нар. лап. # ~ вагьши, ~ мердимазар, ~ угъри, ~ гьарамзада. Хьана кьван, хьанач кьван са кесиб къари, адахъни аваз хьана акьалтӀай темпел са гада. Ф. Акьуллу паб. Савад авач, авам я ман акьалтӀай. И. Гь. Са шиирдин тарихдай. И арада виридаз чпикай акьалтӀай кесибар хьана кӀанзавай. Къ. А. Четин бахт. Эминан дережадикай гьар са дагъвидиз, иллаки гьар са лезгидиз, хабар хьун лазим я. Амма гьайиф чӀугвадай кар ам я хьи, саса вахтара бязи чалкечирри ам вуж тир, ада вуч авунай лугьуз, чпин акьалтӀай алчахвал къалурда. Ихьтин ахлакьсузвили миллетдални леке вегьизвайди аннамишзавач. М. Жалилов. Юбилейдиз савкьватар || ЛГ, 1999, 29. ӀV. Айдабегаз Ирандин шагь Сулейман и къугъунин акьалтӀай гьевескар тирди чир хьанвай. 3. Р. ЦӀийи ханлух. Судья, зун вав я, жемятар, - квевни, зун Атаси хътин акьалтӀай жаллатӀвилин кардик квач. Къ. М. Дагъларин деринрин булахар. Шарвилиди вичин туруналди дагъларай рекьер акъуддай: имни дагъвийрин арада акьалтӀай игитвилин лишан тир. Р. Р. Лезги халкьдин игитвилин эпос.
* акьалтӀай гаф сущ.; икьрардин гаф. Ваз акьалтӀай гаф авайд туш, чӀалахъ хьана, ГьикӀ гуда сир. Лезги халкьдин махар. АкьалтӀай са гаф гузвач на садазни... Ш. Къ. Ай гьайиф.
* акьалтӀай алатай вахт граммат, сущ.; глаголдин хьана акьалтӀнавай, тикрар тахьай гьерекатар къалурдай вахт. АкьалтӀай алатай вахтунин формаяр глаголдин масдардин дибдикай -а, -ава акал хьана арадиз къведа: тун + а - туна, тун + ава - тунва. Р. И. Гьайдаров, С. М. Мирзеханов, А. Р. Рамалданов, Лезги чӀал.
* акьалтӀай предложение граммат., сущ. тамам тир. АкьалтӀай метлеб лугьузвай гафарин кӀватӀалдиз акьалтӀай предложение лугьуда. М. М. Гь. Лезги чӀал.