ÇOXTİRAJLI

Çoxtirajlı qəzet — Sovet dövründə istehsalat və Ali təhsil müəssisələrində, kolxozlarda nəşr edilən qəzet növü. SSRİ-də ilk fabrik-zavod qəzetləri 1922-1925-ci illərdə çap olunmağa başlamışdı. 1933-cü ildə isə artıq 2734 fabrik-zavod qəzeti çap olunurdu. "Çoxtirajlı qəzet" termininin mənası isə əslində bu deməkdir ki, divar qəzeti çap maşını vasitəsi ilə çox tirajla çap olunur. SSRİ-dövründə Azərbaycan SSR-də nəşr edilən ilk çoxtirajlı qəzetlərdən biri isə indiki Şəki şəhərindəki İpək kombinatının "İpəkçi" qəzeti idi. 1933-cü ildə nəşrə başlayan "İpəkçi" qəzetinin fəaliyyəti hal-hazırda da davam edir.