Space televiziyası

Space TV — 12 oktyabr 1997-ci ildə fəaliyyətə başlayan, Azərbaycanın özəl telekanallarından biridir.

Space TV
Ölkə Azərbaycan Azərbaycan
Yayım ərazisi Azerspace-1 peykinin əhatə dairəsi
Dil Azərbaycan dili
Baş qərargah Hüseyn Cavid prospekti 8, Bakı, Azərbaycan
Yaranma tarixi 12 oktyabr 1997
Sahibi Sevil Əliyeva
Rəhbərlik Vado Korovin
Qardaş kanallar Space Radio
Sayt spacetv.az
Vikianbarın loqosu Vikianbarda əlaqəli mediafayllar

Tarixçə

[redaktə | mənbəni redaktə et]

"Space" Televiziyasının ilk televerilişi 12 oktyabr 1997-ci ildə nümayiş olunub. Yayım şəbəkəsi respublikanın sosial, siyasi və mədəni həyatını əks etdirən müəllif proqramlarından ibarətdir. Gündəlik informasiya buraxılışları və informasiya-analitik verilişləri ilə yanaşı Space TV maraqlı tok-şou, musiqili-əyləncəli, intellektual oyun və maarifləndirici proqramları ilə də seçilir. 31 dekabr 2007-ci il tarixinə qədər digər Azərbaycan telekanalları kimi Space TV-də verilişlərinin bəzisini rus dilində nümayiş etdirirdi.[1] Space TV-nin əsas xəbər verilişi "Hər Gün"dür.[2] Hal-hazırda şirkətdə 365 işçi çalışır. Proqram şəbəkəsinin 30%-i xarici teleməhsullardan təşkil olunub. Space TV sutka ərzində orta hesabla 18 saat yayımlanırdı.

Space TV-nin binası

26 sentyabr 2012-ci ildə Space TV loqotipində müəyyən dəyişiklik edərək onu ekranın sağ alt küncündən götürərək ekranın sağ üst küncünə yerləşdirmişdir. Telekanalın öz loqotipini tamamilə dəyişdirməməsinin səbəbi loqotipdəki "Space" yazısının müəllifinin Azərbaycanın 3-cü Prezidenti Heydər Əliyev olmasıdır.[mənbə göstərin]

2014-cü ildə isə qismən 16:9 təsvir formatlı yayıma keçmişdir.[3]

2021-ci il yanvar ayının 4-də telekanalın efir müddəti artırılaraq 18 saatdan 24 saata çatdırılıb. Həmçinin, yarandığı gündən "Hər Gün" adıyla fəaliyyət göstərən informasiya proqramının adı "Space Xəbər" olaraq dəyişdirilmişdir. Əvvəl gün ərzində saat 09:00, 12:00, 15:00, 18:00 və 20:15-də yayımlanan xəbər buraxılışlarının da vaxtı dəyişdirilərək oktyabrın 11-dək 11:00, 14:00, 17:00 və 20:00 olmuşdur. "Space Xəbər"in əsas buraxılışını telejurnalist Turan İbrahimov təqdim edirdi.

13 yanvar 2021-ci ildə "Space TV" Bakı şəhəri üzrə HD yayım formatına keçib.[4]

29 sentyabr 2021-ci ildən etibarən öz yenilikləri ilə tamaşaçıların görüşünə hazırlaşan "Space TV"nin 9 il sonra loqosu da dəyişdirilib.

12 oktyabr 2021-ci ildən 2 oktyabr 2022-ci ilədək "Space Xəbər" informasiya proqramının xəbər buraxılışları gün ərzində saat 11:00, 14:00, 17:00, və 20:15-də olmuşdur. "Space Xəbər"in əsas buraxılışını telejurnalist Ceyhun Səfər təqdim edirdi.

28 yanvar 2022-ci ildə "Azerspace-1" peykində HD yayım formatına keçib.

3 oktyabr 2022-ci ildən etibarən "Space Xəbər" informasiya proqramının xəbər buraxılışları gün ərzində saat 11:00, 14:00, 17:00, və 20:00-da olmuşdur. Hazırda "Space Xəbər"in əsas buraxılışını telejurnalist Murad Əzimzadə təqdim edir.

4 sentyabr 2023-cü ildən etibarən öz yenilikləri ilə tamaşaçıların görüşünə hazırlaşan "Space TV"nin loqosu yenidən dəyişdirilib. Hazırda loqo yuxarıda sağ küncdə yer kürəsi formasında üstündə "Space" yazısı hərəkətli formada fırlanır.

Bağlanması

[redaktə | mənbəni redaktə et]

5 may 2020-ci ildə "Böyük boss" bədii filmində tütün məmulatından istifadə səhnəsinin aşkar şəkildə yayımlanması ilə "Televiziya və radio yayımı haqqında" Azərbaycan Respublikasının Qanununun 40.2.2.-1-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 6 may 2020-ci il tarixli 6/1 nömrəli qərarı ilə Space TV-nin yayımı 15 may 2020-ci ildə saat 23:00-dan 00:00-dək 1 saatlıq dayandırılıb. Telekanal 16 may saat 00:00-da fəaliyyətini bərpa edib.

13 may 2020-ci il saat 23:00–00:00 arası müddətdə 18 dəqiqə reklam yayımlanması ilə "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 20 may 2020-ci il tarixli 8/1 nömrəli qərarı ilə Space TV-nin yayımı 4 iyun 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini yenidən bərpa edib.

23 iyul 2020-ci il saat 19:00–20:00 arası müddətdə 20 dəqiqə 48 saniyə reklam yayımlanması ilə "Televiziya və radio yayımı haqqında" Azərbaycan Respublikasının Qanununun 35.7-ci maddəsinin tələbləri pozulub. Milli Televiziya və Radio Şurası həmin Qanunun 23.1-ci maddəsini rəhbər tutaraq 4 avqust 2020-ci il tarixli 9/1 nömrəli qərarı ilə Space TV-nin yayımı 10 avqust 2020-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini yenidən bərpa edib.

23 aprel 2022-ci il saat 17:47–18:23 arası yayımlanan "Balaca qurmanlar" uşaqlar üçün proqram zamanı energetik içkiyə aid çarx nümayiş etdirildiyinə görə "Reklam haqqında" Azərbaycan Respublikasının Qanununun 12.1.8-ci maddəsinin tələbləri pozulmuşdur. "Media haqqında" Azərbaycan Respublikasının Qanununun 41.1.1.-ci maddəsinə əsasən Azərbaycan Respublikası Audiovizual Şurasının 27 aprel 2022-ci il tarixli 4/1 nömrəli qərarı ilə Space TV-nin yayımı 5 may 2022-ci ildə saat 08:00-dan 11:00-dək 3 saatlıq dayandırılıb. Telekanal saat 11:00-da fəaliyyətini yenidən bərpa edib.

14 noyabr 2022-ci il saat 12:00–14:45 arası yayımlanan "Gəl, danış" proqramında zorakılıq və qəddarlığı təbliğ edən informasiyaya yol verilmiş və "Media haqqında" Azərbaycan Respublikasının Qanununun 14.1.5-ci maddəsinin "mediada yayımlanan informasiyada zorakılıq və qəddarlığın tələbinə yol verilməməlidir" tələbi pozulmuşdur. "Media haqqında" Azərbaycan Respublikasının Qanununun 41.1.1.-ci və 41.5-ci maddələrinə əsasən Azərbaycan Respublikası Audiovizual Şurasının 16 noyabr 2022-ci il tarixli 17/1 nömrəli qərarı ilə Space TV-nin yayımı 17 noyabr 2022-ci ildə saat 12:00-dan 15:00-dək 3 saatlıq dayandırılıb. Telekanal saat 15:00-da fəaliyyətini yenidən bərpa edib.

Loqotipləri

[redaktə | mənbəni redaktə et]
  • 29 sentyabr 2021-ci il saat 00:00-dan 4 sentyabr 2023-cü il saat 04:48-dək istifadə olunmuş loqo
    29 sentyabr 2021-ci il saat 00:00-dan 4 sentyabr 2023-cü il saat 04:48-dək istifadə olunmuş loqo

Rəhbərlik

[redaktə | mənbəni redaktə et]

"Space" fəaliyyətə başladığı 1997-ci ildən 2001-ci ilə kimi Eldar Namazovun rəhbərliyi altında idi.

2001–2006-cı illərdə "Space" MTYŞ-nin rəhbəri Etibar Babayev olmuşdur.

2006-cı ildən teleşirkətə kinorejissor Vaqif Mustafayev rəhbərlik edirdi. 2021-ci ilin fevral ayının 5-də Vaqif Mustafayev bu vəzifədən azad edilib.

5 fevral 2021-ci ildə Space televiziyasının yeni rəhbəri, Rəşid Behbudovun kürəkəni, eləcə də əfsanəvi müğənninin adını daşıyan Fondunun direktoru Kamil Şahverdiyev təyin olunub. Bu tarixdən ATV-də rəhbər vəzifədə çalışmış Həsən Abdullayev də öz komandası ilə Space TV-də fəaliyyətdə olub.

20 may 2021-ci il tarixindən etibarən bu vəzifəyə Müşfiq Hətəmov təyin olunmuşdur.[5]

7 fevral 2023-cü tarixindən etibarən Müşfiq Hətəmov bu vəzifədən ayrılıb və yerinə Vado Korovin gətirilib.[6]

Rəsmi keçidlər

[redaktə | mənbəni redaktə et]

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ "Arxivlənmiş surət". 2016-04-01 tarixində arxivləşdirilib. İstifadə tarixi: 2015-09-20.
  2. ↑ "Arxivlənmiş surət". 2016-03-08 tarixində arxivləşdirilib. İstifadə tarixi: 2015-09-20.
  3. ↑ "Arxivlənmiş surət". 2015-09-19 tarixində orijinalından arxivləşdirilib. İstifadə tarixi: 2015-09-20.
  4. ↑ "Arxivlənmiş surət". 2022-01-29 tarixində arxivləşdirilib. İstifadə tarixi: 2021-01-12.
  5. ↑ SPACE televiziyasının yeni rəhbəri məlum oldu — FOTO
  6. ↑ "Müşfiq Hətəmov "Space" TV-nin rəhbəri vəzifəsindən gedib, yerinə Vado Korovin gətirilib". 2023-03-08 tarixində arxivləşdirilib. İstifadə tarixi: 2023-03-08.

Xarici keçidlər

[redaktə | mənbəni redaktə et]