прил. 1) кьакьан ва я хкаж хьанвай чкадилай дуьзен патахъ галай. Вини мягьледай Эгьмед, агъа мягьледай Мегъамед фидайвал хьанай. И. В. Зарафатни керчек. Агъа кӀамун къерехдал алай хуьр Бахцугъар хьун лазим я. Гь. Къ. Са юкъуз руш це лугьуз хуьруьн агъа мягьледай итимар атана. И. В. ЦӀийи савдагарар. 2) са чкадин сив, кьил галай патаз акси патан. Туьквендин агъа кьиле пачкайра авай кьел акурла, зи рикӀел къведайла папа гайи тапшуругъ хтана. А. М. Талон гвани?
* агъа кӀан нар. лап тӀимил. Идан патахъай агъа кӀан Вад-ругуд рипе дуьгуь, са пут къван гъери, гьакӀ як, маса затӀар лазим тир. А. Ф. Риза. Ам духтур я, вичин яшда уькӀуь-цуру акунва, Лап агъа кӀан виш лезгидиз операци авунва. М. Б. Автограф.