 6 dəfəyə qədər) süni göz yaşından istifadə etmək quru göz sindromunun simptomlarını aradan qaldıra bilər.

Hidroksipropil selüloz kornea qabığının gözyaşardıcı təbəqəsini sabitləşdirir, qalınlaşdırır və gözyaşı pərdəsinin qırılma müddətini uzadır.[1]

İstifadəsi

[redaktə | mənbəni redaktə et]

Süni göz yaşları adətən quru göz sindromu üçün ilk terapiyadır. Yüngül hallarda gündə 4 dəfə yağlayıcı damcıların tətbiqi tələb olunursa, ağır hallarda gündə 10–12 dəfə damcıların tətbiqi kimi müalicə tələb olunur.[1] Ağır hallarda daha güclü süni göz yaşlarından istifadə olunmalıdır, baxmayaraq ki, onlar müvəqqəti olaraq görməni bulandıra bilər.[1]

Göz yaşları əvəzedici terapiyasının seçilmə alqoritmi[7]

[redaktə | mənbəni redaktə et]

"Süni göz yaşları" dərmanının seçimi quru göz sindromunun patogenezindən, onun klinik gedişatının şiddətindən və müəyyən bir xəstədə buynuz qişanın və konyunktivanın müşayiət olunan patologiyasının mövcudluğundan asılıdır. Göz yaşı əvəzedici terapiyanın patogenetik istiqaməti göz yaşları pərdəsinin sabitliyinin pozulmasının səbəbinin aradan qaldırılmasına əsaslanır.

Kserotik prosesin şiddəti xəstənin müxtəlif viskozitet dərmanlara uyğunluğunu müəyyən edir: kserozun yüngül və orta formalarında konservantı aşağı olan viskoziteli formulalar təsirli olur, ağır hallarda yüksək özlülüklü preparatlar və jellər effektiv olur.

Tərkibində əlavə (metabolik, iltihabəleyhinə, antioksidant, osmoprotektiv və s.) dərman komponentləri olan "Süni göz yaşları" preparatları buynuz qişanın və konyunktivanın müvafiq müşayiət olunan patologiyası üçün göstərilir.

Ehtiyat tədbirləri

[redaktə | mənbəni redaktə et]

Göz qızartısı üçün istifadə olunan damcılar gözləri qurudur.[8] Kontakt linzaları taxarkən, onlar üçün xüsusi olaraq hazırlanmış nəmləndirici və ya yağlayıcı damcılardan istifadə edilməlidir.[8] Effektiv nəmləndiricilərdən biri hialuron turşusudur ki, bu da gözyaşardıcı təbəqənin dayanıqlığını artırır və quru göz simptomlarının əhəmiyyətli, davamlı azalmasına kömək edir.

Dünyada quru göz sindromunun müalicəsi üçün çox sayda dərman var. Dərmanlar müayinədən sonra həkim tərəfindən təyin edilir.

Arzuolunmaz və qarşılıqlı təsirlər, əks göstərişlər

[redaktə | mənbəni redaktə et]

Karboksimetilselülozun və oxşar sürtkü yağlarının mümkün arzuolunmaz təsirlərinə aşağıdakılar daxildir:

Hidroksipropilselülozun yan təsirlərinə aşağıdakılar daxildir:

Bununla belə, süni göz yaşlarının ümumi yan təsir profili çox aşağıdır.[4]

Süni göz yaşlarının digər maddələrlə qarşılıqlı təsiri haqqında məlumat yoxdur.[1] Süni göz yaşları üçün sənədləşdirilmiş əks göstəriş hiperhəssaslıqdır.[1]

Baytarlıqda istifadəsi

[redaktə | mənbəni redaktə et]

Süni göz yaşları itlərdə, pişiklərdə[9] və atlarda quru konyunktivit üçün yerli terapiyanın bir hissəsidir.

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 "Keratoconjunctivitis, Sicca". eMedicine. [[WebMD|]]. 2006-04-21. 16 October 2006 tarixində arxivləşdirilib. İstifadə tarixi: 2006-11-12.
  2. ↑ Cursiefen, Claus.; Jun, Albert S. Current Treatment Options for Fuchs Endothelial Dystrophy. Springer International Publishing. 2017. ISBN 978-3-319-43021-8. OCLC 979934453.
  3. ↑ Perry, Henry D.; Donnenfeld, Eric D. "Medications for dry eye syndrome: a drug-therapy review". Managed Care (Langhorne, Pa.). 12 (12 Suppl). December 2003: 26–32. ISSN 1062-3388. PMID 14723111.
  4. ↑ 1 2 3 4 Artificial tears potpourri: a literature review. |том=31 |номер=8 |страницы=1419—1433 |pmid=25114502 |pmc=4124072 |doi=10.2147/OPTH.S65263 |язык=en |автор=Moshirfar M., Pierson K., Hanamaikai K., Santiago-Caban L., Muthappan V., Passi S. F. |месяц=7 |год=2014 |тип=journal}} (ing.)
  5. ↑ 1 2 В.В. Бржеский. "Современные препараты «искусственной слёзы» в лечении больных с синдромом «сухого глаза»". Медицинский совет. 2014-02-07. 2014-09-12 tarixində arxivləşdirilib. İstifadə tarixi: 2014-09-12.
  6. ↑ Troiano, P; Monaco G. Effect of hypotonic 0.4% hyaluronic acid drops in dry eye patients: a cross-over study. // Cornea . 10 (journal) (ingilis). № 10. — 2008. — 27 dekabr. — 1126—1130. doi:10.1097/ICO.0b013e318180e55c. PMID 19034126. (#accessdate_missing_url) (ing.)
  7. ↑ В.В. Бржеский. Алгоритм выбора слезозаместительной терапии у пациентов в амбулаторной практике // Клиническая офтальмология (журнал) (rus). № 1. — 2018. — 26 февраль. — 13–19. ISSN 2311-7729. 2021-09-24 tarixində arxivləşdirilib.
  8. ↑ 1 2 Michelle Meadows. "Dealing with Dry Eye" (PDF). FDA Consumer magazine. May–June 2005. 2014-09-12 tarixində arxivləşdirilib (PDF). İstifadə tarixi: 2014-09-12. (ing.)
  9. ↑ Шилкин А. Г., Олейник В. В., Ротанов Д. А. "Антибактериальная терапия сухого кератоконъюнктивита и ксеротических язв роговицы у мелких домашних животных". Глазной Ветеринарный центр доктора Шилкина А.Г. 2014-09-12 tarixində arxivləşdirilib. İstifadə tarixi: 2014-09-12.

Xarici keçidlər

[redaktə | mənbəni redaktə et]