гл., - да, -на; -из, -зава; -а || -0, - ин, -рай, -мир; агат тавун, ахгатун, агат тахвун || агат хъувун тавун, агат хъийимир. 1) вуж нив, квев мукьув фин, мукьув хьун. Лам тачагъиз вич балкӀандив агатна... Е. Э. Гачал, гьей! Гурмагърай туптуп гумар акъатна: кайванияр къуларив ахгатзава. КӀандач заз ви а цӀай, ялав Пара агатун, чимивал. С. С. ЦӀинин гатун чимивал. Лезгияр кьве патал пай хьунин тахсиркарар лезгияр я: абур адалатдин суфрадив геж агатна. 3. Р. Веси. Агат тавурай лугьуз Саларив нуькӀер, Саларбанди аюхдал АлукӀна пекер. Ж. Аюх. ГапӀал-гапӀал агатзава ЧӀулав цифер чӀафарив. А. Къ. КьванцӀила Агатна вирида хъикьифар неда, Вергерик кутуна таза цирияр. С. К. Яран сувариз. 2) шиир. вуч ( дерт, гъам, азият, фикир, тӀал ) таъсирдик хьун. Фугъарадив вуч еке дерт агатна, Гьайифди лап кана сивер акъатна. Е. Э. Гачал, гьей. 3) нив; алакъаламиш хьун. Вучиз кӀандач ваз агатиз. Е. Э. Ярдиз. Фялеяр гила сифте яз Къамкъамаз, чпин багъри касдив хьиз, агатзава, ам гьалкъада твазва. Гь. Къ. Четин бахт. Ният чӀуру итимрив Гьич садрани агатмир. Мегь. А. Лезги намус квадармир.