|| КЪВАЗУН гл., -да, -на; -из, -зава; -0 || -а, -ин, -рай, -мир; такъвазун || акъваз тавун, ахкьвазун || акъваз хъувун, акъваз хъийимир 1) кӀвачер чиле акӀурнавай гьалда хьун. Садбур ацукьна кӀанера чукьванрал, Садбур элкъвена акъвазна кӀвачерал. А. Ф. КьатӀ кьатӀ авур зунжурар 2) вуж, вуч гьерекатдикай хкечӀна, хкатна секин хьун, динж хьун. Гьич кьиле фич а папав луькӀуьнна, Гаф лагьайла, физ акъвазд рикӀина. С. С Пис папаз. Къваз тавуна даим азар, Вуна лагь, за гьикӀ чӀугван, тӀал. С. С. Сухан тӀал. Машин колхоздин контордин вилик акъвазна. - К, 1988, 9. XӀӀ. Дуьнья я им, акъвазмир сархуш хьана. Е. Э. Стхаяр. Марфадин яд къвазна пипӀе... С. С. Гьинама ? Гзаф йисар тир тахкуназаз зи дуст, Ингъе, садра дуьшуьш хьана шегьерда. Рекьин юкьвал акъвазна, хваш-беш авуна, Раханач ам зав лезгидин тегьерда. Мегь. А. Шегьерви дуст. 3) вуж гьина амукьун, хъфин тавун. Чавай ваз я ахлад, я акъваз лугьуз жедач, хва... 4) вуж фикир кьилиз акъуд тавуна, гуьзлемишун. Акъваз, яр, вун и зулалди, Девран гьалин шадвилелди. Е. Э. 5) вуж кӀвалахдикай кьерех хьун. Кьилди къвазна куь крар виликди къвеч... Акъвазнач йифди-югъди кӀвалахдивай, Гъиле кар авачиз кьарай кьведачир. А. Ф. КьатӀ-кьатӀ авур зунжурар. 6) вуж кӀвалахдал хьун. Масад кьуна маларив, гила куь къвазда данайрив. Ж. 7) са гъихьтин ятӀани фикирдал атун. Дидени буба рухваяр ахъай тийиз акъвазна. Ф. Ирид стха. \[Къизхалум\] Вун Саядперидал, стха, гьикӀ хьана акъвазайди я? И. Гь. Саяд. 8) кьилиз акъатун, хьун. Гила вацӀ муркӀади кьурла, анай экъечӀун регьят акъаваздач. Р. Хуьре ирид лагьай класс куьтягьнавай ва урус са гафни чин тийизвай жавандиз Огнида кӀелун давамарун са тӀимил четин акъвазна. ЛГ, 997, 26. XӀӀ.
* дуьз акъваз, килигиз ~, къерехда ~, кьиле ~, метӀерал ~, хура ~, хух кьуна ~, чина ~, яргъа( з) ~.
* акъвазай ( къвазай рах. ) балкӀандикай як атӀудай прил. амалдар, азгъун хесетар квай. Ам пара амалдар, акъвазай балкӀандикай як атӀудай, гьиллейралди лежберрив вичин хийир патал гъахъсуз кӀвалахиз тадай кас тир. А. А. СтӀал Сулейман. ГъвечӀизмаз вечрен кӀаникай какаяр чуьнуьхзавайда, чӀехи хьайила акъвазай балкӀандикай як атӀудачни? А. Сайд. «Чуьнуьх гумбатӀ».
* акъвазай ( къвазай рах. ) яд ктӀида мисал 'гьар са затӀ гьерекатда хьана кӀанда' манадин ибара.