|| АГЬЛИ || ЭГЬЛИ туьрк, сущ.; -ди, -да; -яр, -йри, -йра тайин са чкада яшамиш жезвайди. Рахадайла мецер ширин, Агьалияр акьул дерин, КӀватӀ жез санал багъда серин, Чар гьавизни булах ава. С. С. Лезги халкь социальноэкономикадин ва милли жегъетдай кӀеве гьатунин нетижада агьалийрин хейлин пай кесибдаказ яшамиш жезва. А. А. Лезги... концепция. Сулейманан мисалди къалурна хьи, неинки миллионралди агьалияр авай, гьакӀ гъвечӀи халкьарин арадайни бажарагълу инсанар акъатун мумкин я. А. А. СтӀал Сулейман. Идалай са шумуд йис вилик Къубадин Герей, Сусайи Алпан, Къеледуьз хуьрериз азербайжанвияр атана. Тарихчийри кхьизвайвал, алатай асирин эхирра и хуьрерин агьалияр кьве чӀалал - татар ( азербайжан ) ва лезги чӀаларалди рахазвай. Гила абур азербайжан чӀалал рахазвай хуьрер я. М. М. Лезги тӀвар алатӀа.