нар. 1) агъада авай патаз. Са гъвечӀи кӀеретӀ атлуяр... дагъдин тик жигъирдай агъуз, къацу тамарни фараш багълар авай дередиз эвичӀна. Гь. Къ. Четин бахт. 2) са квелай ятӀани тӀимил.... ида кьуд абас, пуд абас ( анлай агъуз гьич раханни ийимир ) вахкузвачир. И. В. "УстӀар". Антоним: виниз
* агъуз авун гл., ни-куь вуч агъада авай гьалдиз гъун. ЧӀарчӀин гъайванди тум агъуз авун, ам азарлу тирвилин лишан я! А. Сайд. Кьисас. Антоним: виниз авун.
* агъуз-виниз тахьана рах., нар. са артухан гаф, гьерекат тавуна, энгел тавуна.. Са агъуз-виниз тахьа- на, яна фена. Р.
* агъуз хьун гл., 1) вуж-вуч агъада авай гьалдиз атун. Ашукьдин сес акъваз хьана ва адан хурудал алай чуьнгуьр агъуз хьана. 3. Гь. Лезгийрин риваят. 2) куьч. нуфузвал тӀимил хьун, амукь тавун. АлахъайтӀан виш агъзур суз, Квевай жез туш чи кар агъуз. С. С. Хва кьей кас. Паб кьена ялгъуз хьайила, Виниз кар агъуз хьайила... С. С. Марият кьена хендеда хьайила. Кесиб инсан виниз жезва, Девлетлуди агъуз жезва. И арада хабарсузбур Дуьньядикай ажуз жезва. Ашукь Абдул. Кесиб инсан. Антоним: виниз хьун.